|| من يجاملني وهو مايدانيني ,, مثل من يهدي الهديه ويسرقها ||

[عاشقة الدموع]

لين لامت مـدّت يدينـي .. يدينـي
وأبتـدى ليـل المـلام بتصفّقـهـا

رحت ابي وقفه من الصبر تنجينـي
قلت وين الصبر .؟ قال الندم ذقهـا

من كثر ما طاحو اشخاص من عيني
الظنـون السـود رزّت بيارقـهـا

خايف يدور الزمن وانصـدم فينـي
النفـوس احيانـاً تخـون واثقـهـا

من يجاملنـي وهـو مـا يدانينـي
مثل مـن يهـدي هديّـه ويسرقهـا

ليه يـا شوفـي تكـدّر حجاجينـي
غيمـةٍ فالصيـف وتخيـل بارقهـا

ذي ثلاث سنين راحت من سنينـي
والهموم تزاحـم الصـدر وافهقهـا

الامانـي جاهـدت فـي ميادينـي
بس ماتت مـا لقـت مـن يحققهـا

يوم صار الواقـع المـرّ مرضينـي
قلت اجمّع كـلّ الآمـال واحرقهـا

ليه اكبّـر شرهتـي بينـي وبينـي
يحتمل بيبان الاحـلام .؟ طارقهـا


مما رآآآآآآق لي

[كيان الحزن]

الامانـي جاهـدت فـي ميادينـي
بس ماتت مـا لقـت مـن يحققهـا


صح لسسسانك

قصيده ممتعه بقرائتها و تذوق معانيها

لا هنتِ

[تـــووتا]

[فقط الأعضاء المسجلين والمفعلين يمكنهم رؤية الوصلات]
قصيده رائعه وسلمت آناملكـ آلرآآقيهـ
وذوقك آلرآئع آبيآت غآيهـ فى آلجمآل
مهمآ حملت من عبآرآت آلآ آنهآ قمه في آلروعه
دآم عطآئك ودمتٍي في حفظ آلرحمن

[فقط الأعضاء المسجلين والمفعلين يمكنهم رؤية الوصلات]