بــــــــــــشاير كانت زهرة فل ...كانت !! [الأرشيف]

بشاير الامارات

2010-05-05, 10:55 PM

مساء الأنوار

جربت مرة وحدة حظي فالمدونات ,,,بس ما نفع الموضوع معاي ...

لإني دايما أحس لو كل ألي فخاطري بكتبه أصابعي ما رح تتحمل ..

بعرفكم على حالي ..كذا أشوفكم تكتبون فأول صفحة فالمدونه ^^

اسمي بشاير ...عمري 19 سنة ...من مدينة العين ...ما فيها بحر زي الرياض

بس فيها ناس كثير وبيوت أكثر ...وفيها قصص لو سمعتها شهرزاد ما كانت ترددت لجظة واحدة تحكيها لشهريار

يمكن شهريار يصدق بعضها ...بس ما أتوقع يصدق كلها

يمكن لإنه ما صار أغلبها ...بس تخيلناها لإنه كنا نتمناها تصير

أصغر البنات بين خواتي ..ودايما الصغيرة تكون الدبة الدلوعة وتحب الهذرة والوناسة

وعقدها كثيرة ما تخلص ^_^

اليوم بذات وفي هذه اللحظة ...قررت اكتب يومياتي ...

بس ما أدري ليش حسيت مو مهم مين يقراها ...أو كم بيقراها ...

المهم إنه ودي يكون لي في هذا المكان ...ركن خاص فيني ...

ادخل كل يوم أجدد فيه ...

اكتب إحساسي ...اكتب شو صارلي ...

لإنه مرت أيام بينكم ...وما حسيت إني ودي أقول لحد كل شي ...

كل شي عن المنتدى ...

اكتشفت معاكم إني من الناس إلي يحبون المكان بغض النظر عن ألي فيه

في ناس كذا عندها حب كبير وانتماء للأرض وللمكان ...برغم إنهم غربين هم فيه ..

......

ومازال للحديث بقية ....>>>

بشاير الامارات

2010-05-05, 11:20 PM

يوم االخميس ...الموافق 6/5/2010

بتوقيت الامارات ...تعدت الساعة 12 من عشر دقايق

وصرنا ألحين في يوم الخميس ...

المشكلة ..إن أغلب المدونات ..أصحابها يعبرون عن مشاعرهم بالأشعار

بالخواطر ...بكلام مرتب ...يخلي ألي يقراه يفسره 100 تفسير

يخلينا نفكر يا ترى لمين ..وليه انكتب وشو صار ...

بس أنا مالي لا فالشعر ولا فالخواطر ...لي فالكلام ^_^

حبوني الناس كثير كثير على كلامي ...وبسبب كلامي صاروا حبايبي كثير من الأهل والاصدقاء

وبسبب كلامي كمان كرهوني ناس وعادوني ...وياما سمعت إنه لساني طويل والرد في طرف لساني

وعدوانية ...ألخ

بس أنا أشوف نفسي ...داخلي انظف وانقى بكثير من تصرفاتي وظاهري

ودايما اختي تقولي انه نحن عايلتنا مظلومة بهذا الطبع

إنه ألي نبينه للناس ما يعكس ألي فباطنا كثير ...

وألي مريحني إنه الباطن هو الأصل ...وهو المهم ...

اليوم حلمت حلم غريب ...بطبعي أكره أي شي مكرر كثير ما أقدر أشوفه

وتلوع كبدي على طول

فحلمت انه وجهي صار مخطط بخيوط مكررة ولساني كمان ...

قمت متكدرة وخايفة ...وتذكرت أمس لما تقولي أمي لا تتكلمين عن ناس

وهاوشتني والله هواشة محترمة فالسيارة من بعد ونحن راجعين المول

شفت فالمول رجال على اساس انه اماراتي وينحسب منا ...صابغ شعره ولابس شورت وقميص ضيييييييييق

ومعه خواته ..باين إنهم خواته كلهم حاطين الطرح على كتوفهم

فقلت لأمي هذا مو رجال ..وقاهرني وخلاص طول الوقت وأنا أراقبهم

وياخذ الفساتين ويقعد يعرضها لخواته ويضحك معهم وكل دقيقة سحب وحدة منهم

فأقول لامي شوفيه امي شو يسوي ؟؟؟ لاني مو مصدقة الي اشوفه

يعني معروف انه الرجال مو بالهبالة هذه يكون

وامي تقولي مالك ومال الناس ذبحتينا بشبش ...

ما قدرت حسيت ودي اقولة وش مشكلتك فالحياة ...حسيته يعاني اضطرابات نفسية

حتى انا هذا ما رحمته وبدخل فيه ....بس احترمت نفسي وقاعده اراقب من بعيد

طبيعي يصير كذا لاني رايحة المول وما عندي سالفة ...بس كذا شفتهم رايحين

قلت يلا مع الخيل ياشقرا >>هذا المثل تعلمته منكم وكثير يعجبني

من خلال المنتديات كثير عوايد للسعودين وكلام تعلمته ....

وحتى صديقتي تقول يالله على السعوديات كيف لسانهم ينقط عسل

بجد ما في وحدة فالمنتدى تتكلم الا وتقول يا حبيبتي ويا عيوني ويا روحي

وحلو كذا ...

ومازال فالحديث بقية ....

بشاير الامارات

2010-05-05, 11:35 PM

جزاء جنــــــــــس العمل

الدنيا دائما يقولون إنها فــــــــرص ,,وأنا دايما استغل الفرص

ولما امتلكها ...خلاص افقد حماسي واضيعها ...

واقول عادي زي ما جاتني هذه الفرص كلها بالصدفة ...رح يجيني أكثر وأكثر

وما دريت وقتها إني كنت أحكم على نفسي ...بالشقاء ...

صعبة كلمة شقاء ...وما يحس فيها الإنسان من يوم وليلة ....

ولا بتصرف واحد منه ولا بتصرفين ...سنوات تمر من حياة الإنسان وهو يتمادى على النعمة ألي جات لحد عنده ...

وفالنهاية ....يبقى وحيد ,,,يدخل يطلع ...يمرض يموت يعيش ...

عايش لنفسه ...الكل ضحى فيه ..ما بإنه استغنى

صرت ما أحس بقيمة الخسارة إلا بعد ما أجرب أرجع استردها بطرق ثانية

يعني ما استردها هي بالضبط ....لا كبريائي ما يسمحلي

استردها بشي شبيه فيها من ناحية الشكل ...

ويالله وقتها كيف أحس بالألم وبالخسارة وبالحســـــــــــرة ...

واسكت ...وتكون الدمعة هي أقل ردة فعل ...

ومازال للحديث بقية...

رهين الشوق

2010-05-05, 11:50 PM

يسعدني ان اكون اول من يتواجد في مدونتك

تقبلي مروري المتواضع
أخوك
أحمد العتيبي

بشاير الامارات

2010-05-05, 11:55 PM

معقولة اسمك احمد وكذا شرير بسم الله هههههههههههه

تشرفنا بمعرفتك

وحاول مع البنات تهدي اعصابك نصيحه لوجه الله ههههههههههه

والله بسرعة نبكي ما ادري ليه ؟؟

وايوه كذا شجعنا مو .... ههههههههه

والف شكر لك ...

وبإذن الله اول ما رح اخلص جامعة وافضى

رح اخلي المنتدى منتعش ههههههه

مجد رهين السابق رح يكون هنا واحسن كمان

وتصبح ع خير ..^_^

عاشقة الدموع

2010-05-06, 11:33 AM

أختي

سعيده بمروري من هنا

ومبروك افتتاح المدونه..

بإنتظار جمال جديدك

ودي

بشاير الامارات

2010-05-06, 02:46 PM

ما اوعدك عاشقة هههه لكن بإذن الله بحاول ...

شرفتينا حبيبتي ...

/

/

/

بشاير الامارات

2010-05-06, 03:01 PM

مساء النور

اليوم أكيد غير ما بإنه اوله كان جلسة طويلة عريضة لمدة ساعتيين تحت ايدين الطبيب اسنان ...

صرت مؤمنة إنه في لغة ...اسمها لغة العيون

ومو شرط تكون بين العشاق ...أحس الكل لو دققت فعيونه ممكن أفهم حاجات كثيرة ....

