ماقصـر الـحـظ والايــام ماقـصـرت

[عاشقة الدموع]

مدخل ..!




وأمر الدار ..
وأعلق على ذكراه كل جدار ,
هنا حنا ..
هنا ( كنا ) !!!
هنا , مل ( الهنا ) فينا يدور للفراق أعذار
بدون أسرار ..
كان أقرب بشر واليوم منهو صار .. !
منهو صار ؟؟












ماقصـر الـحـظ والايــام ماقـصـرت
دايم نصيبي .. مع الايـام عابـر سبيـل !


ياكم قصيده , تموت بدفتـري مـا أنقـرت
أسرجت خيل الكلام , ولا سمعت الصهيل ..


كم ؟عبره أكنها .. بصدري قهر ما أظهرت
كم ؟ كلمةً داخل أعماقـي تحـط وتشيـل


الضيقه أللي , أكتبت حزن السنين وقـرت
كتاب عمر الهوى .. أهدته كف البخيـل !


ليه الاماني بعـد ماغبـت عنـي سـرت
ليه الرجا صك بابه يـوم جيتـه دخيـل ..


عيون شاعرك في وجه السنيـن أنثـرت
أغلى دموع الحزن , دام الفرح مستحيـل


سكين فرقاك .. من دم الوصـال أقطـرت
هاذي جروحي تسيل , أن كان تبغى دليـل



عادي لـو أن الجـروح الداميـه مابـرت
باكر جروحي .. مع الايـام تلقـى مقيـل


عذرت كل الجروح , وعزتي مـا أعـذرت
شخصً يحب الجميل , ولا يرد الجميـل !!!









مخرج .. !





تعبت أرسم ..
تعبت أحلم ..
تعبت أجمع , ملامح وجهي اللي طاح بسبابك ,
أنا أحبابك !
أنا أولابك ,
أنا أكثر, من مشى يسأل عليك بسكة غيابك ..
ولا جااابك !!!

[رهين الشوق]

الله يعطيك العافيه
ودمتي بخير
ولا تحرمينا هالابداع

[تـــووتا]

█▓▒░☻ عاشقة الدموع ☻░▒▓█

سلمت يمنآك على مآحملته لنآ
موضوع عآلي بذوقه,, رفيع بشآنه
كلمآتـ كآنت ,, وسوف تزآل بآلقلب ,,
يــعـ ـطيكـ الــعـآآفيه على مآطرحتي لنآ يـآآلــ غ ـلآآ,,
ولاتحرمينامن جديدكـ لآعدمتي ولآهنتي
كل الووود..~


█▓▒░☻ تــــــــــووتا☻░▒▓█