محمد جار الله السهلي

[صمت المشاعر لشاعر]

اليوم بفتتح ذا القسم بدوان الشاعر الكبير والقدير
وانا من المعجبين فيه
مايحتاج ذكر المقدمات عن الشاعر يكفيني فقط ان اذكر اسمه
الشاعر: محمد جار الله السهلي
][®][^][®][ محمد جارالله السهلي ][®][^][®][

حين يحضر الابداع . .
يقف التعبير. . صامتاً . . مندهشاً . .
فيتشنج القلم ../ انبهاراً . .
وتبدأ الذائقه بالحديث . .

بين يدي الآن لآلئ نادرة من قاع "بحر" نادر ايضاً . .
بحر/ عذوبته ونقاءه . . تشبه عذوبة ماءه تماما . .

لكي لا اطيل . .

شاعري وشاعركم جار القمر/محمد بن جارالله السهلي
فلنقرأه بذوائقنا و احساسنا فقط . .

شاعرنا . .
شاعر اشبه بــ [الكاميرا مان] . . !
فهو مصور مبدع . . فالشعر طبعاً . .

شاعر. . له ثقله وشعبيته الجارفه
رغم ازدحام الساحه الشعريه في فترة انطلاقته . .

الا انه حجز له مكان بين"





الكبار" . .

وهو منهم بلا شك..!

شاعر . . عُرف اكثر وازداد جمهوره

بعد امسية احياها العام قبل المنصرف

في منتزه الواحه في منطقه الثمامه " الرياض "..

بمشاركه الشاعر مدغم بوشيبه . .

حيث كان الحضور الجماهيري لتلك الامسيه غفير ومذهل . .

مما ادى بعد توفيق الله لنجاح تلك الامسيه بنجاح شاعرها . .








شاعر اعترف بهلاليته وعشقه للزعيم

شاعر قصائده مليئه بالحزن والدموع وسرعان ما تصل لشغاف القلوب . .

فها أنا انثر بين يديكم بعض من لآلئ هذا البحر وبإذن الله تحوز على اعجابكم

. .

(( البطآآقــهـ الشخصيــهـ للشاعر ..))

الاسم : محمد بن جار الله السهلي

المدينه : الكويــت وهو من اصل سعودي

العمر : 23 سنه

الحالة الاجتماعيه :متـزوج

مسيرته الشعريه : بداها منذ 5 أعوام

,,,,

شاعرنا استطاع أن يحلق بنا إلى عالم القوافي والأوزان ..

كما استطاع ان يرسم لنا من واقع الكلمات أجمل الصور وأروعها

هنا حيث قصائده التي عانقت حروفها صدق الاحساس وحسن

التصوير والاتقان نقف وقد هالنا شموخ الكلمات ورقة المعاني

ونبحر معه وكأننا نحن من نظمنا الأبيات

...

,,,,

هناك حيث قصائده قد لامست شغاف قلوبنا وحررت الآمنا من قيودها

وانطلقنا معه وبه الى حيث الموسيقى الهادئه

وحيث آلآهات الكامنه في تلك الصدور المتعبه ...

انه شاعرا قد جعل من الكلمه والقلم طوع

أمره ومن القرطاس مهدآ لفكره

..

,,,,,

انه شاعر قد سابق الافكار وصاغ المعاني لتتجسد لنا

في اطار جميل يفهمه الصغير قبل الكبير

لايكون هذا الوصف لغير الشاعر..

{{ مـــ ح ــــمد ج ـــآر الله الســــهلي }}




ولست متأكد من هذه المعلومات
اسف

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
المسأله
احضّـرك واتلـوا عليـك البسملـه
والفاتحـه والغاشـيـه والزلـزلـه
واعلّمـك وش الحديـث المنطقـي
من شان تعرف كـل شـي ٍ تجهلـه
خدمه .. بقدمها بـلا شـرط وثمـن
يا صاحب آفـاق الخيـال الممحلـه
وماهيب من بـاب المـوّده والغـلا
لكّن من بـاب احتـواء البلبلـه !!
كنت احسب ان سود الليالي ربّتـك
واثرك على نفـس العلـوم الاولـه
موّسـوس وحالتـك حالـه مزريـه
الحلـم قدامـك وعاجـز تاصـلـه
على مدار العام مـن قـل الثقـه :
بينك وبين الشـك والريبـه صلـه
ذكائك المزعوم حاجـه مؤسفـه !!
تضحك علـى تفكيـرك وتستغفلـه
سويت نفسك فاهم الوضـع وذكـي
وكليتها يا بـو الشبـاب مفلفلـه !!
ما احد ٍ جبرك تضيع وسط المعمعه
وتستصعب الموقـف ولا تستسهلـه
القصد واضح والمعانـي واضحـه
ليه اتمادى فـي الحكـي وتؤّلـه ؟
طويق ثابت والجبـل يبقـى جبـل
فلنعتبـر هــذا ســؤال وعلله ؟!
شفت ان مالك بالثقـه موطـأ قـدم
كـب الغـرور المفتعـل ولاّ اقتلـه
وان عوّدت نهج وقناعـات وفكـر
الاجوبه ترضـي غـرور الاسألـه
المرجله لا صارت هايـط وشعـر
مـا عـاد ابيهـا لعنبوهـا مرجلـه
وان كانها مواقـف وقـول وفعـل
ماعندي الا : تـم وابشـر وازهلـه
خذ لك نصيحه كانت تسـام بجمـل
يا مسيلمه او بالاصح يـا عبهلـه !!
لا عاد تخطب في شبـاب المجتمـع
ريّح .. وخل الدين والنصـح لهلـه
ولا عاد تشهد زور فارجـاء البلـد
وتبقى كذا مـن مرحلـه لا مرحلـه
حتى ابليس بيستحي مـن كذبتـك !!
من كبرها ما هيب من ضمن عملـه
واليا بغيـت الجـد سجّـل مايلـي
واستحملـه واستوعـبـه واتقبـلـه
ماهوب عيب انـك تغيّـر منهجـك
العيب وانـواع الخطـا والمهزلـه
انـك تجـي كلـك وتستنقـد فئـه
على فعل وانت اول اللي يفعلـه !!
راجـع حساباتـك وفكّـر واتعـض
واضرب على نفسك جميع الامثلـه
ان كان ما انت بكلهـا مثـل مثـل
مـاوالله اقـول الشعـر واسترسلـه
خلاصة الموضوع كله ( من - إلى )
بيت ٍ يوضح لك غموض المسألـه :
أنا .. لو اني مـا لعبـت بحسبتـك
ما كان يسبب لك قصيدي مشكلـه !!
::::::::::::::::::::::

