الحب .. غيرة ، تضحية ، شوق ، وإعجاب

[عاشقة الدموع]

في نظرة عيوني وفـ سنيني الجرد
غاب الفرح والحزن ما حوله غياب

مليت من صمتي ، ومليت من طرد
دنيا ً تخلي صادق الحب كذاب

الحب .. ماهو حاجة الفرد للفرد
الحب .. غيرة ، تضحية ، شوق ، وإعجاب

مشاعري ضميْت ولمواصلك و رد
وإن جات لك لاتسكر في وجهها الباب

النفس ، والأشواق ، وأفكاري الشرد
في غيبتك .. جا بينهم لوم وعتاب

سريت لك خايف .. وشايل معي ورد
متسارعة دقات قلبي ومرتاب

سحب السما تمطر .. وميت من البرد
حتى وصلتك والقمر ما بعد غاب

ماجيت أبشكي لك من سنيني الجرد
جيتك أعاني من غياب ٍ بلا أسباب