ديوـآن (شآعر ـآلمليون) محمد بن فطيس ـآلمري [..!]

[رهينة الشوق]

[فقط الأعضاء المسجلين والمفعلين يمكنهم رؤية الوصلات]
بسم الله الرحمن الرحيم

هذا الديوان للشاعر / محمد بن فطيس المري
وان شاء الله تستمتعون بقصائدة الجميلة والمعبرة


السيره الذاتيه:

محمد بن حمد بن فطيس المري

يعرف فالساحه الشعبيه بأسم ( محمد بن حمد ) فقط.

اطلق عليه العديد من الشعراء العديد من الالقاب ومن ابرزها

( خلية الشهد )

اطلقه عليه الشاعر والاعلامي المعروف فالح العجلان

كما اطلق عليه الشاعر الكبير حمد السعيد

( المحيط الهادئ )

البدايه كانت من خلال برنامج

( اثير القصائد) الاذاعي سنة 2001 تقريبا ً.

بعد ذلك من خلال الصحافه القطريه وبالاخص

( دوحة الشعر ) بجريدة الوطن.

ومن ثم انتشر خليجيا ً في الصحافه من خلال

مجلة (المختلف) ..
على اثرها نشر له العديد من القصائد
في مختلف المجلات الخليجيه والصحف.

المشاركات:

مهرجان الدوحه الثقافي الثاني والثالث بقطر ..
(مهرجان الخالديه العربي للشعر الشعبي )

في المملكه الاردنيه الهاشميه.
(مهرجان النعيريه الاول) في المملكه العربيه السعوديه.
(مهرجان حائل الاول للشعر الشعبي) السعوديه.
(معرض الصيد والفروسيه)السنوي في الامارات العربيه المتحده.
برنامج ( شاعر المليون ).


المشاركات التلفزيونيه:

برنامج بحور القوافي 2004
برنامج بحور القوافي 2005
برنامج يسعد صباحك ( في الاردن) 2003

...
من ابياته المشهوره:

الضيقه اللي دايم ٍ تالي عصير
وش حيلتي واردها لاتجيني

لا طال ظل العود حزة عشى الطير
كنها على سجن الحديد اتحديني
ــــــــــــــــــــــــــــــــــــــــــــــــ
ليه المطر بالذات ريحه وصبّه
كنـّه رسول ٍ بين الاحباب بالذات
ــــــــــــــــــــــــــــــــــــــــــــــــ
والله ان احر من دمع اليتيم
.دمعة الرجال من فرقا مره
ــــــــــــــــــــــــــــــــــــــــــــــــ
غالي وتبخل علي وتطول الصده
الله يسامح غلاك ويلعن الحاجه
ــــــــــــــــــــــــــــــــــــــــــــــــ
لا للفراق ولا لتجديد الاوجاع
ونعم نعم للوصل لو كان بالصوت
ــــــــــــــــــــــــــــــــــــــــــــــــ
تبغي تشوف اشجع رجل في حياتك
شفني وانا مقفي على كثر ما اغليك

[فقط الأعضاء المسجلين والمفعلين يمكنهم رؤية الوصلات]

[رهينة الشوق]

[فقط الأعضاء المسجلين والمفعلين يمكنهم رؤية الوصلات]

،؛، .. ســـولفـــــوا .. ،؛،








سولفوا تكفـون لا عـاد تسكتـون * قبـل لا أهوجـس وياتينـي بـلاي


السكـات يـزود طعونـي طعـون * وتنكسر لا جا على راسي عصـاي


سولفوا لو مـا بغيتـوا اتسولفـون * قبل لا اقعد في الحزن رايح .. وجاي


واضحكوا لو بالعمالـه تضحكـون * وجاملونـي لـو يضايقكـم حكـاي


لي وليفٍ راح جعلـه مـا يهـون * هــو دواي وداي .. أو داي ودواي


راح لكن طيف زوله فـي العيـون * مــرةٍ قـدامـي ومــرة وراي


وإن سكتوا جا وهو طيفـه يمـون * رحت أهوجس له وأبيـن لـه ولاي


مكسب عيوني من الفرقا مـزووون * تمطر لطاريه .. والبرق ؟ أصدقـاي


كل ما طـروه لـو هـم يمزحـون * احرموني من غداي ومـن عشـاي


أدري إنه ما تناسـى الـود كـون * تسمع إذنه في قفاي اللسن عـداي


وكانهـم قالـوا نسيتـه يكذبـون * وإلا أنا فيـه أمتلـك نظـرة وراي


كان حبه لي على خبـري مصـون * والله ان كنـي بقـدري .. وبغـلاي


ذي بقايا الحـب وأطـلال الجنـون * والله أعلم في ضميـره وش بقـاي


غير طيعونـي ولا عـاد تسكتـون * ولا والله إن أسمعـكـم بـكـاااي



[فقط الأعضاء المسجلين والمفعلين يمكنهم رؤية الوصلات]

