الــكــتــابــة ..

[كيان الحزن]

مافيه شي" يســتفز الكتـــابة
غير ارتجاف القلب من شوق غالِيه

مثل الهوى لا مر قبل السحــابة
الغصن يرجف والمطر في محاريه

لحظة مطر فيها خشوع الصحابة
نشوة شعور وربكة" في معانيه

الحرف كنّه ورع باول شبــابه
عجل" وتكبر في عيوني هقاويه

قل للحنايا تمسكه عند بــابه
تقعد تهدهد فيه لعيون قاريـه

لين الجروح يلبسنّه ثيـــابه
ويلبس أحاسيس الحشا في قوافيه

البرق تتعبني ثوانــي غيــابه
وارهق عيوني من سنين النظر فيه

يا ليل يا منشي لحون الربــابه
برّد على قلبي لهايب طواريــه

هات الندى والثلج يكفي سرابه
خل الضما وسط الحناجر يناديه



الشاعر / فهد القحم ..