المساعد الشخصي الرقمي

مشاهدة النسخة كاملة : مـآكني آعرفــه..~

هيبتگ تربگني
2010-10-06, 04:14 AM
ماكني اعرفه ولاكني ابغيه
وانا عليه من امه احب واجرى


ياكثرها تسليمةٍ يوم الاقيه
لي عين تكتبله ,وله عين تثرى


وان حل طاريه .. تجاهلت طاريه
ماكني ادري عنه ,وانا به ادرى!


بسكات يغليني ..وانا حيل مغليه
لاتليفون ولامواعيد.. غدرى


يصون ودي عن عذوله واحاميه
وانا عليه احجى من القلب واذرى


(حبٌ عفيفٍ) والصراحه سواقيه
في وقتنا ماظنتي زيد يطرى


لااسولف بحبه ولانيب كانيه
وغيري لو انه يوالفه كان هذرى


احشم قريبه حشمةٍ له واداريه
واخشى يجي في خاطرهـ شي وادرى


لايحسب اني يوم قفيت ناسيه
لعيونه اني : ماتحاليت عذرى


ليت الزمن يرجع وانا اعلمه ليه
والا الحظوظ من المقابيل تشرى


كل العذارى بـ الوفا ماتساويه
كنه اليمين , وباقي الغيد يسرى


قولوا له اني مارتضي بالبدل فيه
لامال قارون ولاعرش كسرى


يرتاح..ماغيرهـ ملا عين هاويه
غلاهـ نهر النيل والقلب مجرى..


واكبر دليل اني إلاغاب احاتيه
كم ليلةٍ ماتت على كف مسرى!


وان قالوا انه شرق وازريت لااجيه
وجهت وجهي كل مانمت حدرى!



ممــآ رآق لي:q6:
رهين الشوق
2010-10-06, 12:10 PM
.
.


انتقاء جميل

سلمتي وماقصرتي
هيبتگ تربگني
2010-10-08, 02:34 PM
الله يسلمك من كل شر
منور
كيان الحزن
2010-10-08, 03:32 PM
رووووووووووعه

تسلم يديك ,,
نوره
2010-10-10, 03:08 PM
وان حل طاريه .. تجاهلت طاريه
ماكني ادري عنه ,وانا به ادرى!



بسكات يغليني ..وانا حيل مغليه
لاتليفون ولامواعيد.. غدرى


الله عليك غرور

إنتقاء ولاأروع

أبحث عن أجمل بيت في القصيده

وأجد كل بيت أجمل من الآخر

يسلم ذوقكـ
هيبتگ تربگني
2010-10-12, 06:14 PM
كيآن
منور لب قلبك
نواره فديت روحك ياعسل