حتى الطفل لو كان ساكت ومنبطح على خشمه هههه لو شفت عيونه رح افهم اذا يبغى الحين ياكل او يبغى ينام

او متضايق ....صديقتي ولد خالتها دايما في بيتهم 24 ساعة ...ولما شاف نفسه دايما في بيتهم قرر في يوم

انه يجيب اغراضه كلها وخلاص ينام ويصحى ويعيش في بيتهم ....

وعاش معهم ثلاث سنوات ...ودايما تقولي ولد خالتي قال ولد خالتي سوا

لحد ما جه اليوم وقالت ولد خالتي خطبني ...

قلت لها انتوا على اساس انكم خوان ليه قلب الموضوع جد ...ووصلتوا مواصيل الزواج

قلت انا ع نفسي وايد احبه هالانسان واحسه رجال بجد

وقلت لها هو ...؟؟؟ قالت ما ادري ...فقلت لها وقاحة لو سألتيه ...

لكن راقبيه ...من خلال نظراته رح تفهمين ...ولو دققتي اكثر رح تتأكدين ...مسوية فيها فوزية الدريع ههههه

بعدة فترة قالت ...انا لاحظت ما بينا كلام كثير ...وقعدت اسألي نفسي ليه حبيته لهذه الدرجة

ولما فكرت بكلامك ....قالت تأكدت إنه نحن علاقتنا تحولت من اخوة الى حاجة ثانية ورح تتحول الى زواج

بس من خلال النظرات ...

هو طبعا الي تسويه غلط ...والسالفة كلها على بعضها غلط في غلط

لانه ما يجوز ينام عندهم وقاعد اربعه وعشرين ساعة عندهم وفالبيت حريم

فأنا ما قلت السالفة لاني اشوفها صح وعاجبتني ...بس عشان أكد انه للعيون لغة ...

فمثلا اليوم الدكتور الاسنان وهو يعالجني انا رافعة وجهي ...وغصبن عني ارفعه لانه كان يركب لي حشوة

فلما دققت ...معنه مفروض ما ادقق بس هو طبعا ما لاحظ ...حسيت من نظراته انه قاعد يفكر وش رح يسوي

وانه متوهق فحاجة ...وع فكرة مو شرط اي عيون تشوفينها وتفهمينها هذا يعني انها نظرات حب وغرام

وبعد شوي شفته يهاوش الممرضة انه عنده دبابيس عددها 25 ولازم تكون 30

فحسيت انه فهمت وش كان فخاطره ...أما الممرضة فكانت من الصبح

تناظرني بنظرة الحزينة من الي يصير فيني ...فحسيت من نظرتها انها متعاطفة معي كثير

فلما راح دكتور يشوف الاشعه جات هي وقربت مني وحطت يدها على دقني وقعدت تدلكلي فكي لاني تعبت من صبح فاتحته عالاخير ههههههههه

هو من شطارة مني افهم لغة العيون ولا ذكاء او ميزة

لكن المشكلة انه مو الكل يلاحظ ويهتم

فأي حد لو لاحظ واهتم ...رح يلاحظ انه لغة العيون متصلة مع الخاطر على طول

من كذا دائما نسمع لغة العيون بين قصص العشاق لانه كل طرف منهم مهتم كثير

انه يفهم وش فداخل الطرف الثاني

ومازال للحديث بقية ....

رهينة الشوق

2010-05-06, 06:24 PM

[فقط الأعضاء المسجلين والمفعلين يمكنهم رؤية الوصلات]
مســآء ـآلخيرـآت بشــآير
ـآول شي منزل مبــآرك عليك وعلينـآ
وثـآنيآ ـآن شـآ ـآلله يكون حظك تمــآم مع هآلمدونه "
ـآلموهم مآعلينــآعلىآ طآري دكتور ـآلـآسنـآن
صدقيني هم دـآيمـآ متوهقين
ليش مدري ’’
بس يمكن عشـآن ـآلـآجرـآم ـآللي يسوه فينـآ ~> قويه ـآجرـآم
عآلعموم ـآستحمليهم لعل وعسىآ تلآقي نتيجه :D
بس سؤـآل يدور في دمآغي
ـآنتِ مآتتعبي لمـآ تكتبي :D
ولآ ـآيش يآلضبط ؟؟
وـآكيد لي بـآك ؛؛
[فقط الأعضاء المسجلين والمفعلين يمكنهم رؤية الوصلات]

بشاير الامارات

2010-05-06, 11:22 PM

مساء الورد والياسمين

تصدقين إني دايما أسأل نفسي ليه أنا بذات دايما عندي حاجة اقولها ....

اكتبها ...يمكن لإني كثير أحب التفاصيل وتلفت انتباهي التفاصيل ....فصار حتى كلامي بالتفاصيل

يعني اختي يوميا ترميني بحاجة قوية عشان اسكت وتقدر هي تنام

تقولي الي بيسمعك ما رح ينام للفجر وانا بكرى عندي دوام ...

يعني حتى في موضوع هل انته مع او ضد ...لما انزل تحت عشان اشوف اخر رد فالصفحة

وانا نازله أمر على ردودي الماضية واقول فخاطري وش ذا كله بشبش هههههههههه

انه كثير كلام كاتبة ...كثير ....

احس اني مرتاحة فحياتي لإني ما ابقي اي شي فخاطري ....وحتى ألي حولي دايما يقولون بشاير انتي واضحة كثير لانه كل تفكيرك وخططك وكل حاجة تقولينها ....

وحتى اتوقع ما رح اصاب بمرض القلب ان شالله ههههههههههههه لانه قلبي مو مليان ....

احسك تقولينها وكأنه تبغين إحراجي

بس انا حاولت اجاوبك عادي ...

وفي نفس الوقت قلت حرام اظلمها يمكن هي من الناس الي لما تعرفهم عن قرب

تحس انهم كثير طيبين وحلوة معرفتهم

ويجيني شعور ثاني يقول انك مليانة عقد

عموما فكل الحالات ....الايام رح تبين معدنك زين ...

وهذا كان بمثابة رد عليك ...وصفحة من صفحاتي ....

واتوقع بعد كم شهر لو الله عطانا عمر يا انها تنطوي وتنسى

او تبقى ذكرى اضحك عليها واقول كل ما اشوفها يالله كيف كنت ظالمة هالبنت العسل

بجد ودي اعرف كيف انتي ....احس اني ما عندي نظرة صحيحة في ناس

وخصوصا فالنت ..بحكم انه ما اشوفهم يتعاملون مع ناس غيري

وألف شكر لك

بشاير الامارات

2010-05-07, 12:56 AM

...

ما أحب شعور إنه إنسان او احد يكسر خاطري ...يعني أحسه مسكين ...

وهذا الشعور يخليني اتقرب منه ..واحبه ...

ولي تجربة ..في هذا الموضوع وصارت البنت أعز صديقاتي ...

هو شعور التعاطف مع إنسان ...أحسه شعور قمة فالإنسانية وما أمدح نفسي إنه فيني

لإنه تقريبا الكل فيه ....وبلعكس فيهم اكثر مني ...

/

/

/

دايما احس نفسي منتظرة ...منتظرة حدث معين والله ما أعرف شو هو بالضبط ...

ولا أدري منتظرته من مين ؟؟؟

حتى صرت كل يوم لما اروح انام ...احس انه باقي شي مهم ما سويته
فأبدى اتذكر ...اقول يمكن واجب ما حليته

في شي ناويه ادرسه وما درسته ..بس غالبا تكون الايجابة لا مو هذا ...

لدرجة اني صرت لما احس هالاحساس ما احط هذا الاحتمال....

سبحان الله احيانا يكون عند الانسان كل شي ....لكنه يحس انه فاقد شي كبير

ناقصه حاجة ...واصعب شي لما ما يدري ايش هي بالضبط ؟؟

بالتالي يعيش دايما بفرحة منقوصة ...

في نهاية الشهر بيكون عندنا عقد قران ...احس من زمان محد تزوج من العائلة ...

حتى اني من قبل شهر وانا ارتب واجهز ..

وفداخلي فرحة كبيرة لانه العروسة بجد صبرت ونالت ...

ومازال للحديث بقية >>>

أسا

2010-05-07, 01:34 AM

رهينة الشوق

2010-05-07, 12:59 PM

احسك تقولينها وكأنه تبغين إحراجي

بس انا حاولت اجاوبك عادي ...

