[ طفله : مرّه ماعندك ضمير !! ]

[نوره]

[فقط الأعضاء المسجلين والمفعلين يمكنهم رؤية الوصلات]


[ طفله : مرّه ماعندك ضمير !! ]


وش بدّلك ؟!!
وأنتي وعدتي خافقي
وحلفتي مرّه بحبّنا :
ماراح شي يبدّلك !!
...................لكن رجعتي بكلمتك ..
وتبدّل أحساسك كثير !!
وماعادلك قلبٍ يغير
من : ساره من نوف وعبير !!
زوّدتها ؟!!
أدري أنا زوّدتها ..
...................وأدري كلامي زّعلك !!
خلاص لا .. لا تزعلين
نامي وأنا بتحمّلك
وتحمّلي بعض الملام
.......... لو جيت مرّه أسألك :
وش بدّلك ؟!!
كنتي أكثرهن حلاوه
كنتي أكثرهن قساوه
كنتي وجهٍ ما أملّه
............ جا يغيض الورد :
نسرينه .. وفلّه !!
كنتي أكثرهن شقاوه
........ كنتي أكثرهن شطانه
كنتي أوّل من تمادى
ومن فتن قلبي ونادى
..............وجيت من أقصاي كلّي
جيت أدوّر داخلك لي أيّ خانه !!
وماتوقعتك تملّي
كنت أقول بضيق :
من لي .. لو رحلتي عن طريقي ؟!!
وبكل غرور تقولي : أصلاً ..
منت خلّي !!
ولا صديقي !!
.......... قلب محتاج لحنان !!
ضايع يدوّر أمان !!
قلت أبنسى فيه ضيقي
يعني من باب : الميانه !!
لا تفكّرها لعانه !!
يا فلانه .. يا فلانه :
مابقى عندي كلامٍ لك أقوله !!
دامك أنتي ماخذتها بكل سهوله
بس هي كلمه أخيره ..
وبختصرها اْمن الأخير :
أنتي طفله .. مرّه ماعندك ضمير !!

[أسير الأحزان]

يسلمووو وخيتي
وتسلم ذائقتك
الرائعهـ..
آرق التحايا ،،،،}~

[كيان الحزن]

يا الله ... يا الله ...

شمس الإبداع تشمسنا بها ..

نص ُ رااااقي و ممتع

لا هنتِ يا نوور ..

[ملاك كوني]

سلمت لنا ذائقتك الجميلة
ودي لسموك

[رهين الشوق]

كالعادة ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير

[نوره]

أسير ..أهلآ وَ عطرآ يليق بك
لـ عذوبة مروركـ ( [فقط الأعضاء المسجلين والمفعلين يمكنهم رؤية الوصلات])

[نوره]

كيان ..بساتين من النرجسية لقلبك [فقط الأعضاء المسجلين والمفعلين يمكنهم رؤية الوصلات]

[نوره]

لروحكِ البياض .. يـ / ملاك [فقط الأعضاء المسجلين والمفعلين يمكنهم رؤية الوصلات]

[نوره]

شكرآ لِـ هكذآ حضورْ.. يَ / رهين
لكْ [فقط الأعضاء المسجلين والمفعلين يمكنهم رؤية الوصلات]