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
عســاني المــوت
الحب .. طفل ٍ سكن شعري وهوجاسي
وفي ظلوعي العـوج ربيتـه وكبّرتـه
خذاني من .. الوطن والناس وانعاسي
وابـلا قناعـه .. تقبّلتـه و برّرتـه
سلمت أمري إليه وطحـت متواسـي
إلين ماصار شـي ٍ مـا تصوّرتـه !!
حبيبتي .. كيف اكذّب حزني وياسـي
لو العذر يعـذرك قبلـك تعذّرتـه !!
الله يسامحك .. ما قدّرتـي احساسـي
وانا على شانك .. الاحسـاس قدّرتـه
نسّاني الهم .. غالي ربعـي وناسـي
وذكرت ربي .. وقلبي فيـك ذكّرتـه
ودوّرتي اسهل طريق .. لضيقة انفاسي
ماكن درب الفرح .. لرضاك دوّرتـه
يا سيّـدة خافقـي ومحطمّـة باسـي
كـم مـرة ٍ لمـت خفّاقـك وحذّرتـه
صحيح احبك .. وآخاف فراقك القاسي
وخطاك .. يامـا تجاهلتـه ومرّرتـه
لكنّـي اليـوم لا ذاكـر ولا نـاسـي
ودّعتك الله .. وقلبي عنـك صبّرتـه
عساني الموت .. كان بينحني راسـي
ويا جعلي الضيم .. لو مبداي غيّرتـه

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
شاعرها


[فقط الأعضاء المسجلين والمفعلين يمكنهم رؤية الوصلات]لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا
خلـك علـى خبـري وظنـي وهقـواتـي
خابرنـي الضيـق والضيقـات خابـرهـا
وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا
تقول : حـب البشـر طـوّق مساراتـي ؟
ابـك انـت حبـك مساراتـي يسيّرهـا !!
ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا
لا يـا بعـد شهرتـي واعظـم نجاحاتـي
وكل القصايد مـن ابسطهـا ليـا اشهرهـا
ولا يـا بعـد مـن يـدوّر لانكسـاراتـي
شعّار سبب وجـودي ضيـق خاطرهـا !!
انت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها
يـا اوّل وآخـر قصيـدي وآروّع ابيـاتـي
محـدٍ يحـب القصايـد كثـر شاعرهـا !!
مـا فـاق حبـي لـك الا حبـي لـذاتـي
يعنـي احبـك محبّـه مــا اتصـوّرهـا
يا اصدق من النشـوه اللـي فـي بداياتـي
لا قلت لي كـم بيـت .. وقالـوا انشرهـا
واغلى مـن الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا
وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا
واطهـر حكايـة محبّـه فـي حكايـاتـي
مـن قبـل لا عيشهـا حسّيتـك اطهرهـا
لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا
ولا تضـايـق لـيـا كـثّـرت جيّـاتـي
ضيّعـت فيـك السنيـن وجيـت ادوّرهـا
تـعـال رتبـنـي ورتــب حسابـاتـي
او تدري شلـون ؟! رتبنـي و بعثرهـا !!
مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا
اكبـر عيوبـي : بديتـك مـن نهايـاتـي
واكبر عيوبك : لقيـت اوّلـك بآخرهـا !!
يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!
مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخـرهـا
رجعنـي لوقتـي او رجعـلـي اوقـاتـي
عاميـن تنطرنـي .. وعاميـن ناطـرهـا
وتقـبـل الــود والشـكـر وتحـيـاتـي
يـا ساكـن الـروح والـروح ومشاعرهـا
وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا
لـو ان غيـري معـاك يسـوي سـواتـي
قلت : انت نعمه وهـو عاجـز يقدّرهـا !!
[فقط الأعضاء المسجلين والمفعلين يمكنهم رؤية الوصلات]

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]



