الله من ليل(ن)قضيت اتحراك :(

[عاشقة الدموع]

الله من ليل(ن) قضيت اتحراك
اتذكر ايامك واقبل خيالك
اراجع اللي فات ضحكتك وابكاك
واتذكر ايام الرغد في وصالك
امني الخاطر بوصلك ولقياك
وانا اتحرى شوفتك واتصالك
تبعد وتاخذ وقت وتعود والقاك
واجلسك قدمي وانا اجلس قبالك
انسى الهجر وآقبلك واتحفاك
وآخذ علومك وآتحلى جمالك
ويلي على قلب الجفا واتجافاك
لكن عجز قلبي يقاوم دلالك
تخطي وتزعلني وانا ادور ارضاك
واجي اعتذر واقول قلبي حلالك
عجزت اكرر ياجعل يومي افداك
وكني بك تزايد غرورك بحالك
اما تعال وخلني اعيش واياك
والا اعتذر ويعيضني الله بدالك