الضيقة

[الصقر الجارح]

أبي أبكي من الضيقة وأعزف للهموم ألحان أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان أبي لامن طرى عاشق ذكر من كان يغليني

أبيهم يذكرون إني صرت بدمعتي غرقان أبيهم يعرفون الهم هو اللي صار يخاويني

أبي أصرخ وأبلغهم وأقول إن الفرح خوان يجي مرة معاي و هو طول العمر ناسيني

أبي اترك لهم قصة وأخيرهم على العنوان يسموا حزن يحطوا دمع ما عاد يعنيني

أبي لامن وصل صوتي يحس بضيقتي إنسان أبي لامن نزف جرحي لقيت اللي يداويني
[فقط الأعضاء المسجلين والمفعلين يمكنهم رؤية الوصلات]
أبي شخص يجي يمي ويقفل للعنا بيبان أبيه يكون لي خل وعلى حزني يواسيني

أبيه لمركبي مرسى وأبيه لغربتي أوطان أبي لامن ذرفت الدمع لقيته لي يعزيني

أنا ما أبيه يصبح ضلع أبيه يكون لي ضلعان أبي لامن مشيت وطحت يحط يديه في يديني

إلامن خانني التعبير أبيه يكون لي لسان أبي لامن سكت ألقاه يفهم من نظر عيني

أبي لامن تعبت وضقت يلم الروح بالأحضان أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكان أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان أبي أهديه باقة ورد مسقيها شراييني