هذا الوقت خيانة

[الصقر الجارح]

شكيت جرحي للبحر قال تكبر وتشوف منهم في حياتك غرابه

نطقت له تكفى إذا كنت تقدر عندي سؤال بس ناقص إجابه

ليه القلوب اللي نبي دوم تغدر وليه الحزن يفرض علينا ثيابه

قال الكسر ما ظنتي يوم يجبر إلا إذا اللي راح أعلن إيابه

قلت الوفا بين البشر ليه يندر ليه الغلا بالناس سهل إنقلابه

قال البشر طبعه غدر بس أصبر وأعرف ترى نصف الوجيه تشابه
[فقط الأعضاء المسجلين والمفعلين يمكنهم رؤية الوصلات]
دنياك لو تصفي فلابد تكدر وتشوف شيب العمر بعد الصبابه

وإن كان تبغى الحل من قبل يصدر خلك حريص تعيش كلك مهابه

من قبل دمع العين بالحزن يحدر من قبل لا وقتك يعضك بنابه

وقتك غريب ومثلك اليوم يندر يندر تعيش بطيبتك وسط غابه

باقول كلمة وأذكره دوم وأخبر وأذكر كلامي لك إجابه إجابه

لا تقول أنا فاهم على الناس أقدر أميز من دروسي كتابه

صدقني هذا وقت خاين ويغدر لو أنت ذيب تخون فيك الذيابه

[عاشقة الدموع]

نص باذخ وجميل وراقي .. طرح معبر سلمت وسلم نبضك ي الغلا

[العقيد]

الصقر

طرح راااااقي جدال

تسسسسلم الا يادي

[الصقر الجارح]

يسلمو يا الرائعين طلتكم وربي تكفي ما قصرتو

[احاسيس الغلا]

جميل هذا الاختيار
راقي ورائع سلمت لنا

[الحب الكبير]

كل الشكر والإمتنان على روعهـ بوحـكـ ..

وروعـة مانــثرت .. وجمالية طرحكـ ..

دائما متميز فى الانتقاء

سلمت يالغالي على روعة طرحك

[خلصتو الاسامي]

موضوع رائع وشيق تسلم يمنااك

[الصقر الجارح]

احاسيس الغلا - الحب الكبير - خلصتو الاسامي

وضعتم جمال ليس بيد اي انسان ان يزرعه برونق كلماتكم سرقتم الجمال

وبمروركم الكريم زرعتم المحبه فلكم مني كل الموده