في صمتي

[عاشقة الدموع]

في ثواني صمتي الساكـن تـزول الاقنعـه
ينكشف وجه المعاني والمحك بين الحـروف
اسمعك في لحن شعري ونبض قلبك اسمعـه
يمك احساسي دليلي واعرفك بيـن الالـوف
نبض قلبي لك يغني مـن القصايـد امتعـه
اعذب حروف القصايد صغتها منٌك وصـوف
حبك سكن في خافقي اشعل حنينـي وولعـه
حالي برى من حبكم ياليتها عينـك تشـوف
ياليت قلبك يالغـلا نيـران شوقـي تلسعـه
يمكن يحس بلوعتي من بعدها يمكن يـروف
وان كان قلبك عن هواي قاسي ظروفك تمنعه
قلبي تحدى لجلكم ياعاشقي قاسي الظـروف
لو بيني وبينك جبل شاهق عشانـك اطلعـه
لا ماحداني عن هواك ياساكني بعدن وخوف
عليك قلبـي يالغـلا عظيـم شوقـي يدفعـه
سهام ودك يطعنن قلبي مثل طعن السيـوف