أجي ودي عناقك بس خايف لا تصديني

[عاشقة الدموع]

آه ياتاج انتظاري
لو فضولك من حنين ..!
كان شفتي في مراية وجهك الطاهر مسافهْ .. بين حزني والحقيقة ..
كان يعذر قلبك ( الشاعر ) صديقه ..!
كان وقّفتي دقيقة تسامحين ...!






[فقط الأعضاء المسجلين والمفعلين يمكنهم رؤية الوصلات]

انادي .. من ورى صوتي : ( ابيك الحين )
ابي .. ألمسك فعيوني ومايحرق جفوني ملح
وابي القاك وسط الليل ساعة صبحْ !


[فقط الأعضاء المسجلين والمفعلين يمكنهم رؤية الوصلات]

أجي ودي عناقك بس خايف لاتصدِّيني
واجي ودي فراقك بس ( ضحكة صوتك ) الفتَّانْ
تضيِّعني ورا حزني تدوّخني ترابيني
وأجي مديون من غلبي وانا اللي فا لأصل ديَّان







مساكْ بربكة الساعة وصوتي لاتمثّل روح
تخلَّق داخل أنفاسك ويكبر لحظة الهامي ...
أحبك إيه انا لحالي قدرت أقولها وابوح
أخاف هناك من صوتي صداه أكبر من اسهامي
تقوليلي ( كثير اشتقت ) ؟ واقول أكثر من المسموحْ
أفتّش في شوارعنا ..عن أجمل بيت قدامي .!


[فقط الأعضاء المسجلين والمفعلين يمكنهم رؤية الوصلات]
صباحك .. أوله نسمه ..
وأحلى مابقالي منك صدى كلمه
( أحبك )
آ’ه ما أعذبها .. وما أصدقها وما أكذبها
أقول .. انتي تحبيني كثر صوتي ؟
عصافير وشجر وأوراق !
وشاعر ينتظرله فراق !
في موتي ..
يموت الشارع المخفي .!
وقنديل الصبر يطفي ..
تجين ومامعك صوتي
ولا موتي
ولا حتى وهم مشتاق .

[فقط الأعضاء المسجلين والمفعلين يمكنهم رؤية الوصلات]

أحبك كثر ما هالشارع المزحوم ذكّرني ..
أحبك كثر ماصوتك افعز البرد دثّرني
وانا لحالي رضيت بحزني الأول ..
وخوووفي حزني التالي ..
تحبيني ؟
تحبيني .؟
أمانة بسْ قوليها
تراك أكثر
بعد أكثر ..
وحشتيــــــــني
-





[فقط الأعضاء المسجلين والمفعلين يمكنهم رؤية الوصلات]

أنا واحساسي اف بعدكْ عصافير وشجر وأوراق
ظِلالْ وشمس لو تغرب يجينا ليلنا الثاني
عيونك موطن الساعة ودقّات الحنين أشواق
نسي في شارع الأيام لايعطيك عنواني
إذا أمسي مثل يومي شجن وأخبار ماتنطاق
أبـ..انسى ذكرياتي يوم واذكر بعض نسياني !


[فقط الأعضاء المسجلين والمفعلين يمكنهم رؤية الوصلات]

يا مسافة !
جاوزت ظلي وما منها حسافة !
يكفي إن الدرب مع صوتك مدينة !
يكفي اني والشوارع لاتغيّبتي حزينة !
آخذ احساسي ..معاي !
واترك الشارع وراي
واتضيّع !
علّمينيْ
كيف ادلِّ الحين دربي
والشوارع كلها نادت عليك ..!

[فقط الأعضاء المسجلين والمفعلين يمكنهم رؤية الوصلات]

قلبي معكْ مهما تخافين يحميك
حولك مثل ظلك مكانه مكانكْ
أقطف من غصون الوله شوق وأعطيك
وأظلّل الصحرا بغيمة حنانك
يا نايمة في عين نورس تراعيك
كل النوارس حالمة باحتضانك






[فقط الأعضاء المسجلين والمفعلين يمكنهم رؤية الوصلات]
مسا بنت المسا أنثى وصوت افلهفته مبحوح
وقلب يحاور أيامي ويشغلني عن أحلامي
مسا قلبك يناديني وانا في شرفته مذبوح
أفكّر فآخرةْ حبّي واناظر حسرة أيامي
مساك انتي مسا ( الحارة ) مسا شبّاكك المفتوح
اذا ناظرته بعيني أخاف تخونك أوهامي ..!