وفي نفس الوقت قلت حرام اظلمها يمكن هي من الناس الي لما تعرفهم عن قرب

تحس انهم كثير طيبين وحلوة معرفتهم

ويجيني شعور ثاني يقول انك مليانة عقد

عموما فكل الحالات ....الايام رح تبين معدنك زين ...

وهذا كان بمثابة رد عليك ...وصفحة من صفحاتي ....

واتوقع بعد كم شهر لو الله عطانا عمر يا انها تنطوي وتنسى

او تبقى ذكرى اضحك عليها واقول كل ما اشوفها يالله كيف كنت ظالمة هالبنت العسل

بجد ودي اعرف كيف انتي ....احس اني ما عندي نظرة صحيحة في ناس

وخصوصا فالنت ..بحكم انه ما اشوفهم يتعاملون مع ناس غيري

وألف شكر لك
[فقط الأعضاء المسجلين والمفعلين يمكنهم رؤية الوصلات]
ـآلعفو بشـآير
لـآ يـآعسل لـآ بغيت ـآحرـآجك ولـآشي وـآنـآ سـآلت من بـآب ـآلضحك لـآ ـآكثر
ومآتوقعت هآلسؤـآل يبيله تفكير ـآنك تجـآوبي ولـآ لـآ ,,
_______
مليـآنه عقد :
ـآول شي وش شفتي عشــآن تحكمي بهـآلطريقه
وثـآني شي وـآلـآهم لسىآ دوبي بـآلعشرين من وين بتجيني ـآلعقد
ـآلله يهديك علىآ هآلحُكم
_________
ـآهــآ
رـآح ـآرد عليك مثل ـآنتي مآرديتي علىآ غيري
ـآلـآيـآم رـآح تبين لكِ مين ـآنـآ
مـآرـآح ـآقول رهينه
وـآكيد لي رجعه
[فقط الأعضاء المسجلين والمفعلين يمكنهم رؤية الوصلات]

بشاير الامارات

2010-05-07, 07:51 PM

يسعدني اني اكون هنا بالقرب بشبش ام لسان طويل ههههههههههههههه
اتمنى ليكي مدونه راقيه وجميله وجذابه مثل صاحبتها
ليكي من اسى كل ماهو جميل
انا اتشرف بيكي وبمعرفتك يامجنونه ههههههههههههههههه
لكي ودي لقلبك الطاهر

افا فقط ود ما في اكليل نرجسي وورود هههههههههههه زي كل يوم ...

اسى ما بإنك حكمت على نفسك الاعدام وجيت هنا

فأنا ودي اقولك انه حروف اسمك بالانجليزي كذا ...

Asia

وقعدت اشاور نفسي كثير اقول ولا ما اقول ههههههههه فلما شفتك تلزقه فكل رد

قلت اقول هههههههه ....

وسعيدة أن تكون بالقرب دوما ...فأنت أخ وبإذن الله رح نلاقيك فوقت الضيق قبل الفرج والفرح ...

ومن ناحية الجاذبية ...فوالله بس الشكل جذاب لكن بمجرد انه اتكلم كل شي يخترب ويضيع ههههههههههههه

تحياتي لك

ومني لك اكليل من حلقات البصل ههههههههههههههههه >>كلي ذوق هههههههه

بشاير الامارات

2010-05-07, 07:56 PM

رهينة الشوق

ودي اكسر راسك وش رايك اكسر راسك ونرتاح ونخلص ههههههههههههه

ولا فكل رد تكتب انه لي رجعة

يعني يا بشبش رح اشوف ردك هههههههههههههههه

يا اختي انا متأكدة انه الشيطان راكبني هاليومين من ناحيتك وعشان ذيك الحركة

فعطيني وقت اهدى وانسى ...

والله ما ودي اغلط عليك او ازعلك

لكن كل ما اتمناه منك ...حاولي هاليومين ابدا ما تكلميني ورح احاول انا كمان ما اكلمك

عشان تهدى الاوضاع من ناحيتي ...

وعشان اركز بشو اكتب هنا ...

وتحياتي لك ...وتحمليني عقلي صغير

واشكرك على دعائي لي مرتين بالهداية

من جد يبغالي هدااااااااية قووووووية ههههههههههههههه ومستعجلة

ارجوك لا تعلقي ع ردي ولا تردي ...

^_^

رهينة الشوق

2010-05-07, 10:45 PM

[فقط الأعضاء المسجلين والمفعلين يمكنهم رؤية الوصلات]
طيب علىآ رـآحتك :)
بس تـآكدي ـآنه مآفي شي بخــآطري عليكِ
[فقط الأعضاء المسجلين والمفعلين يمكنهم رؤية الوصلات]

أسا

2010-05-09, 11:21 PM

فأنا ودي اقولك انه حروف اسمك بالانجليزي كذا ...

Asia

وقعدت اشاور نفسي كثير اقول ولا ما اقول ههههههههه فلما شفتك تلزقه فكل رد

قلت اقول هههههههه

هههههههههههههه
والله وجبتي الغائبه بشبش
عامله فيها ذكيه وبتاع انجلش
رديتيني( اسيا )انثى بعد الله يسامحك
علعموم كلو منك مقبول بس انا( اسا ) يعني اسى مو( اسيا )هههههه
اتحملي يا أم لسان طويل اللي عامله نفسك المعرفه كلها اكيد انك عايشه
بأميركا او لندن علشان كدا لغتك رهيبه
انا حبيت اوضح وجهة نضري في ترجمتك الفتاكه وأصححها ليكي
مع تقديري الكامل لشخصوكمو بشبوشه
وشكرا على اكليل البصل الجميل
وانا اهديك ارقى العطور الفرنسيه
وفي انتضار مدونتك الجميله كجمال روحك وخفة دمك
اخوك اسا

كيان الحزن

2010-05-10, 09:23 AM

[فقط الأعضاء المسجلين والمفعلين يمكنهم رؤية الوصلات] 5sAmpe5tJMH2GTdhcWdrn1mrgNL_dyA/image004.jpg ([فقط الأعضاء المسجلين والمفعلين يمكنهم رؤية الوصلات] xEyPWI4bBgv7T1uDsZdFz770nCPrDqw/image004.jpg)

شفت البحر لاضاق صدره على الفُلْك

نفسه شعوري لاجتك ~ لحظة الضعْف

لاضــاق صـدرك اعتـبرني مْـن آهَـلْك

تعـال فضفضــلي عن همــومــك وشــف

كيان الحزن

2010-05-10, 09:25 AM

دمتِ بكل الاوقات بخير ...

بشائر .....

بإذن الله سوف أتواجد هنا .. دائما ..

بشاير الامارات

2010-05-10, 09:24 PM

أسى إنته خلاص فالقائمة سوداء ...مقاطعة الحين لمده سنة كاملة هههههههههههه

اسى احلفلك بشو انه اسمك غلط كتابته ...

طيب لو انته بجد تفهم بالانجليزي اكتب اسمي بالانجليزي ؟؟؟؟؟؟

عاد اسمي الكل يغلط فيه الا الي يفهم صح بلغة هههههههههههههه .....

وشكرا على العطور الفرنسية

معنه انا احب الدخون ودهن العود

اذكر مرة كان البايع لبناني ...فقلت له اريد عطر حلو

فقعد يفرجيني عطور بريحة الزهور وخفيفة ...فيقولي هذه تناسبك

أنا طبعا من داخلي عصبت هههههههههه انه وش دخل امه يقولي وش يناسبني

قلت له خلاص ما اريد شي

فقالي لا قولي شو تحبين

قلت له عطور قوية وياليت لو دهن عود ..قالي ليش طيب وانتي صغيره فالسن وبدري على هذا النوع

قلت له خلاص ما اريد شي >>قهرني كله يدخل هههههههههههههه

والله انه صار الموقف وانا في جدة لما كنا رايحين العمرة فالصيف

فاللحين لما تقولي عطور فرنسية عصبت ههههههههههههههه

قلت خلاص البنات يحبون كذا يعني غصب نسير زيهم

وانا حبيت العود وهالشغلات ..لانه بطبيعتي سراقة رقم واحد هههههههههههههه

يعني مستحيل اشتري شي ...ادخل لغرفه امي وارشرش واطلع ههههههههه

وتحياتي لك اسى ...وكنت اتمنى لو اسمك بالانجليزي صحيح ههههههه بس خل كبريائك ينفعك

بشاير الامارات

2010-05-10, 09:26 PM

دمتِ بكل الاوقات بخير ...