[رهينة الشوق]

[فقط الأعضاء المسجلين والمفعلين يمكنهم رؤية الوصلات]

،؛، شــــطـــر حفـــــظتــــــه ،؛،

ماني بمن ياتي ولا يدري به ..
.. شطرٍ حفظته ما أعرف كتابه

شطرٍ يناسبني لمثل الليله ..
.. وآشوفني في ذا المكان أولى به

أبا أتكل بالله ونعمٍ بالله ..
.. اللي ما يوصد دون خلقه بابه

باقول واللجنه تقيم قولي ..
.. ومن كثرة الشعار ماني آبه

الحمد لله واثقٍ من روحي ..
.. وإن كنت ذيب فالرجال ذيابه

ما أقول أنا أشعر واحدٍ في العالم..
.. لكن قصيدي كفو وأنا أدرى به

الشعر جمعنا لو تفرقنا ..
.. حدودنا وظروفنا الغلابة

الله يبيض وجه راعي الفكرة ..
.. عز الله انها تنحسب لحسابه

والله يبيض وجه من يرعاها ..
.. محمد الله يحفظه لأحبابه

محمد ولد زايد عريب المجنى ..
.. ولي عهد الديرة الخلابة

الشعر تاريخ لنا من مبطي ..
.. وإعلامنا يوم السنين نهابه

الشعر بيت والوزن عمدانه ..
.. معناه طنب وقافيته حجابه

الشعر وادٍ فيه صيد واجد ..
.. وكلٍ على الوادي يهج ركابه

والأفكار صيد وكل شاعر قانص ..
.. وكلٍ يدسم شاربه مخلابه

أحد خياله حر .. وأحد وكري ..
.. وأحدٍ خياله كوبجٍ بقطابه

وأنا خيالي كل ما هديته ..
.. حول على الوادي وصاد عقابه

شاركت أمثل ديرتي وربوعي ..
.. وكل يمثل ديرته وأقرابه

والله إلى الله راد والله قاله ..
.. إني لا أسلمها الفخر وكتابه

داري قطر .. وأنا هنا أمثلها ..
.. المجد مطلوبي وأنا طلابه

عهدٍ علي إني لا أشرف داري ..
.. ترك صبي ما يعز ترابه

شوفوا دمي من حبها عنابي ..
.. وحماستي من ضوها شبابه

شاعر خليجي والعروبة بيتي ..
.. والبيت ما ياقف بدون أطنابه

وإن عودت بين القبايل فزعه ..
.. أنا أشهد إني في اللوازم لابه

لي في القبايل ربع .. وأقدرهم ..
.. ماني بمن يجهل مقام أصحابه

وإن عودت لأصلي .. فأنا أصلي مري ..
.. من صلب يام أهد القنا وخضابه

قومٍ لنا فوق المعالي بيرق ..
.. والسيف قوة سلته بنصابه

الشعر طوقني وأنا طوقته ..
.. قمت آتمشى به وأفك أبوابه

يا بنت ياللي تفرقين بعودج ..
.. ما ألومهم لو كثروا الخطابه

لامر بج دربج على خلق الله ..
.. قالوا كذا بالأصبع السبابه

زينج يزينه فعل أبيج وجدج ..
.. وإنتي بدورج للنقى كسابه

قومي تباهي بي .. وفلي راسج ..
.. عليج من ستر الشرف جلبابه

وإن ما سترتج بالفعول وباسمي ..
.. فعقبني الفنجال يا صبابه
[فقط الأعضاء المسجلين والمفعلين يمكنهم رؤية الوصلات]

[رهينة الشوق]

[فقط الأعضاء المسجلين والمفعلين يمكنهم رؤية الوصلات]

،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري
[فقط الأعضاء المسجلين والمفعلين يمكنهم رؤية الوصلات]

[رهينة الشوق]

[فقط الأعضاء المسجلين والمفعلين يمكنهم رؤية الوصلات]