الياسمين
أي والله انـي ضايـق ومرهـق ومخنـوق وحزيـن

وإما بمـوت مـن الولـه ولا بمـوت مـن القهـر ..
واللـي لعـب فـي حسبـة ايامـي وخلاّهـا سنيـن
إني على ذا الحال يا شعري لي اكثـر مـن شهـر !!
بعت ( المدينه ) لجل ( عين ) وقالـوا الخافـي يبيـن
ودفنتك ( بجوفي ) وقالـوا وش بقابـك مـا ظهـر ؟!
يا مطوّل الغيبه يا طـول الشـوق .. ميـر الله يعيـن
العاشق اللي عـاش ظامـي بيـن عـدّك والنهـر .!
عيّدبـي غيابـك ( سنـه ) والليلـه مـن العايـديـن
ولا عاد عيدك يا الجروح اللي بقلبـي مـن دهـر ..
يا صاحبي لو تعتـذر عـن غيبتـك عـذرك سميـن
حبك بعد ما غبت عـن عينـي تمـادى وازدهـر ..
من يوم شفتك ( والنعاس ) بعينك النجـلا ( سجيـن )
ومن نفس ذاك اليوم و عيوني ( سجينـه للسهـر ) !!
علقتنـي بالضحكـه اللـي تسـبـق .. الغمازتـيـن
وتركت لي شاعر !! كتب فيك القصايـد واشتهـر ..
سيّلـت دمعـك واستبـاح الدمـع ستـر الياسمـيـن
وعلمتنـي كيـف النـدى يجمّـل خـدود الزهـر !!
ليتك عقـب مـا غبـت غيّبـت اشتياقـي والحنيـن
أو ليتني ما قد دفعـت احـلام عمـري لـك مهـر ..
وياصاحبي .. لاعاد تسألنـي عـن الحـزن الدفيـن
أقسى الطعون : ( الطعنه اللي من حبيب و فالظهر ) !!
::::::::::::::::::::::

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]كلها ساعتين
... ألا انت سولف لي عن احوالك وخل عنك القصيد
يعني وش اللي في غيابـك راح اقولـه واكتبـه ؟
شعري .. على حطة يدك !! في غيبتك ما من جديد
البيت من قبل اكتبـه .. افكـر انـي اشطبـه !!!
دامـك تعـرف ان الشعـر لا يقنعـك ولا يفـيـد
استوعب حضوري ! وهـو انسـآآه لا تستوعبـه!
ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجبـه
ما ابيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه !
ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عـرفـت ترتـبـه !!
هـي كلهـا هالساعتيـن وعقبهـا ببقـى وحيـد
لا تشح بشعورك علـي ّ ولا اتمـادى !! وانتبـه :
لا شفتني سجيت ( عنك / فيك ) جوّدني من ( إيـد
قلبـي ) ووصلنـي لقلبـك برضـاه او اغصـبـه
هذه سنه ! ان ما سكنت القلب ! مسكنك الوريـد !
ونفس السنه مرت ! وحقي فيـك ضايـع واطلبـه
يـا آدمـي مـدام نظراتـك باحاسيسـي تشيـيـد
لا تترك ( اسألتي ) تموت ولا لقت بك ( أجوبـه )
ليه انت راضي بالعناد ؟ وبالرضى تصبح عنيـد ؟
ليه اتساهل بالجفـا ؟ ليـه الوصـل تستصعبـه ؟
وليه اتمنى الموت في بعدك واحـس انـه بعيـد ؟
وليه اشعر ان الموت في لحظة وصولك ما اقربه ؟
وليه اعتبر نفسي إذا ذبحني شوقي لـك شهيـد ؟
ولا انت حتى الشـوق لا ردك علـيّ تستغربـه !!
جاوب وريحني !! أو انسى كل شي .. ولا تعيـد :
سؤالك عن شعر ٍ شطبتـه مـن قبـل لا أكتبـه !!

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
فلسفه شاعر


[فقط الأعضاء المسجلين والمفعلين يمكنهم رؤية الوصلات]أصعد ( المشـراف ) يـا شعـري وذبّـه
أنـت اكبـر مـن محيـطـه وارتفـاعـه
مركـبـك هبـايـب افـكـاري تـهـبّـه
و( البحـر ) ميّـت علـى فلـة شـراعـه
و( السمـا ) تشتـاق لـك شـوق الاحبّـه
لانّــك تحـجّـم فضـاهـا واتسـاعـه
خش تقصيـري !! عـن عيونـي وخبّـه
خلّنـي كامـل مـع التفكيـر .. سـاعـه
ليـن اسـوي منـك : دافـع للمسـبّـه !!
لكـل فـارغ ودّه : يـمـارس ضيـاعـه
اشهـد ان بعـض الشتايـم .. مستحبّـه !!
الدلـيـل القـاطـع لطـيـب البضـاعـه
يـا تعـب حالـي ويـا حـالـي وطـبّـه
والله ان كنّـك اخـوي مـن الرضـاعـه
اتنـومـس فـيـك وانــوّه وانـبّــه :
انحـدار الطـرح فـي جيـلـي إشـاعـه
أعشقـك .. ومخالـفـك ربــي وربّــه
بيـنـي وبيـنـه مجـافـاه وقـطـاعـه
الكـراهـيّـه ضـريـبـه للمـحـبّـه !!
فلسـفـة شـاعـر وتوظـيـف لقنـاعـه
كـل شـي ٍ نكـرهـه عكـسـه نحـبّـه
مثـل كـره الخـوف حبـا ً بالشجـاعـه
جـايـز اربــاك العـقـول المستتـبّـه
بالـدهـا و العنجهـيـه واللـكـاعـه !!
مير قلب الشعر : ( غصـن ٍ ) مـا لعبّـه
غيـر ( نسنـاس ) الرقـي والاستطـاعـه
يـا أولـي الألـبـاب والإبــداع لـبّـه
في اكتشاف ( الدارج ) و ( حُسن ) اختراعه
والأكيـد : ان الـدرّر فـي كــل غـبّـه
وكـل ٍ ونسبـة ذكـائـه واطـلاعـه !!
والمهـم : مـوت النهـر فآخـر مصـبّـه
النهـايـه المنطـقـيّـه لانـدفـاعـه !!
[فقط الأعضاء المسجلين والمفعلين يمكنهم رؤية الوصلات]