بشائر .....

بإذن الله سوف أتواجد هنا .. دائما ..

يعني بإذن الله بتكون المدونة منورة على طول هههههههه

ع فكرة كل ما اشوف نك اضحك ههههههههه اتذكر لما قلت لي اعتبريني اصغر اولادك

كذا حسستني ما ودك تعور راسك معي كثير ههههههههههه

وتحياتي لك ....

بشاير الامارات

2010-05-10, 09:41 PM

مساء النور ..

استغرب انه لي قدرة رهيبة إن اتحدث بلا توقف مع اي حد ...إلا نفسي لا أكلمها كثيرا ...

حتى الان عندما اقتبس رد ..أجد نفسي لدي الكثير والكثير ما أقوله

ولكن بمجرد إن افتح صفحة بيضاء ..أجد نفسي ابحث عن اي موضوع لأقوله ...

ولكني لا أجد شئ أقوله ....فالمنتديات السابقة كانت المدونات لا يسمح لمدونةعضو إن يكتب فيها سوا العضو نفسه ...

اليوم بذات عرفت لما مشروع المدونات فاشل بنسبالي ..لإني أبقى فيه وحيدة ...

/

/

/

أحيانا حينما أبقى وحيدة مع نفسي ...أخاف ...لا أدري هل أخاف من نفسي

أم أخاف على نفسي ...

ودائما حينما أتخيل المستقبل ...أتخيله بطبع باهر وجميل والجانب المظلم فيه ...إني وحيدة

جدا أخاف من الوحدة ...وبحكم سني ..بالتأكيد تعرضت لمواقف إن تطلب يدي او يعرض علي موضوع الزواج

اشعر ان ما يلفت انتباهي كم عدد اشخاص عائلته ..كم ساعة يمكث في عمله

ويهمني جدا اعيش وسط عائلته ..وإن يكون لي بدال الأم أمين وبدال الأب أبين ...

وخصوصا إن اختي علاقتها بأبو زوجها ..علاقة جدا قوية وأجد إنها تفتخر فيه وتحبه بشدة

وهو كذلك يحبها كثيرا ودائما يسأل عنها ...وعندما تبقى في منازلنا ليومين او اقل

لابد إن يتصل ويطمأن عليها ....وأنا والله صرت أحبه كثيرا واحترمه من كلام اختي عنه ...

هنا تعلمت ان الزواج ليس فقط ارتباط برجل إنما هو ارتباط بعائلة كاملة ...

وبرغم إن صديقتي متزوجة ودائما تقول ..إن كلما ابتعدت المسافات وقله مخالطة اهل الزوج يكون افضل واريح ....

بمعنى اخر فصل القوات ههههههههه .....وصديقتي الاخر مقبلة فقط على الزواج دائما تخبرني ان الكل ينصحها ان تكون علاقتها معهم طيبة كثيرا من البداية

وان علاقتها معهم مرتبطة بعلاقتها مع زوجها ..

وأنا متأكدة إن هناك رجال لا يهمهم كثيرا كيف تبدو علاقة زوجة بأهله ...لكن كل ما يهمه إن لا يكون هناك مشاكل وقال وقيل ...

ومازال للحديث بقية ...

كيان الحزن

2010-05-11, 10:36 AM

يعني بإذن الله بتكون المدونة منورة على طول هههههههه

ع فكرة كل ما اشوف نك اضحك ههههههههه اتذكر لما قلت لي اعتبريني اصغر اولادك

كذا حسستني ما ودك تعور راسك معي كثير ههههههههههه

وتحياتي لك ....

هههههههههههههه

الله يحفظك و يخليك ..

بشاير الامارات

2010-05-12, 06:28 PM

اخر ما توقعته إنه تــــــــــــكذب

كيان الحزن

2010-05-12, 06:30 PM

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

إذا ودّك تحس شلون ،‘ آنآ بآلح’ىـيلٍ مح‘’ـتآجكٍ !!
أبي تحبس نفس صدرك وحس بحآجةٍ . . . . . . . . آلزفرهٍ !

بشاير الامارات

2010-05-12, 06:36 PM

ولا روحك رياضية كمان تتقبل الرأي والرأي الاخر هههههههههههه

كيان الحزن

2010-05-12, 06:37 PM

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

مالي ذنب ،!
غير أني حبيته [ شوي ]
لا وربي مو شوي ‘,
كنت { أحبِه
كثر نبضات قلبي والأنفاس ...

كيان الحزن

2010-05-12, 06:37 PM

ولا روحك رياضية كمان تتقبل الرأي والرأي الاخر هههههههههههه

الحمدلله صدري وسيع ...

يحتوي كل الطعون ..

كيان الحزن

2010-05-12, 06:38 PM

[فقط الأعضاء المسجلين والمفعلين يمكنهم رؤية الوصلات]

مطر...(والكرسي اللي بله /اغيآآبكـ..
بكى..والصمتـ..يملأ آآخر آآطرآآفهـ..)

وشارع .. لاتذكر ريحتك { ذابك } !!
صرخ بإسمك وضاق { الغيم لاشافه

بشاير الامارات

2010-05-12, 06:40 PM

أتحداك تتحمل ههههههههههههه احس امي مو متحملتني هههههههههه
لا تبخل على اختك تقعد تتطعن فيك ^_^

كيان الحزن

2010-05-12, 06:40 PM

[فقط الأعضاء المسجلين والمفعلين يمكنهم رؤية الوصلات]

أبكي قصيدة وأشبك البيت بالبيت
وأشكي قوافي الليل من كل ضيقه
وأدخل بحور الشعر لا من تجليت
وأغوص في وسط البحور العميقة
في حبكم لاني بحي ولا ميت
كني كسير الطير ماله طريقه

كيان الحزن

2010-05-12, 06:42 PM

أتحداك تتحمل ههههههههههههه احس امي مو متحملتني هههههههههه
لا تبخل على اختك تقعد تتطعن فيك ^_^

عاادي لو تطعني ..... غيرك طعن قلبي و لا أستفاد ...

لقى الطيبه و الإحساس .. و تندم على كل طعنه طعنها ..

بشاير الامارات

2010-05-12, 06:42 PM

احس جهازك سرعته عاليه ما شالله وتبارك الله هههههههههههههه

بجد كيان متى حسيت ودك احد يقولك كلمه تضايقك او حاجة بس عطني خبر ههههههه

كيان الحزن

2010-05-12, 06:44 PM

احس جهازك سرعته عاليه ما شالله وتبارك الله هههههههههههههه

بجد كيان متى حسيت ودك احد يقولك كلمه تضايقك او حاجة بس عطني خبر ههههههه

الحمدلله .....

الإحساس هذا لا يوجد عندي ......

كيان الحزن

2010-05-12, 06:44 PM

[فقط الأعضاء المسجلين والمفعلين يمكنهم رؤية الوصلات]

لاتشتري من حاولو يخسرونك

ولاتخسر اللي فكر

بيوم يشريك

مافيه اجمل من صديق

يصونك

ولافيه اقسى من قريب

يعاديك

اكبر خطاء نسيان من

يذكرونك

اجمل امل حب جديد

يناديك

اكبر قهر لاصار ناس

يبونك

وانته تبيهم بس حظك

بشاير الامارات

2010-05-12, 06:46 PM

والنعم والله فيك وهذا المطلوب ايجاده ههههههههههه

بعدين مو شطاره ...يعني انا غريبة عليك يعني اكيد كلامي ما يأثر

كيان الحزن

2010-05-12, 06:47 PM

[فقط الأعضاء المسجلين والمفعلين يمكنهم رؤية الوصلات]

تدري من أنا..؟
أنا الي بشوق انتظرك..
وبكل لحظه أبي قربك..
انا الي بصدق احتاجك..
واشتاق لصدق احساسك..
انا الي بصدق حبيتك
عيوني انا سميتك؟
عرفت من أنا..؟
هذا انا

الي على ناسي بديتك...!!

كيان الحزن

2010-05-12, 06:47 PM

والنعم والله فيك وهذا المطلوب ايجاده ههههههههههه

بعدين مو شطاره ...يعني انا غريبة عليك يعني اكيد كلامي ما يأثر

لو كنتِ غريبه ..

بالمنتدى هذا أنتِ مني قريبه ....

