حلمي سراب

[عاشقة الدموع]

حلم الخيـال اللي رسمته قبل اجيك .
حسبته بيبقى على واقع خيال .
احلامنا بين التلاشي والوشيك
ورغباتنا بين التناقض والكمال .
ماكنت ارتب كيف احبك واهتويك
وماكنت راسم للغلا اي احتمال
والصدفه اللي جابتك يوم التقيك
اجمل صدف عمري الى يوم الزوال .
ودي اوقف ساعة الوقت واجيك
واعيش بين عيونك حبات خال .
خشمك مظاليلك وبسمة شفتيك
جمالها ماعاد من عقبه جمال .
لو متحف اللوفر يشوف الزين فيك
سوى لوجهك متحف يفوق الخيال .
طلعت لي من وين يرحم والديك
وش ذا الدلع وش ذا الحلا وش ذا الدلال .
ودي بك وروحي فدا روحك واليك
ومشكلتك انك من ذوات ال ال ال .
اخاف اعلم بأسمك وثم اسم ابيك
واروح ورى الشمس ما اعين ظلال .
وينك انت قدلي وانا وادور عليك
والحمدلله جيت ياعطر الوصال .
اقصى حدودي فالوصل لمسة يديك
واجمل غرامي لاحلمتك بانفعال .
شف كيف قدرك في خفوق مهتويك
نسيتني نفسي .... ولافيها جدال .
محد يبدي حد على نفسه.. وفيك
بديت وسويت لك كل المحال
لبيك لا لاجاء رقمك وقمت احكيك
اسج من روحي على شآن اتصال
يذبحني ان مالي وسط قلبك شريك
ويغريني انك بالوصل .. صعب المنال
لاتقول احبك .. لا انا طماع فيك
قول اعشقك والعشق للمغرم ظلال .
مشتاق لك مشتاق بك مشتاق فيك
اختار شاللي يعجبك منها وتعال.

[دموع انثى]

سلمت يمناك
على الطرح الرائع
والإنتقاء الجميل

[لاجلك عاشقة الدموع]

يعطيككَ العافيه لَا حرمنا منَ إبداعك ..
بَإنتظار جديدك المتميز بَ كل شوق
وَ تواجدك المتألق

[عاشق المطر]

عندما نتكلم عن الاحلام

فأنا اقول لكي لاتتنازلي عن أحلامك أبدأ فالحلم
يموت اذا لم تفكر فيه كل حين

لأريد ألاطاله مبدعه ياسيدتي
كنت هنا

[عاشق المطر]

نسيت تقييم بسيط

[العقيد]

لاتقول احبك .. لا انا طماع فيك
قول اعشقك والعشق للمغرم ظلال .
مشتاق لك مشتاق بك مشتاق فيك
اختار شاللي يعجبك منها وتعال.

ياللروعه

ويالذووووووووق

صراااااااااااحه قمة الابداااع والذووق

[سحاب]

صح لسانه وصح كلكـ ..
سلمتي ولا عدمنا هالذوق و1

[ابو نايف]

صح لسان قائلها وصح احساسكَ على الكلمات الرائعه ،
دمتي مبدعه ، ومتميزه ، تسلمين على النقل
تقبلي طلتي / ابو نايـ/ـف *