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
اسبوع
أسبوع مرّ !! ولاوصل منك مرسـال
ياقوّ قلبك كيـف تقطعنـي أسبـوع ؟!
الجوع كافر ! وانت ماترحـم الحـال
وانا عليك مـن الولـه ميـت ٍ جـوع
ياللي غيابك صعب يطري على البـال
تركتنـي ضايـق وحايـر ومفجـوع
ماكنّـي الا: شايـب ٍ فاقـد عـيـال
وماكنك الا: محرم ٍ حق مشـروع !!
يفوع لـك قلبـي ليـا مـر الاطـلال
ياليت مالـي قلـب يشتـاق ويفـوع
حسبي عليك شلـون قطعـت الامـال
بآآآموت لاصار الامل فيـك مقطـوع
ياصاحبـي ماكـل نـزّال رحّــال
انت الحيّا من وين مارحت متبـوع !!
نسيانـي لـزول ٍ بالاعمـاق يختـال
اصعب على صاحبك من حبة الكـوع
لو الثمن في شوفتـك عمـر رجـال
كان الثمن من يوم ماغبت مدفـوع !!
ولو القدر مـا تـم قولـه ليـا قـال
ماضاق صدر ولا انحنى راس مرفوع
ياصاحبي عشقتنـي فعـل وخصـال
وانا عشقتك شعر واحسـاس وطبـوع
وشلون تتركني كذا لا اشهـب الـلال
وقدّام عيني تجف ينبوع .. ينبـوع !!
وانا عشانـك جيـت والغيـم همّـال
اسيّـل الوديـان واداحــم جـمـوع
ماردّنـي عنـك سوالـيـف عــذال
تزعل عليّ ربوع وتقـدّر ربـوع !!
كان المهم اعيشـك جنـون ووصـال
ويكون لي كلمه ولـي راي مسمـوع
واليوم ضاقت بي من الجـال للجـال
فرقاك تقصـم ظهـر وتحـز وتلـوع
لو جيت شفت الحال ماسـرّك الحـال
في غيبتك ضايـق وحايـر ومفجـوع
هذا غياب اسبوع وشلـون لـو طـال
طالبك .. لايطوّل غيابك عن اسبوع

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
تجربه


تقـدم الدنيـا لنـا درس ٍ جديـد بـكـل يــوم
والناس تسلم من غثا الدنيا بحفـظ دروسهـا !!
وعلى حسب حفظ المواجيـب وتعاليـم السلـوم
نعـرف مقاسـات البشـر بالمرجلـه ونقوسهـا
صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسهـا
تطرد ورى الدنيـا وتكشـخ بالمواتـر والهـدوم
مثل ( الحريم ) أغلب دراهمهـا علـى ملبوسهـا
والإمعـه والشايـب الكـذّاب وضعيـف العـزوم
ناس ٍ مع العالم بـلا هيبـه تدربـي روسهـا !!
والبخل : خلاّنـه بهايـم !! لا تسـام ولا تسـوم
لا شفتها ترفـع يـدك حمـد وشكـر وتبوسهـا
على الصحن هم أول الجلاّس وآخـر مـن يقـوم
يعيّفك حلـو الاكـل والشـرب طـول جلوسهـا
ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطهـا وكـثـر فلوسـهـا
وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا
واجب عليك إليا حكت عن جملة حكاهـا تشـوم
الهند مـا يـرأس حكومتهـا سـوى هندوسهـا
وربع المصالـح والمجامـل خـوة ٍ ماهيـب دوم
اقولهـا والتجربـه قطـع وريــدي موسـهـا
وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا
وإليا احتمت صكّات بقعا وامست علومـك علـوم
اتلـوّي خششهـا وتجحـد خوّتـك وتدوسـهـا
من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسهـا
أبعد عن الأشكال ذي .. بعد الثرى عـن النجـوم
وش حاجتك في قرب رديـان العـرب ونجوسهـا
ماهوب عيب إليا عزموك تقول يالربع .. معزوم !
العيـب : لارحـت لعزايمهـا وجيـت عروسهـا
وخلّك فطيـن تعلّمـك دنيـاك درس بكـل يـوم
والرجل يسلم من غثا الدنيا بحفـظ دروسهـا !!

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
بحة الشوق


تـعـال اغنيـلـك الـمـوال وغيـابـكللشـوق ( بحـه ) تميـز نبـرة اشعـاري
زهبـت عـذري وردي لاابتـدى عتابـككم لي افكـر شقـول ان قلـت شالطـاري
بقـول مشتـاق للطعنـه مــن اهـدابـكومشتـاق اكثـر لقولـة باخـذ بثـاري !!
وبقـول مليـت مـدري ملـنـي بـابـكمن غبت دونه وقـف عمـري ومشـواري
مغير اسولف لـه اللـي صـار باسبابـكوارمـي عليـه الشقـا والهـم واعـذاري
من غير لا ادري اجي وان قال وش جابك ؟قمت اتساقط علي مـن ( غيمـة افكـاري)
ليـن اتبلـل (( ولـه )) واطيـر اسرابـكوتـروى عصافيـر فرقانـا مـن انهـاري
وارد ميـت عـطـش واقـلـب كتـابـكواقرى حكايـة سـراب ٍ عـذب ازهـاري
شفنـي ذبلـت وطفيـت وجيـت ابحيابـكعمـري دفعتـه ثمـن دربـي ومسيـاري
امـا تخلينـي احـيـا فـيـك وابقـابـكولا تـاكـد وفـاتـي آخــر اخـبـاري
ابك انت مـره طرالـي احـرق اعصابـكطاوعت فكري عليك وجيـت لـك سـاري
فكـرت ابيعـك وابعثـر بالمـدى اطيابـكعقلي نواها وقلبـي قـال انـا ( شـاري )
ورديت احسك بصدري واحسـب احسابـكانـي زرعتـك لقـا وابقطـف اثـمـاري
والـيـوم دام المـسـا تــوه تغـنـابـكاقـررب مدامـك لحـن تشتاقـه اوتـاري
ابعـزفـك للقصـيـد الـلـي تسمـابـكوشب لـك داخـل بحـور الشعـر نـاري
واسمعـك مـا كتبتـه لـيـن ( ينتـابـكغرور ) واسمـع كـلام ٍ عـده اجبـاري
لاصـرت انـا والقلـم والدفتـر احبابـكيحـق لـك لـو تقـول ان الشعـر داري
ما قلتهـا قصـدي انـي اكسـب اعجابـكلكنـي بـهـذي ادري ويــش مـقـداري
الصعب جـذاب وانـت الصعـب يزهابـكوانا علـى الكايـده يـا عاشقـي ضـاري
وان جات للجـد لـه لـذه تـرى غيابـكشف ( بحة الشوق ) كيف تميز اشعاري ؟؟