بشاير الامارات

2010-05-12, 06:53 PM

اي كنا زملاء فالتمهيدي هههههههههههههه

مستحييييييييييل اعرفك من قبل

احس اول مرة اشوف انسان زيك

عااااااااقل وفي النفس الوقت تصرفاتك غريبة تحب وتكره وعدواني لدرجة كبيرة

والمشكلة عدواني على نفسك ومعنا ذوق كثير

بشاير الامارات

2010-05-12, 07:34 PM

لا أدري لما خفت كثيرا ...توقعت اني هنا بمأمن وان لا احد سيعلم تفاصيل هروبي ...

بالتأكيد هو لا يعلم وفقط يتكلم بأسلوب مبالغة لا أكثر

قرئ رد او ردين لي فظن إنه قريب ...

لكن كان من المفروض انا لا اخاف ...برغم اني هربت وانا واثقة الهروب كان وقتها هو الحل الصحيح

لكن فداخلي ما كنت أود المواجهة ...اسبابي قوية من ناحية الاهل والمجتمع والتقاليد

ولكنها اضعف ما يكون لو قلتها أمامه ...

بمجرد إن تخيلت إن الممكن إن يكون هو ....بدأت أراجع نفسي ...

فوجدت نفسي كم كنت متمردة كثيرا وأنا هنا ...كنت جريئة وأنا بعيدة ...وكأني كابنة الملك التي فرت من الدلال والرفاهية

للحياة ابسط لكنها تمتاز بالحرية ...وراحة الضمير

وصرت أتصرف بدون مراقبة أحدهم أو مراعاة مشاعره ...أتكلم متى اريد ومع من اريد ...

//

،،

//

هناك لحظات كثيرة مرت في حياتي ولا اعرف هل كانت
صح أم خطأ

لدرجة إني لم أعرف هل استمر أو لا فيها...لكني بالتأكيد كنت سعيدة ...يكفي إن طلباتي مجابة ويؤنس بوجودي

//

//

كل ما تخيلته اليوم إن الكلام القوي والاهانات كانت موجة لي ..برغم إني متأكدة إنه ليس هو

وشتان بين هذا وذاك ...

لكني خفت في غيابي يقول عني ما يكتبه هذا الغريب هنا ...وإن الكل يتعاطف معه

وينظرون إلي بنظرة ازدراء ...بنظرة الظالمة الشريرة ...وحتى فداخلي اشعر اني فعلا لم أكن منصفة ...

وإني لو بقيت كنت سأندم ولكن حتى في رحيلي مرارة الندم ولوعته لازالت تخنقني ...

توقعت إن يكون ملجأي افضل حال ...لكني لم اجد سوى بشر حزينين اكثر مني

مصدومين ...كما تركته بالتأكيد مصدوم

سعيدة إني أخطأ واشير اصابع الاتهام لي ...واعرف مدى حجم خطأي ...

لكن ليس بوسعي تصحيحه

هناك أخطاء تصحيحها مؤلم ....كاليد لو التوت صعب ان نرجعها ومؤلم جدا ارجاعها وألمها مميت

وفالوقت ذاته تركها مؤلم بحق ...

سامحك الله ...ذكرتني بما مضى ...

واشعرتني كم انا ضعيفة وجبانة أمام جرح سببته لغيري ...!!!

لكني مع كل هذا ..فأنا أسطيع ان اعود قوية

وادعو الله وارجيه ان لا التقي به مرة اخرى ..

لاني لازلت أخاف المواجهة ....>>

كيان الحزن

2010-05-13, 10:50 AM

كيان الحزن

2010-05-13, 12:22 PM

[فقط الأعضاء المسجلين والمفعلين يمكنهم رؤية الوصلات]

صَمْتٍ غَرْيْبْ .. وْ حَآلْتْيْ فْيْ غَرآبَهْ

.................... / مَـآنْيْ بْـ رْآيْقْ , بَسْ .. مَآنْي بْـ ضَآيْقْ ..!

كيان الحزن

2010-05-13, 12:23 PM

[فقط الأعضاء المسجلين والمفعلين يمكنهم رؤية الوصلات]

......مافيني شي ! وربي مافيني شي !
كل مافيني إني جالس أتعود غيآبه..وهو حيّ!

بشاير الامارات

2010-05-13, 12:27 PM

افااااااا طلعت حية ههههههههههه

طيب العباية الي تلبسها وين ؟؟

تنكتب لي اذا ماتت بجد

ترى الحين الحوادث ع كيف كيفك ههههههههههه

بس ودي اسأل سؤال ليه انته معلق على عضوه معنا فالمنتدى
وبدون ذكرى اسماء لانه بنت مؤدبة كثير ربي يحفظها

كيان الحزن

2010-05-13, 12:29 PM

.. لأنها تستاهل ..... البنت هذه ... على قولتك مؤدبه ....

الله يحفظها ... و يرحم من مات .... قبلها ..

كيان الحزن

2010-05-13, 12:30 PM

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

ودّك تشوف الذلّ.في صورته صحّ ؟
شف دمعة الفرقا..على خدّ رجّال

كيان الحزن

2010-05-13, 12:33 PM

بأقولك شغله ....

كل ما أكتب ..ليس فقط لإنسان واحد .... بل يتوزع على أناس بقلبي ....

بشاير الامارات

2010-05-13, 12:36 PM

لا والله تأثرت

ما عاش إلي يخلي الرجال يبكون

بس عجبتني ع فكره الي ماتت بكتك هههههههههههه

كيان الحزن

2010-05-13, 12:38 PM

فرصه أن تضحكي .......

الدموع ليس ذل او خوف ... بل قمة الشجاعه ....

لكن من كثرتها عندكم ... وضعتموها من ظمن زنزانه الذل .....

بشاير الامارات

2010-05-13, 12:44 PM

كلامك مو كلام واحد فالمتوسظة يدرس للحين هههههههههه

لا والله ما ضحكت على دموعك أبد

بلعكس تماما ........

كيان الحزن

2010-05-13, 06:00 PM

لا انا تعديت المتوسط .... من زماااااااااااان ...

أنتِ سياسيه بالمرة ... لكن ما عليه ...

أتمنى لكِ ما تتمنين لنفسك .

كيان الحزن

2010-05-13, 06:01 PM

أمرّ في حآلـہ ضيآع وَ شبـہ غيبوبـــہ وَ گـبـتْ ,
أحبآب !!
أي أحبآب ذول آللي على موتي خذوني ؟!

كيان الحزن

2010-05-13, 06:02 PM

[آلبآرحـہ .. !
آللـہ يگون بـ/ عون آحآسيسي وَ عوني ’
أحــآول آهرب من عمآيلـهـم . . وَ لگن مآهربتْ !
مآ گنت آحسّ إني أنـآ . . " أنـْــآ "
وَ هذآ آلگـون , گونـي ~
/
أمرّ في حآلـہ ضيآع وَ شبـہ غيبوبـــہ وَ گـبـتْ ,
أحبآب !!
أي أحبآب ذول آللي على موتي خذوني ؟!
آلظآهـر آنـي شبت يآ عآلـم !
وَ أنـآ مـآ بعد شبتْ ,,
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

كيان الحزن

2010-05-13, 06:20 PM

[فقط الأعضاء المسجلين والمفعلين يمكنهم رؤية الوصلات]

لا صار حلمك في يد الوقت والناس
لا الناس تفرح لك ولا الوقت يرحم
أغسل يدك من حلمك بموية اليأس
وأهرب بلا حلمك عسى بس تسلم

بشاير الامارات

2010-05-13, 07:59 PM

عط غيرك مجال ذبحتنا ههههههههههههههههه

كيان الحزن

2010-05-13, 09:47 PM

طيب .. خلاص ...

أتمنى كنت ضيف خفيف الظل عليك ...

بشاير الامارات

2010-05-13, 09:49 PM

لا عادي انته بس رفعتني لسابع سما وفي لحظه صرت فالقاع

يعني انا قلت صدفة حلوة

انه نرجع نجمتع في منتدى ثاني

مو تطلع احد اول مرة اشوفه ههههههههههه والله زعلت كثير

نشوفك ع خير

وكنت اكيييييد ضيف خفيف

كيان الحزن

2010-05-13, 09:50 PM

أنا إجتمعت فيك قبل كذا ....

