محاوره بين زوج وزوجته

[عافك الخاطر]

شاعر سعودي زوجته ما عطته وجه في رمضان مشغولة بالعبادة ارسل لها هالابيات : لا تحسبين الصوم ذكرن وقرآن.. ولا تحسبينه في صلاة التراويح .. ...

شاعر سعودي زوجته ما عطته وجه في رمضان مشغولة بالعبادة
ارسل لها هالابيات :


لا تحسبين الصوم ذكرن وقرآن..
ولا تحسبينه في صلاة التراويح ..

ولا تحسبينه بذل وانفاق واحسان..
وكثرة دعاء يتبعه كثرة تسابيح..

ولا تحسبينك لا دعيتي بغفران..
ما عاد عندك شيء يحتاج تصحيح..

ياللي تبين الله يجازيك بجنان ..
زوجك عطيه إذا اشتهى هبة الريح..

لا تهجرينه يركبه ألف شيطان..
وهو يطالع في البنات المماليح..

يتعب يقلّب في القنوات سهران
يدوخ لا شاف الوجيه المصابيح..

داري الضعيّف لا بغى النوم خرمان..
قام يتقلب وافهمي منه تلميح ..

ترى بعضنا لا اشتهى الخير ولهان..
ما هوب لازم يطلب الكيف تصريح..

يا بنت نجد الزوج ما هوب شيطان..
عطيه حقه لا يجي يوم ويصيح ..


وردت عليه الزوجة وقالت:

أنشهد أنك حيل كما شاااعر وفنان
وشعرك يا حبي مايبي زود توضيح

تنضم بيوت الشعر لا صرت خرمان
وقبله ما شفنا منك أدنااااات تمديح

همك على نفسك تبي الكيف طربان
والناس بالشهر الفضيل ذكر وتسبيح

قبل رمضان وأنت كنك كما شيطان
ترقد بجنبي ومولعن كل المصابيح

يدك على الريموت والحيل تعباااااان
ونفسك بخشمك والمشاعر لها شحيح

لو أتزين حيل والعطر ريحه جنااااان
وألبس لك الفستان شفاف كما الريح

ما ني على بالك و بعينك كما الجان
ومنت مثل بعض الرجال الطحاطيح

تعطيني مقفاك وتونون كنك تعبان
وأنا أتقلب بالفراش مثل المجاريح

خلنا نتغانم شهرنا بصوووم وقرآن
وربي يكتبنا مع النااااس المفاليح

وبعد رمضااان ورنا شطارتك يا فنان
وخل التبكبك عنك ودموع التماسيح

الأيام قدامك تراها على طول الأزمااان
ورنا الشطاره تميلح يومين علينا و تطيح

[رهين الشوق]

ههههههههههههه
قصيده جاااامده ورد جاااامد
نشكرهم على التوضيح والشفافيه هههههه

اشكرك على الطرح يا مبدعنا
دمت بخير و4

[صخب]

والله مشكله اذا حصل الاهمال من الطرفين
وخصوصا في رمضان
قصيده قويه ورد اقوى
روعهَ جدا و سلمت على الإختيار ق1