أنا حزن الرحيل ودمع منديلة آيادينا ..

[أسا]

يبلل هالندى غصن الشجر يوم الصباح يحين..
ويرحل مع مناديل النهار ولا يواسينا ..

تهب الريح وتحن الغصون لهيبته وتلين..
وكأن بمنظره لهفة على الذكرى تنادينا ..


من الفرقا نعيش آياامنا غربة ولين ألحين ..
ندور عن وطن يجمع بقايا من ليالينا ..


غرقنا بالخيال وذكريات الأمس والتخمين ..
ولين ألحين ماشفنا من احساس القدر مينا ..


كئيبة نظرة الشاطي بعد ماوادع أغلى اثنين ..
وكأن بنغمة آمواجه تنادي عن أسامينا ..


ذبحني هالحنين اللي منحني منظر المسكين ..
يهز أيامنا الحلوة وتتساقط آمانينآ ..



زمن ياكم طعنة البسمة وماتت على الحدين..
زمن ياكم حطبة أحلام مهد جذورها فينا ..


دخيلك ياعيون آحلامنا وش عاد لو تبكين ..
جفاف الحظ موت هالأمل بعيون ساقينا ..


يأس منا المكان إللي تلحفنا ثمان سنين ..
واحسه يلفظ أنفاسه بعد ماتت خطاوينا ..


تخيل من ثلاث سنين وعيون البشر سكين ..
ملت روحي من طعون السؤال إللي يعادينا ..


تعبنا كم نفتش في خبايا كلمة البعدين ..
ندور في عيون أيامها لحظة تلاقينا ..


هِنا كان الصبر شايب تحرى رجعة الغالين ..
هِنا عاش العمر كله تحت رحمة هقاوينا ..


أنا حزن الغروب اللي وقف بين النهار وبين
ظلامٍ يسهر عيون المواجع في منافينا ..


أنا الذكرى الحزينه والتعاليل وبيوت الطين ..
أنا حزن الرحيل ودمع منديلة آيادينا ..


حبيبي طالت الغيبة وأنا لي هاجس للحين ..
يدور عن وطن يجمع بقايا من ليالينا ..


(من إختياري)

[كيان الحزن]

رووووعه ...

دمت لنا ....

لا هنت يالغالي .....

[صمت المشاعر لشاعر]

مشكور يالغلا على الطرح الراقي
دمت بهذا التميز
اخوك

[خمائل التوليب]

كلام راقي وجميل راق لي
كثيراسلمت يداك اخي الغالي
asa
كلي امل ان تتقبل مروري
دمت يالغالي

[نوره]

يبلل هالندى غصن الشجر يوم الصباح يحين..
ويرحل مع مناديل النهار ولا يواسينا ..


تهب الريح وتحن الغصون لهيبته وتلين..
وكأن بمنظره لهفة على الذكرى تنادينا ..

أسا


كل بيت في القصيده أجمل من الآخر


راقت لي كثيرآ


سلم ذوقك ونبضك

[أسا]

اشكركم على تواصلكم