ماني بخسران

[عاشقة الدموع]

لو خسرتك ماخسرت العمر والدنيا متاع..

وأدري إني لو خسرتك ماخسرت إلا القليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..



والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..



وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..



البشر واحد..نعم. .لكن فرق الإنطباع..
يجعلك يمي تميل ..ويم غيري ماتميل..



يارفيقي إنتبه..!وأ حسن إلي الإستماع..
للمواقف دور في كشف المزيف..وا لأصيل..



وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..



بيض الله وجهك اللي ساتره تحت القناع..
ورايتك بيضا معاي وياعسى عمرك طويل..



يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..



مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطل ع لي ذليل!!..



كم وأنا عييت أصدق فيك قدر المستطاع..
من غبائي كنت أسكت وأعذرك وأثر الحصيل؟..



جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..



والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..



كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..



كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..



إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..



صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..



إنفجر راسي من التفكير..و إزداد الصداع..
كيف أنا بفتك من جرحك؟؟ودوشة <<قالٍ وقيل>>..



صرت سيره في حلوق الناس وتالي هالضياع..
أنتحر!!معقـ ـول؟؟ يالله وش هذا الغليل؟؟..



رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..



لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..



فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..



وطالما إن الهجوم أفضل وسيله للدفاع..
مستحــــــ ـــيل أرضخ لو إن الحمل ياربعي ثقيل..



والبخيل اللي نساني وإشترى فيني.. وباع..
يـــــــــ ــذلف الله لايرده.. والله بجرحي كفيل..



وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..



طالما كان السبب في قوتي.. قبل الوداع..
بلغـــــــــوهـ أقل شيء بخالص الشكر الجزيل..

[رهين الشوق]

صباحكِ ورد يالغلا
ذائقة مُميزة كلمات تجنن

تسلم يمناكِ عاشقة الدموع على رووعه انتقاؤكِ

لقلبكِ ارق التحايا واعذبها

[كبرياء أنثى]

فديت عشوقــــــــــــــــــــــــــه ياناس ماأحلاها وماأحلا مووووووووواضيعها ... يسلم يمينك ياعسل على الطرح المميز

[كيان الحزن]

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

رائـــــــــعــــــــــــــــــه ..

تسلم يديك

[بنوتة زعلانة]

يسلمو يعطيك الف عافية

[رهينة الشوق]

[فقط الأعضاء المسجلين والمفعلين يمكنهم رؤية الوصلات]
[فقط الأعضاء المسجلين والمفعلين يمكنهم رؤية الوصلات]
عآإشقه ..
سلمت آنآإملك .~
[فقط الأعضاء المسجلين والمفعلين يمكنهم رؤية الوصلات]

[ياسمينة الحياة]

من اروووع ما قرأت ....
كتيير حلوه ,,

[عاشقة الدموع]

كل من مر متصفحي
كل الشكر والامتنان كل الحب والوفاء احمله بين اضلعي لكم