ارفق علي وخاطب القلب بركود​

[العقيد]

ارفق علي وخاطب القلب بركود​


قدام قلبي لايواجه مصيره​
​
واكذب علي وقول ماهوب مقصود​


وآكمل غيابك جعل فالآمر خيره​
​
من شأن اقول ان الغضي يمكن يعود​


وانك مسافر بس رحلة قصيره​
​
خل الأمل يزرع بساتين وورود​


لو كان كذبه تحت شمس الظهيره​
​
لابدها ماترجع اسهود ومهود​


دأم الآمل يلعب على الغصن طيره​
​
ايامنا ماتشتكي اليالنا السود​


واليأس مايسكن عيون ٍ بصيره​
​
الحب روح الشوق لاهبت النود ​


ادنات حاجه عابره تستثيره​
​
والبعد سيف ٍ بين الآحباب مجرود ​


سيف ٍتحدى للسيوف الشطيره​
​
ياللي غيابك مر وآحلامك وعود​


وجرحك زرعته بالضلوع الكسيره​
​
والله احبك والغلا معك موجود​


في كل درب ٍ لك مع الحب سيره​
​
دايم سماك اطياف وبروق ورعود​


معك يهب الشوق في كل ديره​
​
لانك كريم ومنبع الخيروالجود​


وفضايلك دايم عليّه كثيره​
​
منّك عرفت ان الغلاء ماله حدود​


ويكبر مادام ان الأماني كبيره​
​
ومنّك عرفت ان الوفا حبل ممدود​


ولايمكن انه يشبهه شي غيره​

[بعثرة حروف]

طرح في قمة الروعه والابداع
سلمت

[العقيد]

تحيتي لكل الزوار الذين
مروا