ترى ما أذكر .... ؟

بشاير الامارات

2010-05-13, 09:52 PM

لا لا ابدا هذه أول مرة

بس قبل يوم بالضبط ع بالي انه ايوه اجتمعنا من قبل

من كذا مطولة لساني قلت محد يتحملني غيره ههههههههههه

والله صعب الي صار

كله منك خخخخخخخخ

كيان الحزن

2010-05-13, 09:54 PM

كله مني ...

انا إيش سويت ....

حبيت أسلم عليك .... فقط ..

بشاير الامارات

2010-05-13, 09:56 PM

لا انته قلت انتي غريبه على منتدى قريبة مني

فأنا اصلا صارلي كم قرن فالنت هههههههههه وعمري ما كنت قريبة غير من شخص واحد

فأنته يمكن قلتها كذا عفوي وبحسن نية

فأنا قلت هووو

حصل شر ههههههههه

كيان الحزن

2010-05-13, 09:58 PM

صدنااااااااااااااااااااااك ...

الشخص اللي كنتِ قريبه منه .. وين راااح ....

أبعدته المسافات ... و إلا أخذه الزمااااااان هههههههههه

بشاير الامارات

2010-05-13, 10:46 PM

مات هههههههههههههه ولا بس الي عندكم يموتون ههههههههه

لا والله لسا موجود في منتدانا القديم وزي ما هو وسيع صدر وطيب وانسان محترم

بس انا ألي رحت ...تعرف احيانا في اشيا تروح وتخليها افضل وتكون ذكرى حلوة

وتجربة ناجحة ...

يعني انا قعدت والله خمس سنوات وفكل يوم انتظر يخون يزعل يقول حاجة غلط

يسوي شي يجرح يزعل ..

عشان اكره واصير زيكم امشي واعاتب ههههههههههههههه بس للاسف كل يوم يكون احسن من الي قبله

فقلت دام الغلط ما بيطلع منه

أجل بخليه يطلع مني ههههههههههههههه والله هذا الي صار بالضبط

من كذا اسألك على الانتقام لاني ما بلومه لو انتقم مني ههههه

كيان الحزن

2010-05-13, 10:50 PM

صح ....

الذكرى لها بالقلب مسكاااااااااان ...

فيه أسباب لرحيلك عنه ..؟

بشاير الامارات

2010-05-13, 10:51 PM

كتبت كل حاجة فوق

شكلك لحقت عالرد قبل الاضافات هههه

كيان الحزن

2010-05-13, 10:56 PM

كلامك غريب .....

بشاير الامارات

2010-05-13, 11:01 PM

غريب لانه متعودين نسمع الكلام من ألي انجرح وخونوا فيه

ولا مرة سمعنا الطرف الثاني ألي خلا الجمل بما حمل لغيره ههههه

انا ع نفسي ما خنت ولا فكرت والله ...

بس يمكن استكثرته علي

يعني في بنات بيموتون على واحد مثله ههههههه انا عنفسي ودي يكون النت بنسبالي لقضاء وقت ممتع ومش اكثر ...

اتضايق والله لما اتعلق في حد هههههههههه ما أحب

كيان الحزن

2010-05-13, 11:07 PM

الله يعين ...

الدنيا هذه غريبه ..

بشاير الامارات

2010-05-13, 11:11 PM

ع فكرة انته هو ...

>>>بكذا الدنيا بتصير اغرب هههههههههه

كيان الحزن

2010-05-13, 11:21 PM

يمكن أكون هو .... و يمكن غيره ..

بشاير الامارات

2010-05-13, 11:25 PM

والله محد مثله

قبل لما اقوله شي يقول الله يعين وكلامه قليل

بس مستحيل يقولي الكلام الي تقوله تلبسي عباية وكلام كبير زي كذا هههههههههههه

من كذا مخليني اتشجع اسوي فيه كذا ههههههههه

كيان الحزن

2010-05-13, 11:28 PM

ههههههههههههه

ترى الدنيا تغير بين لحظة و أخرى ..

بشاير الامارات

2010-05-13, 11:36 PM

احس اني برجع ههههههههه والله بجد

لانه امس لما دخلت لقيت كل شي مكانه ونفس ما هو

وطلبت منه يباركلي ع شي خاص بس ما رد اول مرة كذا يصير

فأحس هالمرة لو رديت بيعلمني الادب ههههههههههههههه بالتالي بقدر أكره

كيان الحزن

2010-05-13, 11:45 PM

هههههههه

الكره .. شيء صعب ...

أتمنى تبعدي عن الكره ..

بشاير الامارات

2010-05-13, 11:49 PM

لو كنت مكاني شو بتسوي ؟؟؟

معنه ما اقتنع بكلامك كثير ههههههه بس يلا نعطيك فرصة اولى واخيرة خخخخ

كيان الحزن

2010-05-13, 11:52 PM

.... يعني فيه أمل ....

لن تري نجومي تتوهج إلى عندما يفتقد الامل ..

بشاير الامارات

2010-05-14, 12:10 AM

كله يعتمد عليك >>

كيان الحزن

2010-05-14, 12:19 AM

تصبحي على خير ..

بشاير الامارات

2010-05-15, 02:38 PM

اليوم حلمت إني رحت هولندا وطول الوقت وأنا اشتري همبرجر هههههه

وبعدين قاعدنا على البحر ...وشفنا عائلة جالسة جنبنا

كلها بنات وأمهم وعندهم اخو شاب واحد

فأهلي قاموا يصلون وجيت بصلي معهم ما كفى المكان

فرحت عند هذه العائلة أصلي...كان أخوهم الإمام وهم كلهم وراه يصلون

فجيت أصلي معهم ..طلعت عبايتي وصليت

وحسيت هالتصرف غريب لإنه كنا فبحر وكان في ناس كثير ورجال كثير
فكييف أطلع عباتي ..والغريب إني لابسة لباس طويل محتشم تحت العباية

وفالحقيقة مستحيل ألبسه لإنه أصلا العباية مسكرة وما يبين شو لابسة تحتها

فجيت ابغى اصلي ...فقالت أم الولد للشغالة ألي تصلي جنبي إنه لا تخليناها تصلي معنا

عشان مكانها بنحط الاكل ..وفالبنات مع امهم وشغاله كلهم قعدوا يضغطون علي عشان ابعد ...فأنا انقهرت إنه كان ودي أصلي

وتوقعت إن ولدها الإمام يتكلم أو حد من البنات ومحد تكلم

فرحت صليت في مكان لا فيه اهلي ولا فيه هاالناس

وبعدين سألت وحدة غريبة كانوا أهلي قاعدين معها
إنه شو تسوين في هولندا ؟؟؟

قالت أنا سعودية وذيك العائلة بعد سعودية

فصحيت من النوم وقلت يمكن لإني متأثرة من المنتدى ولا ليش أحلم سعوديين

وحسيته كابوس مش حلم ..وخصوصا إنه اهلي كانوا يقولون فالحلم إنه ما جابوا فلوس فمقدرنا ندخل ملاهي كنا ناويين نروحها وبرغم إنه مبلغ دخول كثير بسيط
150 درهم للشخص ..

وإنه الرحلة كلها حريم خواتي وامي ...ونحن بلعادة ما نسافر إلا إذا في رجال

كان حلم غريب ....

/

/

/

كيان الحزن

2010-05-15, 04:39 PM

حلم غريب .....

المنتدى سعودي .. لكن مش كل الاعضاء سعوديين ..

انا أعتقد .. إن هذا ليس حلم ..

كيان الحزن

2010-05-15, 04:50 PM

[فقط الأعضاء المسجلين والمفعلين يمكنهم رؤية الوصلات]

يا وردة الحب وين الحب بغيابك ..!؟
جفت ورود المحبـة عنـد ساقيهـا
ماتت غصون الهوى من سبة أسبابك
على رصيف الأمل و الشوق باديهـا

بشاير الامارات

2010-05-15, 04:55 PM

والله العظيم وقسم بالله انه حلم حلمته

ليه يعني بكذب ههههههههههههههههه

ومن صحيت وانا اقوله لخواتي وذبحتهم فيه

وكلهم قالولي له علاقة بصلاتك بشبش

وانا اقول لا ...احس اني فالمستقبل بتزوج واحد كثير طيب وتمام بس أهله كارهيني

والله اني اقول الي صار ولا اقصد اي شي

بشاير الامارات

2010-05-15, 05:06 PM

صدق من قال جاور الحزين تحزن ^_^

كيان الحزن

2010-05-15, 05:08 PM

الجار قبل الدار ...