[فقط الأعضاء المسجلين والمفعلين يمكنهم رؤية الوصلات]

مساء الخير ...
لا .. .. أكبر ..
مساء الخير والنعمة
مساء أخضر ..
مساء أوقاتنا الـ ( طعمة )
ونوم الطير ...
على شيحة تدلَّى غصنها في بيت جيراني ..
مسا ( هاتف معك ) ثاني ..
مسا التخيير...!
بين انك تشوفيني ..و ما اشوفك




[فقط الأعضاء المسجلين والمفعلين يمكنهم رؤية الوصلات]
فاتن تحبيني ..؟!
إذا قلتي نعم ..قومي اسمعي ..
طارت عصافير وتصالح حزني الباقي معي ..
حنا سوى ..
من يوم ربّتنا حواري الذاكرة ..
ماهو هوى ..
يمكن خلود الآخرة ..!!
( إلا جنانْ ..)
لو قلت لك .. اني تحرّيتك مطر ..
وإن المسافة بيننا أكبر من إحساس السطر ...
ماهو هوى ..
إلا هوى و ما أروعُهْ ..!
غيمة حنين وأمهات واختيارْ ..
صدفة تواريخ وقرارْ ..!
كِنُّهْ مسافر ..
مرّ من جنب القطارْ وسافرت روحه معُهْ ! )












فاتن .. مسا صوتك معي طول الطريق
أواعده دربي ويحفظني صديق ... !
لو قلت لك ...
اني أحبك .. لآخر أنفاس الصدى ..
وإني اشوفك لي مدى ..
قلتيلي .. وربّي ( جنانْ )
ماهو جنان ..
إلا هوى .. يشبه حنان الأمهات ...
ترقص له غصون الليالي أغنيات ..
إلا هوى ..
واحنا سوى ..
نجمع من الشارع كلام ...
مع بعضنا .. نب نحتفل في كل عامْ ...
في نفس ها اللحظة انولدنا وانولد فينا الهوى ..!
فاتن تحبيني ..مدام إنا سوى ..) ..؟!













[فقط الأعضاء المسجلين والمفعلين يمكنهم رؤية الوصلات]


فاتن تحبيني ؟!
تقولي لي هنا
انتي وانا ..
كنا نزفّ الريح في شارع حزين
كانت حكايتنا حنينين !
وآنا (هنا )
أجمع من غيابك حضور
واروِّج أوهامي شعور وأنتظرْ
جيتي مطرْ .
جيتي مسافة بين عيني والنظر ..
جيتي.. من غيابك قدرْ ..
( يا فاتنة ..
ياساكنة فيني وفيني ساكنة )
قولي هنا بين الضلوع وتحت ( تفاح ) الربيع ..
خايف أضيع ..
فاتن تحبيني إذا قلتي نعم ذاب الصقيع ..!












فاتن تحبيني ..!؟
إذا قلتي نعم وش ننتظرْ
ودي أكحّل بك عيون الأغنياتْ وأنتفضْ
لو ينشطر ..
حرفي وحرفك .. كلنا صرنا بَعَض
فاتن .. مساك انتي لحالك والصديق المنبهرْ
كل الحياة مهاجرةْ في غيبتكْ إلا الشعر
لكنك أكثر من قصايدنا وأعذب صوتنا ..
كنك سحابة والمطر فيها أنا
فاتن مسا صوتك حزين ويعتذر
كن الصدى ْ من غير ضحكة صوتك الغض انكسرْ
لاتعتذرْ لاتنقهرْ ..
ياصوتها يااجمل قصايدنا جميع
يا بيتها يا أول عصافير الربيع
فاتن تحبيني ..
إذا قلتي نعم ( وشلون أضيع ) ..! ؟



[فقط الأعضاء المسجلين والمفعلين يمكنهم رؤية الوصلات]

أبيكْ انتي ..
لونِّك فآخر المشوارْ
لونِّك لي حمامة دارْ
عرفت ( المستحيل ) انتي
وحلم المستحيل انتي
أبيك انتي
ولو كنتي
فراشة .. مستحيل تعيش
حول النارْ
حمامة فوق سور الدارْ
ومن حول البيوت اصغارْ
رموا بحجار وانصبتي ..
أبيك انتي ..!!






