ما بيگ لا رحت عني تلتفت فيني

[كيان الحزن]

ما بيگ لا رحت عني تلتفت فيني
. . . . خلآص مات الغرام الي تبنيتـه

دآيـم أردد طلبتگ لا تخلـينـي
. . . . واليوم رح لطريق الي تهقويته

واليوم نادم وشوف الدمع من عيني
. . . . ودايـم أقول هذا كـيف حبيتـه

كنت الوحيد الي دايم يوآسيني
. . . . وفنجال حبك ماوالله يوم هزيته

العام حبك على دربي يخاويني
. . . . ويا كثر دمعن على طريآگ هليته

العآم لاغبت لحظه قمت تبكـيني
. . . . والعام لا ضاق صدري رحت يم بيته

العام حتى حروفك مثره فيني
. . . . واليوم جرحگ عميقن بس كنيته

شوف القصايد عليگ اليوم ترثيني
. . . . حبگ بقلبي قسم بالله عزيته

حتى كلآمگ في بالي مايخليني
. . . . بذكرگ فيه يوم أنك تناسيته

تذكر كلامگ ترى صوتگ يسليني
. . . . وأبشرگ هآنت العشره وخليته

يا حبي الي متعبني ومشقيني
. . . . قصر الغلا ياحبيبي ليش هديته

كنا حقيقه وكانت يدگ فيديني
. . . . ومآفيه شين على شآنگ ماسويته

بعت البشر في حضورگ يوم تشريني
. . . . ولا فيـه يوم غثا حبگ لگ اطريتـه

والحين لا رحت مآ تدري أنآ ويني
. . . . بعيش في قرب شخص ن فيگ سميته

شخصن صغيرن مدلع دوم يطريني
. . . . لا قال بابا فديته جيت وضميـته

يكفيني أسمه ليامن ضاقت اسنيني
. . . . لامن ذكرتگ بعآلي الصوت نآديته

وله أنت ربي عن أشكآلگ بيغنيني
. . . . وساس المحبه بيديني شوف دميته

ما عاد فيها غلا وضاعت عناويني
. . . . والقـلب ماعاد يمگ لو ترجيـته

ما بيگ لا رحت عني تلتفت فيني
. . . . والحين رح لطريق اللي تمنيته

[عاشقة الدموع]

الله ..الله عليك ي كيان وربي جبتها ع الجرح

فديتك قمة الطرح وجمال الكلمات لم استطع الاقتباس لان كل بيت اعذب من الآخر

[كيان الحزن]

سلامة جرحك ,,

لا هنتِ على هذا المرور العذب .