وين انت غايب

[عاشقة الدموع]

وين انت غايب ياعسى مابك خلاف
ياللي على دنياي أشرقت منّا

عكس اتجاه الشرق والنور ينشاف
بين الحنايا نور خدك وطنا

ياللي بهمس الشوق للروح ميلاف
تعال خذني دامك أبطيت عنا

أنا مابيني دونك النفس تنعاف
خاصمت نفسي فيك صرت المعنّى

انا البحر وانت السفينة ومجداف
شقيت صدري والغلا يمتحنا

برد المشاعر موت وانفاسك لحاف
والشوق نار وهمس صوتك فتنا

أنت الجنون اللي على هاجسي طاف
وش ماتبي خذني على ما تمنى

من غيبتك ماعاد يطربني القاف
مات الشعر لكن طريت وتغنى