[فقط الأعضاء المسجلين والمفعلين يمكنهم رؤية الوصلات]

مسا صوتي ..
صدى موتي .. مسا ك انتي !
متى كنتي ؟
يد الشاعر وديوانه
مدى تفكيره بشعره ونسيانه لعنوانه ..!
أمانة يا أول السهرة تظلّي لآخر السهرة ..
تعبت أجمع لك الفكرةْ
تعبت أكتبك وانتي غير ..







[فقط الأعضاء المسجلين والمفعلين يمكنهم رؤية الوصلات]


حتى الطريق
اللي ابتدا فيه االكلام
عيا معي قبل الظلام
اني أمرْ ...
لو انتظرْ
في مدخل الحارة واشوف الناس حولي يعرفون .!
إن القمر نصف الشهرْ ..
وان القهر ..
لا صرتْ ما تقوى السهر ..!!





[فقط الأعضاء المسجلين والمفعلين يمكنهم رؤية الوصلات]

ودي اشوفك بس لو وردة على غصن الحنين
قلبي أمين
عيني طويلة قصّرتها ربكة الشارع
وشكّ الواقفينْ
واللي خلقك أحلى وأحلى اشرب القهوة وانتي تناظرينْ
لكن أخاف
إنك إذا جيتي نموتْ
ونورّث الوقت السكوتْ
جايز تجين لو بس حتى تدركين
إني أنا والليل ..
في ذمة تعبنا من عناوين البيوتْ ..!






[فقط الأعضاء المسجلين والمفعلين يمكنهم رؤية الوصلات]


مثل رش المطر هادي ..
على الوادي
مثل مانتَ بقايا حروفْ
وأنا في حزني الأول مثل ماتشوفْ
أنادي راحة الخاطر
وأنا شاعرْ
وأحنِّط شهقتي ملهوفْ ..!






[فقط الأعضاء المسجلين والمفعلين يمكنهم رؤية الوصلات]

أبي أكتبْ
عشان ألقاك من أوَّلْ
وأبي أشطب عشانْ أقراك وأطوِّلْ
سهرت الليل بذنوبي
نسيت العطرفي ثوبي
وطرت بحرفك الأوَّل ..!
مساء الحرف كله فالغرام يهون
دموع الصوت أو حتى دموع الكون ..!
أنا عاشقْ
قبل هذي الحروف وذي
ومن عشقي بديت أهذي ..!
جمعت لحسرتي فالليل نجم الصبحْ
وعشت بعطرها فالصبح ضحكة جرحْ
أبي أكتبْ
وأبي أشطبْ
وأبي أرجع من الأولْ
أقول أحبْ .!






[فقط الأعضاء المسجلين والمفعلين يمكنهم رؤية الوصلات]

شجن ما يكفْ
وعين ترف
وحزن يصادر إحساسي
أنا ما أعيش بأنفاسي
وإذا مرة سألتيني ..
عن أحزاني .. وعن ياسي
بقول انتي
وعن حلمي ونوماسي
بقول انتي
وإذا مرة ..تذكَّرتي وأنا ناسي
بقول الذكريات انتي
شجن ما يكفْ
وعين ترف
مرار الوقت في كأسي .






[فقط الأعضاء المسجلين والمفعلين يمكنهم رؤية الوصلات]

نمر فيومنا الثالث ..
ولا أشوفك ..
أفكِّر بس بظروفك
وأناظر شوق بحروفك .
أحس برعشتك .. خوفك
من اللي صار ..
أكيد البارح احتجتي لأحد مثلي ..
ومن بعدي .. محد بعدي ولا قبلي
أنا اللي أعرف إحساسكْ ..
وأعيش الخوف بأنفاسك
وأنا اللي فيومنا الثالث
تحريتكْ
ولا جيتي ..
وصرت أخاف من بيتي