انا دخيلك .. تفهم الوضع برفوق

[عاشقة الدموع]

وين انت ياللي .. ذابح القلب بالشوق
العقل من بعد ( اللقاء ) منك ما فاق
ليتك تحس بواقعي بس .. وتذوق
من كاسك اللي منه ( نشفن ) الارياق
دنياي من دونك ترى مالها ( ذوق )
خليتني عايش على ( حد ) الارهاق
إليا متى .. ببقى اطالبك بحقوق
متشوف كل الكون .. في غيبتك ضاق
وراك كني تايه الدرب .. ملحوق
خايف تكون .. إنهاية الحب لفراق
يكفي عذاب اللي ( غدا ) منك محروق
غيرك وربي بالبشر ما بعد .. لاق
شفني بقايا إنسان .. في حال مسروق
من سِـبّـتك ضاقت بي ( افواج ) وآفاق
انا دخيلك .. تفهم الوضع برفوق
ما عاد صبري لو تصورت .. ينطاق !!
تعال بعدك حالتي كلها .. عوق
عقبك ودربي بالهوى صار .. منعاق
تدري مكانك ( غايتي ) دايما فوق
فيك انولد ( حلمي ) وكبرن الاشواق
تاخذني ايامك .. لها حيل واتوق
دامك هناي .. ورغبتي .. ليه مشتاق
لو تطلب اسنين العمر .. جاتلك سوق
والروح لجلك دايم الدوم .. تنساق
في عيني اكبر .. من ( غلا ) كل معشوق
مثلي لحبك ماعتقد ( مر ) عشاق
متى تجيني .. تطلب القرب وتروق
ونهيم ساعة كلها ( ضم _ وعناق)
والله ما ياصل غلاك اي ( مخلوق)
وحدك سكنت بداخلي ( وسط الاعماق )

[حكايه مات راويها]

عاشقة الموع
فتحتِ ببوحكِ هذا نوافذمغلقة في حجرات القلب
وايقظتى سباتى بهذه الروعه
واشعلتى قناديل التميز بهذا التميز
اي صمت اصاب هذا القلم ليكتب برائعتكِ مايليق
واي ذهول اجتاح الانامل لتختار لاحرفكِ
مايناسبها من حروف
ساكتفي بالصمت عزيزتى
ليس لاني اكتفيت من الكتابة
ولكن لاني مهما كتبت لن تفي احرفي وقلمي
وصف جمال اختيارك ِونبضكِ
ولهذا سأكتفي بالصمت وابتسم
مررت من هنا فزرعت احرفي
خالص ودي وجزيل شكري