أبكي واصوّت...

[نوره]

ابكي واصوت ياهوى البال وينك
ليتك تجاوب صرخة الميّت الحي

مشتاق لك ودي تعـاود حنينـك
جعل الموده تجلب لعيني الضـي

دامك صغير اغنم حلاوة سنينـك
وراع الوشايه لانوى يقربك عي

الموقف اللي صار بيني وبينـك
انسه تـرى والله مايعتبـرشـي

عالج جروحي في طراوة يمينـك
ترني مريض ولانفع جسمي الكي

سحر الغرام اللي بنظرات عينك
ماظنتي يقدر عليها جبـل طـي

به جاذبيه شكّلت نصـف زينـك
قتلت الشهيد اللي توفى وهو حي



للشاعر عثمان المجراد ..