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]مع السلامه
[فقط الأعضاء المسجلين والمفعلين يمكنهم رؤية الوصلات]لا صـرت بايعنـي .. اشـوفـك عـلـى ..خـيـر
مــع السـلامـه .. دام مــا بـــه سـلامــه ..!
قلت : انتهينا؟ قلت لـك : خيـر يـا طيـر ..!
مـانــي بـــاول شـخــص يـخـسـر ..غـرامــه
مــحــذرك مــــن قـبـلـهـا الــــف ..تـحــذيــر
لا عـفـتـنـي بـيـعـيـف قـلــبــي هـيــامــه..؟؟
مـانـيـب مـيّــت لا ..! ولا احــتــاج تـبـريــر
صــــح الله لـسـانــك .. ووفـــــر ..كــلامـــه
بسمعـك .. حبكـه .. وفـكـره .. ..وتصـويـر
وافــهــم عــــدل يــــا مــدعــي ..بالـفـهـامـه
وجــه الشـعـر ( ابـيـض ) ويحـتـاج تغيـيـر
ودي تـــزيّـــن هـالـقـصـيــده ( عـــلامــــه )
ماضيـك ( الاســود ) بـذكـره دون تقصيـيـر
كــذا يـكـون بـخــد هالـشـعـر .. ( شـامــه )
يـصـدق مـعــي تعـبـيـر .. ويـخــون تعـبـيـر
يـا ضيعـة الشاعـر .. بوقـت انسجـامـه ..!
يـمـكــن خــطــا ادونــــك بـالـشـعـر ؟مــيـــر
لـو مــا احترمـتـك ؟ للـغـرام احتـرامـه ..!!
مــا كــان حـبـك غـيـر بــس طعـنـتـك غـيــر
عـلـمـتـنـي مـعــنــى الــنـــدم ..والــنــدامــه
مــــا جــــاك مــنــي اي زلــــه ..وتـقـصـيـر
كـل مـا خطـيـت اعاتـبـك .. بابتسـامـه ..؟!
حسـبـي عـلـى الـذكـرى اذا هـبــت عـصـيـر
مـــا عــــاد تـنـفــع شـرهـتــي ..والـمـلامــه
البال ( ضامـي ) وقتهـا والحـزن ( بيـر ..)
( خسرتك ) وهمي ( كسبت ) اهتمامـه..!!
والليـل فــازع لــك كــذا !! جـانـي ..مغيـيـر
ظـلـمـتـنـي واكــثـــر ظـلـمـنــي ..ظـــلامـــه
لا اقبـل علـي اوحييـت صــوت ..المسايـيـر
وفـزيــت كـــل ضـيــف ٍ اقــــوم ..بـمـقـامـه
وليـا عـزم هاللـيـل ( ضيـقـه وتفكـيـر ! ..)
قــلّــي بــربــك كــيـــف بــقـــدر انــامـــه ؟؟
مــــا فــيــه داعــــي لـلـعـتــب ولـلـمـعـاذيـر
الغدر ( خال ) الجرح واطيّب ( عمامه ) !!
أمــا يجـيـب الله مـطـر .. تـالـي وخـيــر ..؟
ولا السـلامـه مـــااااش مـامــن سـلامــه !!
[فقط الأعضاء المسجلين والمفعلين يمكنهم رؤية الوصلات]

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
جروح الاماني


إستريـح شـويّ .. واسمعنـي ثوانـي
بعدها مسموح .. قول اللـي تقولـه ..
جيت لك والقلـب ماهـو بالمحانـي !
شف قبل لوصلك سابقنـي وصولـه !!
ووالله ان لو لا الغلا مـا جـاك عانـي
يا بعـد منهـم بكولـه و ضحكولـه ..
عاشقك سـوّاح !! وعيونـك موانـي :
اخذني ّ .. من الحزينه .. للخجولـه !!
أبتسم خلنـي افضفـض لـك عشانـي
الحكي غصن ٍ عجز صوتي يطولـه ..
تعقد احجاجك وتعقـد لـي لسانـي !!
المطر يـا غيـم ضميّـان لهطولـه !!
خاطري مكسـور مـن قسـوة زمانـي
وانت ( كنْك إياااه ) وفعولك فعولـه !!
تعتبرني .. شخـص مغـرور وأنانـي
واعتبرك .. الكون في عرضه وطوله ..
آآه لـوّ تحـسّ بـجـروح الأمـانـي
كان ما تزعـل علـي ّ بهالسهولـه !!
حط ( عمرك ) يابعد ( عمري ) مكاني
وان لقيت قصور ؟؟ قول اللي تقولـه ..
وأنتبـه يـا سيّـد الغـيـد الغـوانـي
التشّـره والمعاتـب لـه أصـولـه ..
لا تساومـنـي ولا تـجـرح كيـانـي
كل شـي ّ إلا ّ الكرامـه والرجولـه !!
::::::::::::::::::::::

