\\فــهــد\\

[نوره]

يا "فهد" من شفت زولـك بينهـم روّح خيالـي



..... يقطع بحور الزمـان الاولـي عرضـه وطولـه



قمت اهوجـس واتذكـر طيشنـا ذيـك الليالـي



..... يـوم كنـا صغـار تحكمنـا بـراءات الطفولـه



يوم كان اقصى طموح لنا نروح لـ.. بيت خالـي



..... وكيف كنا ننتهي من واجب (الخـط وأصولـه)



اذكرك , يومك تجيني كنت انـا جالـس لحالـي



..... وآتفقد جيـب ثوبـي وألعـن الفقـر وفضولـه



يوم شفتك هـل دمعـي (يافهـد دور ريالـي!!)



..... وأنت تمسح دمعتي بـ.. إيديك وأحساس الرجوله



تقطع ريالك تقـول (أمسـك ولاتبكـي قبالـي)



..... وكننا مـن بعـد هـذا كـل مانبغـى , ننولـه



وأذكرك , يوم انت تلبـس غترتـي ولا عقالـي



..... ثم تجلس في مكـان ابـوي وعيونـي ذهولـه



والله انك يا "فهد" فـي وقتهـا شكلـك خيالـي



..... والله انك كل مالديـت , اقـول الـزول زولـه



يافهـد والخمسـه وعشريـن مـرت ياظلالـي



..... قدّر الله والسنيـن بـ.. طبعهـا دايـم عجولـه



يا "فهد" وانت الوحيد اللي يعرف ان ضاق بالـي



..... قبل ماأشكي قبل ما دمعي يبـادر فـي هطولـه



يا "فهد" وان شفت دمعي يوم عرسـك لا تبالـي



..... كل مافي الامر فرحٍ ماقدرت انطـق واقولـه !!





للمبدع .. محمد الحويماني }




\

[رهين الشوق]

قـصيـدة رائـعـة وجـميلـة ..
يعـطيـك العـافيـة ..
وبـارك الله فيـك ..
ننـتظر جـديدك بكـل شـوق ..
دمـت بخيـر ..

[يسألني متسانه وين]

نوره

صباحك باقت جوري

وصح لسانك ولسان قايلها
كل الذووووق في اختيارك

جنآآآآآن وربي


تلامس الوجدان

تحيااتي يااجدتي هع

[تـــووتا]

█▓▒░☻ نــــــــــــــوره ☻░▒▓█

كلآم أسكتت أفوآهنآ .. وأوقفت أقلآمنآ ..وأبهرت أعيننآ ..
وجعلتنآ في حآلٍ صآمته ذهُلت من هذآالجمآل السآطع والمنبعث من ذوووق
إبدعتِ
ب نسج عقد من الجمآل بهذا الطرح
لاحرمني الرب من قلمك
خالص ودي..ْ~


█▓▒░☻ تــــــــــووتا☻░▒▓█

[نوره]

رهين .. فوفو .. توتا




لوجودكم أنززف شُكرررآ ,
كررو تلك الطلّه التي أحيت فخراً فـيني
تفضلوهآآآ [فقط الأعضاء المسجلين والمفعلين يمكنهم رؤية الوصلات](140).gif[فقط الأعضاء المسجلين والمفعلين يمكنهم رؤية الوصلات](140).gif