سُـولفوا تـَكفون لـا عَـاد تسكُـتون ..

[خفايا الشوق]

سولفوا تكفون لا عاد تسكتون ..
. . قبل لا أهوجس وياتيني بلاي
:
السكات يزود طعوني طعون ..
.. وتنكسر لا جا على راسي عصاي
:
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
:
واضحكوا لو بالعماله تضحكون ..
.. وجاملوني لو يضايقكم حكاي
:
لي وليفٍ راح جعله ما يهون ..
.. هو دواي وداي .. أو داي ودواي
:
راح لكن طيف زوله في العيون ..
. . مرةٍ قدامي ومرة وراي
:
وإن سكتوا جا وهو طيفه يمون ..
. . رحت أهوجس له وأبين له ولاي
:
مكسب عيوني من الفرقا مزووون ..
. . تمطر لطاريه .. والبرق ؟ أصدقاي
:
كل ما طروه لو هم يمزحون ..
.. احرموني من غداي ومن عشاي
:
أدري إنه ما تناسى الود كون ..
.. تسمع إذنه في قفاي اللسن عداي
:
وكانهم قالوا نسيته يكذبون ..
. . وإلا أنا فيه أمتلك نظرة وراي
:
كان حبه لي على خبري مصون ..
. . والله ان كني بقدري .. وبغلاي
:
ذي بقايا الحب وأطلال الجنون ..
. . والله أعلم في ضميره وش بقاي
:
غير طيعوني ولا عاد تسكتون ..
. . ولا والله إن أسمعكم بكاااي

[عاشقة الدموع]

سلمت يمينك غاليتي ع هذا الجمال الراقي
لروحك 🌹🌹

[المستبدة]

يعطيك آلعافيه على هذآ آلجلب ..[فقط الأعضاء المسجلين والمفعلين يمكنهم رؤية الوصلات]
وسلمت آناملك آلمتألقه لروعة طرحهآ..[فقط الأعضاء المسجلين والمفعلين يمكنهم رؤية الوصلات]
ودي لك ولروحك ,,~ [فقط الأعضاء المسجلين والمفعلين يمكنهم رؤية الوصلات]