الحزن في صوتك

[همسة حزن]

الحزن في صوتك ازعج ساكني



لين صار الكون من حولي حزين



غصب عني حزن صوتك هاجني



لين خلى عاصي المعنى يلين



و امتثل حرف القصيد و عادني



و انسكب حزنك على شعري حنين



شلت انا صوتك و حزنك شالني



أكتم الصرخة و ينساب الأنين



شفت حزنك كيف حزنك شافني



كيف داهم خلوتي في لحظتين



طير أنا مثلك زماني ضامني



جرحتني مثلك سيوف السنين



صابك اللي من زمان صابني



في معاليق الحشا جرحه دفين



كلما ودعت هم زارني



من عذاب الوجد بياح الكنين



الفرح عقب الصداقة هابني



خافت البسمة على وجهي تبين



طير يا اللي صوت حزنك هاضني



الله اللي ينتصر للصابرين

[خجولة مشاعر]

يعطيك العافيه طرح جميل

[عافك الخاطر]

كلمات لها وقع خاص يببالنفس تاثيرها ككبير معانيها رنانه بلسم لصدر شفاء لروح بارك الله فيك