إسمع ترى الجوّال ماهوب مقطوع

[كيان الحزن]

ياللي وراك ضلوع ومن دونك ضلوع
متمركزٍ ف الصّدر كنّك ... وداعـه

ودّي اناقش مع سعادتك .. موضوع
وابغيك تعطيني فقط { نص } ساعـه

صار اتصالك فيّ من اسبوع لاسبوع
حرّمت وصلك .. وإستبحت القطاعه

وتغيّرت فيك إنطباعات .. وطبـوع
وتجدّدت في نظرتك لي ... قناعـه

عيّشتني في كل مرغـوب ممنـوع
وحرمتني من كل .. سمعاً وطاعـه

.... وعلّمتني إن الجفا لـه كـذا نـوع
وإن [الهجر ]بالـذّات اكثـر بشاعـه ....

.... اوّل تجي يمّي من الشّـوق مدفـوع
ومَاحلى من المشتاق غير إندفاعـه ....

إن غبت عنك تصيح ودموعك دموع
مافيك ل الصّبر الجميل .. إستطاعه

مجنون فيني و { القلم } عنك مرفوع
همّك رضاي ومجتهد .. ف إتباعـه




واليوم .. لا حبل الرجى فيك مقطوع
مشيت درب اللّفلفـه .. واللّكاعـه

.... واللّي تسبّب في تغيّرك .. مجمـوع
عدم ثقه فينـي .. وبـث الإذاعـه ....


خل الكلام اللّي من الكذب .. مصنوع
وإخذ الكلام اللّـي تـذوق إنتفاعـه


.... ماكل هرج يمر " اذآنكـ " .. مسموع
اربع ارباع اللّـي يمـرّك إشاعـه ....


لو الحكي بفلوس او شيك .. مدفوع
يمديك ضامي ل الكلام .. وسماعـه


ياشينها لاجاتك " همومك ".. جموع
ولاعاد عندك ل المواجه .. شجاعه


.... وياشينها لو كان لك حق مشـروع
واقربهم ل قلبك سعى فـي ضياعـه ....


هذا الكلام الليّ من القلب .. مطبوع
إقرا كلام القلب وشـوف إنطباعـه
:
:
وإسمع ترى الجوّال ماهوب مقطوع
شغّال له أربـع وعشريـن ساعـه

[رهين الشوق]

[فقط الأعضاء المسجلين والمفعلين يمكنهم رؤية الوصلات]


والله ابداااع ماشاءالله

صح السانك مليووووووووون ولاهنت

[كيان الحزن]

و لا هنت أنت

دمت بالعز و الوفاء .....

صح بدنك مليونين .....

تسلم ..

[خمائل التوليب]

اي والله فعلاصح لسانك واعتلى شانك
قصيده اكثرمن رائعه
سلمت يداك وادامك الله
تقبل مروري

[شهيد الحب]

عوافي وصح السانك

[يسألني متسانه وين]

كياان الحزن

عوافي

وبنتظااار إبداعتك

المكنوونه

كل الود لسمووك

[كيان الحزن]

خمائل ...

شهيد الحب ..

يسألني متسانه وين ..

على راسي مروركم ....

شكرا من القلب