لاتنشغل عني وحط راسك على صدري ونام

[فطومة]

لاتنشغل عني وحط راسك على صدري ونام ([فقط الأعضاء المسجلين والمفعلين يمكنهم رؤية الوصلات])


لاتنشغل عني وحط راسك ([فقط الأعضاء المسجلين والمفعلين يمكنهم رؤية الوصلات])على صدري ([فقط الأعضاء المسجلين والمفعلين يمكنهم رؤية الوصلات])ونام

عطني ملامح عينك وخـل السوالـف والكـلام
مادام محرج لايهمك تكفي نظرات العيون

العين ما تكذب ومنهـا ينكشـف سـر الغـرام
طفل ٍ ما يقدر يكتم أسراره عن اللـي يسألـون


لا قلت لك تحبنـي؟ أسمـع كلامـي بإنسجـام
وان قلت لك مشتاق لي ؟ جاوبني بسحر الجفون


أموت باللي يستحي حتى على رد السـلام
على كثر شوقه .. يحس انه عليّه مـا يمـون


وأموت باللي لا حكى يسبـق حكاويـه إبتسـام
يعطيني من برقه قبل يعطيني من غر المـزون


حبيت من حبـك مشاويـري وحبيـت الـدوام
فيك اختلف رتم الحياة وصار له طعـم ٍ ولـون


ما همني بكرة ولا فكرت بالحاضر .. مـادام
انك معي وأبادلك حبك ،، يكـون اللـي يكـون


لا تنشغل ([فقط الأعضاء المسجلين والمفعلين يمكنهم رؤية الوصلات])عني وحط راسك ([فقط الأعضاء المسجلين والمفعلين يمكنهم رؤية الوصلات])على صـدري ([فقط الأعضاء المسجلين والمفعلين يمكنهم رؤية الوصلات])ونـام
ارقد على دقات قلب ٍ يحتفـل خلـف السجـون


مشاعري من لهفتي تجري عليـك بـلا نظـام
لها ليالي تزدحـم فـي قلبـي وجاهـا جنـون


خلني أعبّر لك عن أشواقـي وحبـي والهيـام
وأعطيك شي ٍ مـا قـدرت أوصّلـه بالتيلفـون


بـقبّل عيونك وأشـم أنفاسـك العطـرة وأنـام
الين أحس إني أهيم بـكون والعالـم بـكـون


أجمل محبه بالهـوى حـب البلابـل والحمـام
يضمهم عش الهنا طول العمر فـوق الغصـون


وأبشع محبه بالهوى حـب ٍ ترعـرع بالظـلام
قصة تدور أحداثها من يسبـق الثانـي يخـون


لا تزعجك دنيا التحايـل والخديعـة والخصـام
لا تبعدك منـي ومـن محبتـي شـك وظنـون



أنته بدايات الغـلا وأنتـه بعـد مسـك الختـام
يعني معك في عالم العشاق أكون أو لا أكـون