تدري وش الي قهرني من خيانتها؟؟انها مع(احقر عبادالله)خانتني

[عاشقة الدموع]

اي والله دنيا عرفت شلون عيشتها ..
زادت حمول الحياة وشلها متني ..

حتى اللي حبيتها وحبيت ( ضحكتها )
بأقسى طريقة وبأعمق جرح خانتني ..

حسيت الأرض اختفت من هول صدمتها ..
كن الأماني بنتني ثم هدتني ؟؟

الكلمة اللي قدرت أقول حزتها ..
ليت الليالي في دنياها ماجابتني ..

كنت اهتوي ( نارها ) عشان ( جنتها )
واحقق احلامها باللي تمنتني ..

لاجيت ابرقد .. تلحفني عبايتها ..
وانا ضلوعي .. تلحفها لاضمتني ..

تبدل الحال بالدنيا ورمتها ..
حتى الخلايق مع ظروفي تحدتني ؟؟

دايم تحاول تضايقني .. بإسائتها ..
ودها .. تبين لي انها اليوم عافتني ..

عزاي من عقب ماقفت بدنيتها ..
أنا اللي خليتها مو هي خلتني ..

واجهتها و ( الضياع ) يضم وجهتها ..
تمشي ولا جيتها .. وامشي ولا جتني ..

في ( ضحكة عيونها ) اشوف ( دمعتها ) ..
ويمكن لو اني ضحكت شوي لمتني ..

ادري انها تخفي الغبنة في بسمتها ..
وادري انها تموت بوصالي لاشافتني ..

اللي ذبحها وزود ظيم حالتها ..
اني تجاهلتها .. وانها ماهمتني ..

( مسكينة ) تحبني وتجحد محبتها ؟؟
وتكذب على نفسها لامن تناستني ..

اتعس ( نهاية ) بنهاياتي .. نهايتها ..
واسعد ( بدايات عمري ) ماتباطتني ..

ياصاحبي والنفوس تضيع غايتها ..
لاتلومني يوم اقول : الناس غشتني ..

تدري وش اللي قهرني من خيانتها ؟؟
انها مع ( أحقر عباد الله ) خانتني ..

مرت على واستفزتني بضحكتها ..
ماكنها بيوم من الايام حبتني ؟؟؟

[كيان الحزن]

تسسلم يديك ,,