،؛، .. في شاعر المليون .. ،؛،

في شاعر المليون للشعر مضمار ..
.. والسابقة في الشوط تظهر بيدها

امضمرين أبكار الأفكار شعّار ..
.. وكلن يحضّربكرته في وعدها

واللي تردت لا يدور لها أعذار ..
.. معذورة ما دام قد ذا جهدها

واللي تعوص وتضرب الحاجز يسار ..
.. تشلّ ف الدنة وترجع بلدها

وأنا ذلولي بنت صوغان الأشعار ..
.. من حبها عندي تفحم وحدها

إن جاره الله من تصاريف الأقدار ..
.. جاتك وجاك الجيش كله بعدها

الله عليها من مقاريد الأنظار ..
.. وصلت تحست ما غشاها زبدها

وتلقوفها بالعلم رمز وإشعار ..
.. وصفق لها منهو بعينه شهدها

ومن روبها أول ما تنصخ تمطار ..
.. ياللي تزعفرها من الطاس زدها

شبهت بالهجن الأصيلات الأشعار ..
.. وقصيدتي تراث أهلنا مددها

أعتزبه وأقبله إجلال وإكبار ..
.. واحة شرف يا سعد منهو وردها

أغلبنا في موجب الضيف والجار ..
.. يحلب لبنها قبل يذبح ولدها

وتراثنا من دونه نبيع الأعمار ..
.. وبأفعالنا روس المعالي صعدها

واليوم ضاق الجو من كثر الأقمار ..
.. تبث حقد لي لحقده رفدها

غزا الشعر قبل أمس غازين الأفكار ..
.. قومن على الساحة دفعها حقدها

تلفقوا ثم جاؤوا من كل الأقطار ..
.. هذا يصبحها والآخر هجدها

هذا يحرف في الأسف سر وإجهار ..
.. وهذاك يذبح موهبة في مهدها

وقفوا علم للشعر في وقت الأسحار ..
.. غاروا على الساحة وعروا جسدها

وصاحت بعد ما شافت سترها طار ..
.. ووقّف ولد زايد محمد ساعدها

قال أبشري بالستر وبردة الثار ..
.. وأضفى عليها سترها ما نشدها

واستل سيف في المواجيب بتار ..
.. واطلب وردن في العلا من فقدها

على خطى زايد خطاويه ما بار ..
.. والحاجة اللي في خياله وجدها

أغنى العرب من شوف أكاديمي ستار ..
.. ومن شوف أمر من السخافات وأدهى

شفت الشعر بستان وأبوابه أزهار ..
.. وقطفت ما يسقي المشاعر شهدها

قطفتها من ديرة تنبت أحرار ..
.. من دار بو مشعل ذراي وسندها
[فقط الأعضاء المسجلين والمفعلين يمكنهم رؤية الوصلات]

[عاشقة الدموع]

ارتشفت الجمال ..وارتويت حد الثماله

نصوص مميزه وعذبه

ود لاينتهي

لقلبك حدائق الإقحوان

[رهينة الشوق]

[فقط الأعضاء المسجلين والمفعلين يمكنهم رؤية الوصلات]

،؛، .. عآشقه .. ،؛،
ـآنرتي ـآلديوـآن وخآلقي
لـآعدمت طلتك
[فقط الأعضاء المسجلين والمفعلين يمكنهم رؤية الوصلات]

[رهينة الشوق]

[فقط الأعضاء المسجلين والمفعلين يمكنهم رؤية الوصلات]
،؛، .. يـــوم المزايـيـــن .. ،؛،

من لابتي مّره الى جـدي افطيـس ..
.. ربعي مطوّعة الصعـب بالصمايـل

ناموس ياللـي تكسبـون النواميـس ..
.. ياهـل العلـوم الغانمـه والجمايـل

اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل

انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل

يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل

منصا الرجال اللي على ضمّر العيس ..
.. وفالحرب نطّاحة شبـا كـل عايـل

هواجـرٍ لاجـات قدهـي مقاويـس ..
.. ركب الضيوف امن السرا والقوايـل

تنصـا ربـاع امتعّبيـن المحاميـس ..
.. مروين حـد المرهفـات الصقايـل

يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل

وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل

تفوز في يـوم المزايـن وفالريـس ..
.. من كـل منعوتـه تسمـى وحايـل

ولو حصل للبل من النـاس تفليـس ..
.. يكفيكم انك فالعـرب مـن لاوايـل

تلبس من العنّـاب زيـن الملابيـس ..
.. يوم المزاين مـع ارجـال الحمايـل

يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل

ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل

الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل
[فقط الأعضاء المسجلين والمفعلين يمكنهم رؤية الوصلات]

[رهينة الشوق]

[فقط الأعضاء المسجلين والمفعلين يمكنهم رؤية الوصلات]
،؛، .. لا ضاقت الدنيـــا .. ،؛،

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد
[فقط الأعضاء المسجلين والمفعلين يمكنهم رؤية الوصلات]

[رهينة الشوق]

[فقط الأعضاء المسجلين والمفعلين يمكنهم رؤية الوصلات]


،؛،.. الــبـارحـــة ..،؛،

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت
[فقط الأعضاء المسجلين والمفعلين يمكنهم رؤية الوصلات]