من علّمك تجفى حبيبك وغاليك

[كيان الحزن]

من علّمك تجفى حبيبك وغاليك
من قال لك بإن التغلّي طريقه

لاتلوي ذْراعي مزاج بْتغليك
ولا تختبر حبّي وخذها حقيقه

ما بالغ إن قلت أعشقك ميّت ٍ فيك
كبر السما وكثر النجوم البريقه

لا والله إلا الكون يصغر بأياديك
ودّور الأرض وتبقى شمسك شريقه

قلّي وش أسباب الهجر مع تجافيك
أسقه ضمى الهاجس وصل بل ّ ريقه

إن كنت زعلان أركض أجيك أراضيك
ما عشت أنا لو أزعلك بس دقيقه

لالا تخليني وحيد ٍ أحاتيك
ماكنت أظن ترحل وبعدي تطيقه

أخفيها نظراتي عن الناس وأبكيك
أخاف أكشفها وعيني غريقه

هذي أمنياتي شيلها مع خطاويك
تْشوفني بوجيه كلّ الخليقه

وأزرعني لك نبتة وفا في أراضيك
بنمو وبكبر لك وبصبح حديقه

هذا شعوري وكان تبغى أجازيك
بجفى وبتغلّى وبشعل حريقه

وْشوف من يطفيها ثورة محانيك
وخلّ العواذل ينزعوا منك ضيقه

خذها نصيحة كان ودّك بغاليك
وإن كان باقي له مشاعر رقيقه

لا تامن لْدرب الجفا لو يناديك
ياكم عشيق ٍ تاه ضيّع عشيقه

[رهين الشوق]

يمآل العآفيِة يآغلآي ع الِإختيآر الرآقي
ذآئقة مميزة دومآ
نحتري جديدك

[كيان الحزن]

باركـ الله فيك .....

جعلني ما أفقدكـ ... يا روح روحي ...

[يملكني غلاك]

ابياات رااائعه
يعطيك العافيه

دمت بود ,,

[كيان الحزن]

شكرا لمرورك ...........

دمتم لنا

[خمائل التوليب]

فعلاابيات رائعه سلمت الايادي اخي
ابوديم تقبل مروري
دمت بود

[كيان الحزن]

شكرا لمرورك خمائل ....

لا عدمتتتتتتتتتتتتتتتتتتك