تسجيل الدخول

مشاهدة النسخة كاملة : زاويه جميله من إنسكابات


رهين الشوق
2011-03-25, 09:44 PM
[فقط الأعضاء المسجلين والمفعلين يمكنهم رؤية الوصلات]















وأنا مااخترتك بـ دنياي
ولا توقعت أنا أجي لك !




يـ موطن ضحكتي وبكاي ,
تعبت أشكيك وأشكي لك !






تصوّر من رحلت وياي !
نسيت شلون أحكي لك ,



يـ أوّل من ترك جوّاي ,
نبض : بـ اسمك يغنّي لك !




أحبّك : والـ صمت منفاي ,
حضن أكثر | تفاصيلك !



ندهتك : قلت لي مو جاي ,
وبلّل دمعي منديلك !


ايلين أيقنت بك نسّاي ,
نسيت اش كثر أعني لك !


مَ كنت إلك الظما والـ ماي !
مَ كان الـ قلب | يدعي لك !


يـ صبحٍ تهت به وخطاي .
تعدّتني تنادي لك :


تعال اعزف جروحي ناي ,
تعال اسكني ببكي لك !


يـ آخر فرحتي | رجواي ,
تضوّي فيني قنديلك !







[فقط الأعضاء المسجلين والمفعلين يمكنهم رؤية الوصلات]




ليه ياضيقي تجي دايم | حنون !
عكس فرحي لاوصل كِنّه حزين ,



تمتلي بي نبض وأصرخ بك تمون ,
إيه خذني لك : ابسلى بك سنين !



ودّي أنسى في متاهاتك | ظنون
ودّي أرحل عن بقايا الـ عابرين !



ودّي أخلق لي فضا يمكن أكون ,
أمنية طارت ولا تدري لـ وين !



من رحل عنّي تلبّست الـ سكون ,
لا دمع ينزل سوى عبرة | تبين !




إن نسيته قصد هزّتني الـ طعون ,
وإن ذكرته كل ماحولي : يشين !



بي حقيقة وصّلتني للـ جنون ,
لين كلّي تاه ب أنفاس الـ آنين !



دايم الأوفى مقدر له : يخون ,
كل فرح ويحضن الذكرى | حنين !







[فقط الأعضاء المسجلين والمفعلين يمكنهم رؤية الوصلات]





كانت الليلة كئيبة .. والقهر محتاج باب
كانت العتمة مُريبة .. والضّيا همسه خفيف ,



زحمة من حولي تناثر .. بينهم شفتك سراب ,
كلما ألهي بصدّي.. هبّت الذكرى خريف !



أسمعك تنده [ تعالي ] نبتر اطراف الغياب ,
وضعنا صاير رمادي .. يشبه اوقات الرصيف!



وأشعر بدافي حنينك .. يشعل بقلبي عتاب ,
ذوّب أطرافي بـ [ وينك ! ] هالشّتا برده مُخيف ,




عامٍ أقفى من بعادك , صمت .. دمعة .. واغتراب
تاهت أحلامي بـ قُربك .. ليتني ألقاك ضيف !



المباني لك تنادي : لفّها حزنك ضباب !
هو متى ترجع دخيلك..؟! حالنا دونك كسيف !


الأغاني : صارت أقسى , والأماني : شمع ..ذاب ,
والفَقِدْ إني أشوفك ! .. بس كيف أُوصلك كيف !



تدري هالليلة طويلة.. وإحتياجي لك عذاب ,
كل ماناديت [ عجّل ] رددت ظلماي : طيف !








[فقط الأعضاء المسجلين والمفعلين يمكنهم رؤية الوصلات]






للـ موت أبعث أمنياتي وأغنّي ,
خذني لعندك مابقى شي فيني ..



لامن تعبت وماسأل حد عنّي ,
أحسن لي أسكن بين صمتك وبيني !



قل للحياة المترفة : بس كنّي ,
ماعاد تغري لهفة الـ شوق عيني !



كم لي أبعثر في مدى الصوت ظنّي ,
ظنّك يجيني واشعر إنه يبيني ؟!




[فقط الأعضاء المسجلين والمفعلين يمكنهم رؤية الوصلات]

ألم وأمل
2011-03-28, 12:25 AM
سيد الأبداع..
مااروع هذا الطرح الجميل..دائماً تنثرعبيراً
لاعدمناك..
سلمت يمينك ودام حضورك..

دايم السيف
2011-03-31, 02:12 AM
ســلــمــــت يمنآكَ يالغلآءَ وإنــت احلىآ مــن العبــآرآت تقبـل مروريَ