حتى وردني تالي الليل جوال

[عاشقة الدموع]

مدري (تفو) مدحه ولاّ شتيمه


حــتــى وردنـي تالـي الـليـل جــوال

وانا على شاهي وبسكـوت ديمـة

الرقم بايخ لكـن الــصــوت قــتـال

كنــه مثل صـوت المذيعـة حليمـة
قــالت مساء الخير يـا طيّـب الفـال

[فقط الأعضاء المسجلين والمفعلين يمكنهم رؤية الوصلات] QdSu3OzEORaU44JpZCPHaWxQRgJrGWliF8ob4KhDIWZue9Lu8/00101.gif

قـلـت ارحــبـي تــرحيبـةٍ مستديمـة

بـالـعــود والصفـري ودلـة وفنجـال

واجـبـك يا بنت الأصـول الكريمـة

وردت بضحكة ثم قالت وش الحـال؟

قلت اشهد إن الحال عقبك سقيمـة

قالت وهي تضحك بعد مثل الأطفال

وانـــا بـعـــد كــنــي بــدونـك يتيمـة

مـــن يـوم قـالـتهـا تزلزلـت زلـزال

مــن فجعتي كنـي مسـوي جريمـة

قلت ارفعي صوتك ترى مابه ارسال

كـــذاب لــكـنّ المصيبـة عظيمـة


[فقط الأعضاء المسجلين والمفعلين يمكنهم رؤية الوصلات] QdSu3OzEORaU44JpZCPHaWxQRgJrGWliF8ob4KhDIWZue9Lu8/00101.gif


قالت أقول اسمع ترى هرجنـا طـال
مــمكـن تصاحبنـي ترانـي وسيمـة
واسمي الحقيقي أول حروفـه الـدال
لــكـــن يسمّونـي البنـات الزعيمـة
صحيح أحب الفخفخة واعشق المال
لكـن ترانـي طــاهــرة مستقيـمـة
ما عندي امغازل ولا( لعب يهّـال )
ما عندي إلا في الشرف والحشيمـة
بس الصراحة قلبي لشوفتـك مـال
واصبحت وحدك جالسٍ في صميمه
فكّر بعقلك واترك القيـل والقـال
واحذر تطيع اهل العقـول العقيمـة
وارسل علي الحين خمسميـة ريـال
أشحن بهـا جـوال أختـي غنيمـة
أو طقم غالي فيه خاتـم وسلسـال
أروح بـه فـي عـرس ولاّ عزيمـة


[فقط الأعضاء المسجلين والمفعلين يمكنهم رؤية الوصلات] QdSu3OzEORaU44JpZCPHaWxQRgJrGWliF8ob4KhDIWZue9Lu8/00101.gif

قلت الحقيقة مانيب رجـل أعمـال

ولانـي بتاجـر والمـوارد عديـمـة

أنا الصراحة شبـه عطّـال بطّـال

وعلاقتـي بالفــقـــر جـداً حميـمـة

والراتب الله يرحم الحـال مـا زال

محـدود والمصـروف ربـي عليمـه

والــديـن بـالآلاف والبنـك شغّـال

يــاكـل فـلـوسـي بالربـا والظليمـة

والسوق طايح والغلا ضيّـق البـال

والموت والله صايـر اكبـر غنيمـة

[فقط الأعضاء المسجلين والمفعلين يمكنهم رؤية الوصلات] QdSu3OzEORaU44JpZCPHaWxQRgJrGWliF8ob4KhDIWZue9Lu8/00101.gif

قالت تحمّل بـس والحمـل ينشـال

خلك شديد الباس صلـب العزيمـة

ياخي تصرّف جعلك اتصيـر نشّـال

أهـــــم شــي إن النوايـا سليـمـة

لابــد تـفـهمني علـى كـل الأحـوال

ما دمت من أهل العقـول الفهيمـة

[فقط الأعضاء المسجلين والمفعلين يمكنهم رؤية الوصلات] QdSu3OzEORaU44JpZCPHaWxQRgJrGWliF8ob4KhDIWZue9Lu8/00101.gif


قلت إيه والله فاهم اللي على البـال

لــكــن تــرى هـذي علينـا قديمـة

يــا بـنت هـذا صايـر اليـوم مـوال

للي تبي تلعب علـى ابـن اللئيمـة

يا بـنــت ما تدرين كـم فيـه محتـال

يلعب على الحبلين وانتـي غشيمـة

يا بنت كم من جاهلة دمعها سـال

من عقب ما جات العواقب وخيمـة

والبنت لا اقتفى عرضها بيد الأنـذال

والله مــا يــبـقـى لهـا أي قيـمـة

[فقط الأعضاء المسجلين والمفعلين يمكنهم رؤية الوصلات] QdSu3OzEORaU44JpZCPHaWxQRgJrGWliF8ob4KhDIWZue9Lu8/00101.gif


قالت تبي ولاّ فـ خـلّك علـى جـال

مهوب ناقصـني نصايـح حكيمـة

عز الله إنك للأسف منـت رجّـال

وانك قليل الذوق ما فيـك شيمـة

[فقط الأعضاء المسجلين والمفعلين يمكنهم رؤية الوصلات] QdSu3OzEORaU44JpZCPHaWxQRgJrGWliF8ob4KhDIWZue9Lu8/00101.gif

يا لعنبو اللي مـا يسطّـرك بنعـال

حــتـى يـعـلمـك الغـزل يـا بهيمـة

( تفو ) عليك وصكّت الخط في الحال

مدري ( تفو ) هي مدح ولاّ شتيمـة؟؟

[رهين الشوق]

سلمت اناملك غلاي

[نوره]

( تفو ) عليك وصكّت الخط في الحال

مدري ( تفو ) هي مدح ولاّ شتيمـة؟؟


ههههههاي

وأنا أشهد إنها شتيمه

دمتي مبتسمه دائماً عاشقه ،،