بشاير الامارات

2010-05-15, 05:14 PM

حلو إن يكون عندك أخو فالمتوسطة واحد يذكرك فيه ....

تحس إن المنتدى بيتك ثاني ههههههههههه

بشاير الامارات

2010-05-15, 05:17 PM

ما أدري ليش صرت مش مرتاحة ...

معنه كنت مبسوطة كثير ...

أحيانا في ذنوب تلاحقك وين ما كنت وما تخليك في حالك

بس وش ألي يغفر الذنب ...

أنا قلت الاستهبال اسوي نفسي ما سويت شي هههههههههههههه

كيان الحزن

2010-05-15, 05:19 PM

غفران الذنب هو الإستغفار ...

بشاير الامارات

2010-05-15, 05:21 PM

ما أخطيت في حق ربي ...اخطيت في حق عبده

لكل شي نهاية

وبداية النهاية وأخيرا حااااااااااااااااااااانت .....

كنت دائما أتخيلها ...

وانتظرتها كثير ...

كيان الحزن

2010-05-15, 05:24 PM

إتضحت الصورة الكامله لديك ...

بشاير الامارات

2010-05-15, 05:27 PM

إنت مين ؟؟؟

كيان الحزن

2010-05-15, 05:29 PM

أنـــــــــــــــــــــــــا

[فقط الأعضاء المسجلين والمفعلين يمكنهم رؤية الوصلات]

بشاير الامارات

2010-05-15, 05:38 PM

بس أنا مفروض ما أخليك تسوي معي كذا ...تخليني فاليوم الواحد مليوم مرة اقول هو لا مو هو

بس مع الايام رح أكرهك

هو مايهمك طبعا

بس انا ع نفسي هذا الي كنت اريده من زماااااااااااان

بغض النظر انته الاصل او النسخة هههههههههه

بشاير الامارات

2010-05-15, 05:58 PM

اذكر حد قالي

تجي عليك أيام يا بشبش رح تتنازلي عن كل شي وتضحي بكل شي وما رح يفيد

وأحس قرب هاليوم

لإني قاعدة أفكر اعتذر وبشو أقدر أعطي ؟؟؟

كيان الحزن

2010-05-15, 06:31 PM

[فقط الأعضاء المسجلين والمفعلين يمكنهم رؤية الوصلات]

شفني وتعرف كيف لا قيل ( صَابر ) ..
........... شفني وتعرف ! وش يعني ؟ " مقَادير " ..

أضحك وفيني للمواجع ... مقابر !
.......... أبكي وضحكي ذنب والدمع ؟ ( تكفير ) ..

كيان الحزن

2010-05-21, 04:58 PM

ويـــــــــــــنـــــــــــــكـ

بشاير الامارات

2010-05-21, 06:12 PM

مسا الورد >>>

ع فكرة الإنسان الطيب بجد ...دايما تصير له أشيا حلوة مو متوقعها ولا يستاهلها

انا قعدت فترة الطويلة شاكة بنفسي أني إنسانه مش طيبة

لكن ألي صارلي ألحين يثبت إنه الدنيا تضحكلي الحمدالله بقووووة هههههههههههههه

والله كثيرررررررر سعيدة ومبسوطة

وأحس الدنيا لونها فوشيا زي منتدانا

أحس كل شي أريد وكنت انتظره قاعد يصير ههههههههههه

اللهم لك الحمد

أحس بغير نكي بخليه كيان الفرح هههههههههههه

اتمنى اقولكم التفاصيل لكنها كثير

واحس ما اتوقع انه في حد تهمه ....

كيان الحزن

2010-05-21, 06:17 PM

منورة .................

بشاير الامارات

2010-05-21, 06:21 PM

كل يوم ادخل كل يوم

وكنت كاتبه لأكثر من عضو في ملفه

محد رد علي ...فحسيت انه بشبش اقلبي وجهك أحسن ههههههههه

ع فكرة انتوا طلعتوا شخصين ....

وأنا بفضلك رجعت ...ولما رجعت

لقيت كل شي مكانه وبلعكس حسيت الأماكن كلها ألي كنت فيها تنتظرني

من كذا صرت ما أدخل هنا كثير

يعني واضح فرق الحالتين هههههههه <<<

كيان الحزن

2010-05-21, 06:22 PM

رجعتي بفضلي .... هذا شيء طيب ...

بشاير الامارات

2010-05-21, 06:29 PM

اي والله رجعت

قلت سؤال واحد بس انته كيان الحزن ولا؟؟؟

قالي ايوه انا هو

فقلت ليه كذا تسوي ويعني قعدت اتكلم ولا سكت

فهو قعد يعلق على كلامي وقعدنا ساعتين على نفس السالفه

وقالي كلام فضييييييييع زي كلامك الفضيييييييييييع

بس ما قالي ليه لبستي العباية وفسختيها ههههههههههههه

يعني اقوى جملة كانت انتي تجرحين الجرح وتخلينه لحد ما اموت

فقلت فخاطري هذا كلام كيان هههههههههههههه

وبعدين مسكين اقتنع بكم كلمة قلتها

واصلا الاعضاء كلهم جاو يسلمون علي والحمدالله على السلامه

فحسيت انه المكان بيتي ومطرحي هههههههههههههه

فبقيت معهم ......

كيان الحزن

2010-05-21, 06:32 PM

هههه

روايه جميله .....

يمكن ذكر العبايه لكن انتِ ما سمعتيه ....؟

بشاير الامارات

2010-05-21, 06:36 PM

لا هو محترم ما يتكلم عن العبايات واي شي يخص الحريم ههههههههههههه

وبكذا بنكون السنة الخامسة على التوالي

والأهم من هذا كله عشان نحتفل بعيد ميلادي مع الاعضاء كلهم ومعاه

ابغى يكون حولي فهذا اليوم ناس يحبوني بجد

فاهميني صح ...ويعرفون اني لسان وبس ههههههههه

بلعكس روايتنا من اتعس الروايات فالدنيا

لانه كل ما احسها كبرت وبدأت تظهر على الدنيا

أحاول أقتلها

وياما والله حـــــــــــاولت ...

والمرة الاخيرة خلاص كان بيضبط موضوع عدم رجوعي جيت انته الله يسامحك

يكفي مخرب حياتك فليه تخرب حياه الناس معك هههههههههههههههههههه امزح بس

كيان الحزن

2010-05-26, 06:23 PM

لوعرفت أن ذا شغلك وطبعك
................ماتولعت بك الله وكيل
مادريت أن كل الناس ربعك
.................كل يومآ تدور لك عميل

كيان الحزن

2010-05-26, 06:31 PM

تآخذك الأيام وتوديك وتردك!!
......ويخونك الوقت وتعود على الوافي!!

بشاير الامارات

2010-05-28, 07:13 PM

ع فكرة انا عيوني حارة وحسودة

وما احسد الا نفسي ههههههههههههه

يا ويلي صرت من كثر ما افرح بلي يصيرلي ما صرت اتهنى فيه

ما ألحق بسم الله اتهنى

واحس اني مثل مطلقة لو صار شي رديت بيت ابوي (منتدى رهين الشوق ) ههههههههههه

ألي مثلي حده يلعب فالالعاب وبس

والله اني مشتااااااااااقة لكم كثير كثير

وحتى مشتاقة لكيان الحزن والهم والغم هههههههههه

والله قريت شوي مدونته احس خلاص الدنيا سودة فعييني صارت

كيان الحزن

2010-05-28, 09:34 PM

اللهم يامالك الملك وياواسع العطاء ياحي ياقيوم ياذا الجلال والإكرام إني أسألك في هذا اليوم العظيم.. وبعدد من سجد لك في حرمك المكرم،،، من يوم خلقت الدنيا إلى يوم القيامة أن تعافي قارئ هذا الدعاء،،،وتحفظه، وأسرته، وأحبته وأن تبارك عمله، وتسعد قلبه وتفرج كربه،،وتيسر أمره،،وتغفر ذنبه..آمين يارب العالمين..