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
نهر سكر


[فقط الأعضاء المسجلين والمفعلين يمكنهم رؤية الوصلات]أمسيه واعلام واضـواء وصحافـه
وانـا لاوقفـت مابينـي وبينـي !
اتساقط ضيـق واحبـاط وحسافـه
كني اخنق حلم عمري في يدينـي !
واتسامى فكـر واحسـاس وثقافـه
واكسب التقدير والاعجـاب فينـي
يا طويل الحزن والواقـع خرافـه
كذبةٍ ماهيـب تسلتطـف يقينـي !
ليه مااغنيّـك تحنـان ولطافـه ؟
وانت نبض الروح وانفاس تحكيني
ماتهز الريـح غصـنٍ لارتجافـه
ينكسر صوتي ! وتستاحش يميني !
كل مامر المسـا صـدري وحافـه
قلت له والشمس مشرقها جبينـي :
من مشت رجله على درب السخافه
طاح من عقلي قبل قلبـي وعينـي
الرجل لاصار مابه ديـن : تافـه
والعدو لاصار يعجبنـي : خدينـي
والفشل لاصرت ترضى بالوصافـه
وانـت قـادر تستبـد وتحتوينـي
وكان انا من لاربـط فعلـه بقافـه
جعل تبكيني عيـون اللـي يبينـي
وجه صبـحٍ مـن حيـاه وعفافـه
استحي من طيف زوله لو يجينـي
نهر سكر مـن ضفافـه لاضفافـه
اغنيات الملـح وانشـودة حنينـي
ناسي النسيان !! طبعـه واختلافـه
واصبح اللي راح واللي يحترينـي
عاشقه .. وقف هنا والعمر طافـه
هو متى يرجع وترجع لي سنيني ؟!
الفراق .. شعور من شـدة جفافـه
يبذر عيوني !! ويقطف دمعتيني !!
القلـوب تعـاف طاريـه وتخافـه
يعتريها شئ .. عانـه يعترينـي :
كلبوي طعـون واحـزان وكلافـه
لاانتهاني جـرح الآخـر يبتدينـي
ليت حظي مارمى عمـري خلافـه
ولا ترك لي تمتمة وينه ووينـي ؟!
وليت مابيني وبينـه مـن مسافـه
مثل مابين السهر وجفون عينـي
[فقط الأعضاء المسجلين والمفعلين يمكنهم رؤية الوصلات]

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]اكبر نعم رب العباد
[فقط الأعضاء المسجلين والمفعلين يمكنهم رؤية الوصلات]يـا قـاف لاتزعـل علـي لـو زاد لـومـي حبّتـيـن
شاعـرك ذي ثالـث سـنـه قصيـدتـه مــا قالـهـا
غيّبتهـا عنـي وعـذرك لاحـشـى مـاهـو سمـيـن
سـوق المعانـي سوقهـا واتــرك عـلـي موّالـهـا
محبوبتـي ماهـي بتستاهـل كـذا ! يـا اغلـى خديـن
ان مـا سعـت لـي بالشعـر غصـب ٍ علـي اسعالهـا
الـدّره اللـي لـو يعذربهـا ( جمـوع الحاسـديـن ) ؟
مـا عـذرب عـذوق العنـب غيـر الـذي ماطالهـا !!
مـن عادنـي وسـط المهـد وهـي سقتنـي باليمـيـن
فنـجـال حــب ٍ لا رشفـتـه زاد حــب دلالـهــا
مـرت سنيـن وحبّهـا يكبـر علـى مــر السنـيـن
ونـذر ٍ علـي لامــوت مـاهـزت يــديّ فنجالـهـا
من وين ببدى يا شعر ؟ يا وين بوصل بـك يـا ويـن ؟
وانـا اقتنعـت انـي بقصّـر قـبـل اعــدّ خصالـهـا
الترفـه اللـي زينهـا طـاف وتـعـدى كــل زيــن
مـا تشبـه الا غيـمـة ٍ احـلـى الشـهـد همّالـهـا
الظفـره اللـي بالقسـى تصـمـل ولا يمـكـن تلـيـن
تشهـد لـهـا وقفاتـهـا .. تشـهـد لـهـا افعالـهـا
مجـرّبـه واداحــم التـاريـخ بالجـنـب المـتـيـن
لانـهـا اذا جــت للـكـرم !! متـفـرّده ولحالـهـا
وان قلت منهي ؟ قلت لحظه ! لجل ارفـع لـك ( جبيـن
كـل الحكـي ) و انطـق لـك اسـمٍ شلّتـه واشتالهـا
ذي دار ( اخو مريّم ) عريب الجـد والحصـن الحصيـن
ذي عيـدي اللـي كـل يـوم يـهـل فــيّ هلالـهـا
هـذي الكويـت وخـل فـراغ وحـط بعـده نقطتـيـن
واكـتـب ( عـبـاره ) تعتـبـر وصـيـة ٍ لاجيالـهـا
( اكبـر نِعـم رب العبـاد انــه خلقـنـا مسلمـيـن
وانـه جعـل الكـويـت ديرتـنـا وحـنـا عيالـهـا )
دار السـلام اللـي تحـب انّــا نـكـون مسالمـيـن
لانهـا اذا ضاقـت تعـرف شـلـون فـعـل ارجالـهـا
في كـل صبـح وبحرهـا يحكـي لـك بشـوق وحنيـن
عن هيّـة ( الرقـه ) وكيـف المـوج ( قبّـل ) جالهـا
و ( القصر الاحمر ) علـم الاجيـال وش معنـى عريـن
دامـه يعبـر لـك عـن ( الجهـرا ) وفعـل ابطالـهـا
تاريخ .. والتاريخ يحفـظ .. واسمعـوا يـا الطامعيـن
ذي دارنـا .. وآمالنـا ..واحوالنـا .. مــن حالـهـا
انحبّهـا والطـق مـا ينـفـع بـكـم يــا الميتـيـن
مير اقصروا شر ( العجـوز ) اللـي ( تبـث ارسالهـا )
مهمـا حكيتـوا وابتليتـوا ذي عجيـن و ( ذيّ ) طيـن
يعنـي علـى قـول المثـل : فــال الله ولا فالـهـا !!
مير الله الله بالفلـس يـا اهـل الفلـس يـا المفلسيـن
لا وآخـاسـرة كـدكـم .. والخـيـل مــن خيّالـهـا
وتبقيـن يـا دار السـعـد مـدهـال كــل الطيبـيـن
فـي ظـل مـن لا عقـدوهـا قــال : انــا حلّالـهـا
نعم ( الامير ) ونعم ( الارض ) ونعم يا ( الشعب الامين )
ولاهـنـت يـاقـافٍ تجـمّـل بــي قــدم موّالـهـا
ويالله حـقـق مطلـبـي مــدام هـمـي حاجتـيـن ؟
( اموت مـا جاهـا ضـرر ) وان ( اندفـن برمالهـا )
[فقط الأعضاء المسجلين والمفعلين يمكنهم رؤية الوصلات]

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]اصعب سؤال
[فقط الأعضاء المسجلين والمفعلين يمكنهم رؤية الوصلات]( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :
ان الحيـاه فبعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)
يا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القاف ) سـال
ويا كبرها ساكت ولكـن داخـل اوراقـي بكيـت !!
عمر الحكي ما كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..
الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!
اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!
مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..
يرضيك ما عـادت معـي تفـرق اذا جالـك مجـال
لاني اقتنعت انك نهايه وانـي ببطـي مـا بديـت !!
صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟
تعبـت اعيـش الـدور وافتـح للمعاذيـر الخـيـال
واتخيل انـي جيـت فـي بالـك وبانـك استحيـت!!
وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )
حتى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..
قلي شسوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..
ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!
واذا بـلاك الله وعذبـك اشتياقـك (( بـس تعـال ))
واقرى القصايد في غيابـك كلبوهـا بيـت ... بيـت
بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )
[فقط الأعضاء المسجلين والمفعلين يمكنهم رؤية الوصلات]

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
خيانه احبابي



بـالرغم : من كثـر زلاّتـه وغلطاتـه !
ياطـول بالـي عليـه وياوسـع صـدري
وإن هبّ شعري علـى كـل إتجاهاتـه ؟
ماكنّ فوقي سمـا ولاّ الثـرى حـدري ؟!
أتخيّلـه ساكـت .؟ ويحكـي معاناتـه !
وإن قلت: وشلون صارت؟ قلت لك مدري !
عيونه تسولف !! وتشرح لـي سكاتـه ؟
وياحيّ رقة سوالـف رمشـه الخـدري !؟
بس علّمه كان مـا راجـع حساباتـه ؟؟
تراي حاسب حساب الدمع مـن بـدري !!
خيانة أحبابـي ، و وقتـي ، وطعناتـه !
لـو نزّلـت دمعتـي مانقصّـت قـدري ؟
ولا صار ناوي علـى فراقـي وحياتـه ؟
ما عاد تلمح عيونـي وجهـه البـدري !!
انـا ؟ عرفـت الولـه مـن قـلّ جياتـه
وجايز يعرف الوفا لا حسّ في غـدري ..

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
طمني عليك


يا الغايب اللي غابت سنيني معـاك
يا جعل ما جاني من الفرقـا يجيـك
استغفر الله !! جعل ماجانـي فـداك
حتى لو ان نهايتي .. على يدييـك!
مسامحك .. واللي بقوله فـي قفـاك
خيرك كثير .. ويرحم الله والديـك
ماصار شي ابلا رضاي الا رضاك
اللي ماهو فيني وابيه القـاه فيـك!
كنت السما في عيني وعيني سمـاك
كانت حياتـي كلهـا منـك واليـك
كنت بيديني مير مدري من خـذاك
حسبي على تقصيري وحسبي عليك
علمتني.. وش الحياه مـن الهـلاك
في موادعك هذا وفي جيّتـك ذيـك
ياكيف ابلقى شخص يسواني سـواك
كل مانويت انهيك في شخص ابتديك!
أبـدى أقـارن مستـواه بمستـواك
واخاف لاتزعل وابيعـه واشتريـك
والمشكله : رغم محبتـك وغـلاك
واني رغم كل شيّ مشتـاق وابيـك
ما هوب من حقي يضايقني جفـاك
ولااعشقك ولاالمحك ولااحتريـك!!
لكن ما يخفانـي ولا اظـن يخفـاك
حقي عليك .. انّك تطمنّي عليـك!!

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
كذبك والغرام



اللـي مثلـك يـا حبيبـي مـا يـلام !
قوم وانسى الدمع .. وانساني معـه !!

لا تحاتي الليـل ! ودعنـي .. ونـااام
السهر مـا هـو بضيـق الا سعـه ؟؟

خلّنـي مابيـن كـذبـك !! والـغـرام
بنثـره وآخـر طموحـي اجمـعـه ..

بك ( ختمت المسك ) يا ( مسك الختام )
واحفظ ( اغلى ) بيت وانسى ( مطلعه )

( شاعرك ) لا شحّ صوتـه بالكـلام ؟
ناظـر عيونـه كـلامـه تسمـعـه !!