يسألني متسانه وين

2010-05-29, 04:04 AM

[فقط الأعضاء المسجلين والمفعلين يمكنهم رؤية الوصلات]

لا تكابر و إنثر الشوووق يا خلي تعآآل
والله إني ماتمنيت فـي بعـدك خـوي

بالمحبه لك بقلبي رصيـد ورآس مـال
و ماذبحني منك الا غلآآك الفوضـوي

يسألني متسانه وين

2010-05-29, 04:05 AM

[فقط الأعضاء المسجلين والمفعلين يمكنهم رؤية الوصلات] 03-20-2010, 08:59 AM #959 ([فقط الأعضاء المسجلين والمفعلين يمكنهم رؤية الوصلات]) (permalink ([فقط الأعضاء المسجلين والمفعلين يمكنهم رؤية الوصلات])) مرفأالاحزان ([فقط الأعضاء المسجلين والمفعلين يمكنهم رؤية الوصلات])
[فقط الأعضاء المسجلين والمفعلين يمكنهم رؤية الوصلات]
[فقط الأعضاء المسجلين والمفعلين يمكنهم رؤية الوصلات]
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
[فقط الأعضاء المسجلين والمفعلين يمكنهم رؤية الوصلات]
لوني المفضل : Chocolate رقم العضوية : 17016 تاريخ التسجيل : Feb 2010 فترة الأقامة : 106 يوم أخر زيارة : اليوم السكن : قلـبيے♥ مدينه ../ گل س ـگانها المشاركات : 6,385 [ + ([فقط الأعضاء المسجلين والمفعلين يمكنهم رؤية الوصلات]) ] عدد النقاط : 123قوة الترشيح : [فقط الأعضاء المسجلين والمفعلين يمكنهم رؤية الوصلات]
[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

كل ٍ نصفني ،، ولا قصّر معي ،، ماعـدى
خوييّ ، وحظي ، وحكم الزمن ، والحبيب

اخسر ولامن خسرت أقول : راحت فدى
لانّ الخساره ، بعزة نفس ؟ ماهيب عيب

ياما تجمّلت فـ ( العالم ) ، وراحت سـدى
وياما تحمّلت تحت اسم ( القدر والنصيب )

انا اشهد ان الطيب في بعض المواقف / ردى
وانا اشهد ان الردى في بعض الاشكال / طيب

بشاير الامارات

2010-05-29, 07:22 PM

والله فخاطري ألحين أروح ادرسلي كلمتين كثير ابركلي قاعده فالمنتدى لوحدي اعد النجوم هههه

ودي اقرر بكرى اروح ابوظبي اتمشى ولا بجد مو وقته

مشكلتي في بداية كل شي اتحمس وبعدين ازهق ...واذا حد سألني وينك يكون عندي مليون عذر وقصة عشان اقولها وطبعا كلها صدق وصارت

بس مو هي السبب طبعا الي منعني ...مو حلوة مني اقول اني زهقت ...

قبل لما كنت طفلة كنت احب يكون عندي لعبة وحدة وحتى لو كانت سلة مليانة العاب

كان لازم يكون في لعبة مقربة لي كثير واحبها كثير وما كنت ازهق من اي شي

بلعكس احب اكرر كل شي اسويه ...ولما كبرت صرت من كثر ما ازهق ما اقدر اسيطر على نفسي

هو صح ما أبين ابدا اني زهقانة لانه الي يحسسني دايما انه زهقان بصراحة اكره واحسه يخرب اجواء الناس

ويعكر مزاجهم ...في طريقة إنه تصارخ عشان تنسب واذا انسبيت تلاقي سبب تزعل

واذا زعلت وزاد الزعل ممكن تبكي ...بس البكي محد يقضي فيه وقت فراغــــه ؟؟؟؟؟

/

/

احس إني دايما ادور على شي ...حتى فرحتي ما تكتمل لانه في شي ناقص

وما ادري شو الناقص بالضبط ...بس احاول اعود نفسي اني اونس نفسي وانه الاشيا البسيطة العادية تسعدني

احس لما أبين اني مبسوطه على طلعة غبية عادية على حاجة بسيطه ...احس ألي حولي كثير ينبسطون

ويعجبهم تواجدي معهم على طول ...

/

/

/

بس أنا يجذبني الحزن ههه هو اكيد ما احب اكون حزينه او كئيبة

بس يجذبني الانسان الحزين ...أحس انه انسان اقوى مني
عادي يعترف بلي فيه ويعيش بلي يحس فيه

مرت علي ايام كثيرة كنت ادوس فيها على نفسي

شاقة الحلج وفرحانة ما ادري على شو ههههههه بس والله فداخلي نار تولع وتطفي في دقيقة 100 مرة

أخاف أبين وأحد يسألني ؟؟؟

وأخاف من الايجابة ؟؟؟

كيان الحزن

2010-05-30, 02:20 PM

مسحـــت
عن وجناتها صــبر وجــرآآآآح
وأنــا جـراااحي اكــبــر من بكـــــآآآآي

بشاير الامارات

2010-05-30, 09:46 PM

مسوي نفسك مضحي ومو لايق عليك ههههههههههه

كيان الحزن

2010-05-30, 09:48 PM

كانك على قولك تمنى لي الخير

ساعدني انسى حبك اللي خذاني

بشاير الامارات

2010-05-30, 10:14 PM

سؤال لو غيرت القفل

يعني بتنسى اسمها هههههههههههههههههه

اي خله عشان لا تنسى اسمها ولا تغلط فيه هههههههههه

بدال ما تقول يا ريما تقول يا بشرى خخخخخخخخخ

كيان الحزن

2010-05-30, 10:20 PM

ههههههه

حتى لو تغير القفل ...

تبقى الذكرى

بشاير الامارات

2010-05-30, 10:44 PM

ع فكرة محد متعذب فالدنيا غير راعي الذكريات

احس اني ما اعطي نفسي فرصة اتذكر شي ولا افكر بشي

اسوي زي الاطفال ههههههههههه احسهم كذا ما يعطون فرصة لشي يحسون فيه وان كان حلو

بشاير الامارات

2010-05-31, 08:22 PM

أحس إن عمري مش طـــويل

ما أحب اتشائم طبعا والكلام العبيط هذا

في أول سبتمبر يكمل 19 وبصير عشرين

ومن انأ طفلة كنت دايما اقول ما بلحق اشوف عيالي هههههههههه ما همني غير العيال

والله انا لو سمعت بنت فالجامعة كذا تقول ما رح اخليها تتكلم

بقولها بلا كلام فاضي وبلا كلام زيادة العمر في الغيب هههههه

قبل أمس رحت امشي رياضة عل وعسى يخف وزني

فكنت مشغلة تلفوني على انشودة صوتها عالي وحاطة السماعات

وما اسمع اي شي ....واندمجت بصراحة ههههههه

فمشيت وسط الشارع كان فاضي والله ولا فيه حد

وانا امشي رفعت راسي اشوف السما فختل توازني طبعا ههههههههه

محد يمشي وراسه فوق

وانا غافلة فجاة والله مرت سيارة بينها وبين كتفي شعره حتى والله حسيت انه من كثر ما انا بجنبها ما قدرت حتى ألف وجهي

و صاحب السيارة متوقع طبعا اني بسمع الصوت وببعد وانا بلعكس رحت وقربت لإني كنت مندمجة بالأنشودة

اسمها أوجعيني يا جراحي كثير تجنن ولها مكانة فقلبي

المهم رجعت البيت ...وامي معصبة تقولي ليش تمشين لوحدك

فأنا انفجرت بكى ...فمسكتني شو صار وليه رحتي لوحدك وضربتني والله ههههه وأنا أقول الحمدالله إنه ربي سلمني عشان أشوف أجلس مع أهلي أكثر ههه أحس إني ما أريد أفارقهم ...

يسألني متسانه وين

2010-06-01, 12:10 AM

سبحانك اللهم وبحمدك ورضا نفسك وزنة عرشك ومداد لكلماااتك

دعووواتك ربي يحققك طمووحي

كيان الحزن

2010-06-06, 10:45 AM

محتاج لك ما هي مثل كل مره
هالمره اكبر من سهر ليل واحساس

ياللي غيابك عن عيوني مضره
عندي حضورك فرحة ما لها قياس

قلب ملكته صار لك فيه جره
يغار منها كل من مر عساس

انت رضيت الجرح خيره وشره
بعض الجروح بها الزمن ترفع الراس

طول زماني بين برده وحره
وانا انتظر من يمك يهب نسناس

خل العتب وان كان قصدك تشره
امر واحط لك في دجى الليل نبراس

بهديك قلب صار حبك مقره
مليت توزيع المشاعر على الناس
[فقط الأعضاء المسجلين والمفعلين يمكنهم رؤية الوصلات]