مـا ورى هـاك الطعـون الا الخصـام
ومـاورى وصلـك وقربـك منفعـه ..

عدّني مـا كنـت وانسانـي .. مـدام
الفراق اصبح : ( جهاتي الاربعـه ! )

خابـرك حسّـاس وتخـاف الزحـام !
خـاف قلـب ٍ بـه همـوم مجمعـه !!

إعتـقـه لله !! واتـركـه بـســلام
ما بقى بـه عـرق تقـدر تقطعـه ؟!

ضامي واطرد سرابك ( نصـف عـام )
حالتـي حالـه ! واجامـل واتبعـه ..

كل ما طـاح ( الامـل ) شلتـه وقـام
لين طحت ! ولا لقـى مـن يرفعـه ؟!

غلطتـي كنـت انتظـر منـك اهتمـام
وغلطتك ( بُعدي ) ثمنها و ( ادفعـه )

لا تقـول البُعـد والفرقـا حــرام ؟؟
الحرام : اعطيك ( عمـر ) تضيّعـه !!

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
وجة نظر شاعرنا



مـرات احـس القصـيـد بــدم شريـانـي
يضخّـه القلـب ليـن يقـولـه لسـانـي . !
وانـي كتبـت الغـريـب الـراقـي الـنـادر
وانـه خلاصـة علـوم الفكـر الانسانـي . !
ومـرات احسّـه شـي لا يمـكـن آصـلـه
وان الصحافـه .. مجـرد مـدح مجانـي . !
واني ليا من قريـت ( لعافـت ) و ( مدغـم )
زهـدت فيمـا كتبـت وشابـت الحـانـي . !
لكّـن واللـي خلقنـي غيـر عـن غـيـري
إنـي أحبّـه واعـده ثـالـث اخـوانـي . !
لـذا يـا شعّـار جيـل ( الكـل متمـكـن )
والكـل مبـدع .. و متميـز .. و فنانـي . !
أخـذو حقيقـة مشـاعـر شـاعـر ٍ منـكـم
* وجهة نظر * والصراحه .. نبض قيفاني . !
المسـألـه كلـهـا .. فـكــره وقـافـيّـه
وأبيـات مسموعـه مـن فـلان و فلانـي . !
نفس العتب .. و الغزل .. واللي قبـل افضـل
ونفس الفخر .. و اطيّب العربان .. عرباني . !
نـقـول شــي ٍ يقـولـه غيـرنـا لـكـن
الفـرق بالحبكـه .. و توقيـت الازمانـي . !
يعنـي بـلاش انتظاهـر ( بالأنـا ) واجــد
ما فيه ( ابو الطيب ) ولابـه ( لويحانـي ) . !
مانـي بعمـم !! ولكـن اغـلـب الاغـلـب
مستشعر .. مهايطـي خلقـه .. وقومانـي . !
لـو انــه يعـاتـب الرعبـوبـه الحـلـوه
يقـول ياطيـب ابـوي وطيـب جـدانـي . !
ومـدام هـذي حقيـقـة وضعـنـا الـراهـن
يمكـن مـع الوقـت رب البيـت يبلانـي . !
فـإن كـان شفتـوا اهياطـي يـا جماهيـري
تجاهلـوا كـل اشرطتـي .. و ديـوانـي . !
خلونـي احــس فــي قيـمـة تواجـدكـم
واتعـب علـى ذوقكـم كـان الله احيانـي . !
لكـم علـيّ اقلـب الدنـيـا عـلـى شـانـه
والـي عليكـم تحبونـه عـلـى شـانـي . !
وعلـى العمـوم الغريـب احساسـي الليـلـه
ماهـوب باحساسـي ان فارقـت شيبانـي . !
عوايـدي لا تركـت ديـار ( اخـو مريـم )
أشعر بضيقـه واحـس الشـوق أضنانـي . !
لكـنـي الـيـوم كـنـي جـالـس فبيـتـي
مابين ربعي .. و خلانـي .. و صدقانـي . !
فيا أمـا * الكويـت * موجـوده هنـا معنـا
يا أما دار الخفوق ديـار * ابـن ثانـي * . !
أحبّهـا مـن قبـل لاجيهـا وامــوت بـهـا
واحسّهـا غيييـر فـي فكـري ووجدانـي . !
واللـي مــزوّد غـلاهـا شعبـهـا كـنـه
يعـطّـر الارض كمـبـودي وريحـانـي . !
من كثر ماهـو ودود .. و سمـح .. و يقـدّر
ماكنـي بضيـف كـن الشعـب ضيفانـي . !
والــدار تـبـارك الرحـمـن مـــا شالله
دره وفيهـا الجمـال اشـكـال والـوانـي . !
هنـا التطـور صحـيـح بكلـبـوا حـاجـه
رياضي .. و فكري .. و فني .. و عمراني . !
الله يبـيـض وجـيـه شـيـوخ ديـرتـكـم
يشهـد لهـم قاصـي العربـان والـدانـي . !
في ضـل قايـد مسيرتكـم * ابـو مشعـل *
و عياله .. و عزوتـه ذربيـن الايمانـي . !
امجادكـم مـا هــي بسهـلـه و حــي الله
لا والله الا بـحـد السـيـف شـامـانـي . !
ويكفيكـم مـن المآثـر .. موقـف الخفـجـي
يـوم الجمـوع اتداحـم فعلـكـم بـانـي . !
وعمـار يـا ديــرة التـاريـخ والطيـبـه
في ضل شيخك ( حمد ) وامجاد ابن ثانـي .

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
مختلف



مـرات احـس القصـيـد بــدم شريـانـي
يضخّـه القلـب ليـن يقـولـه لسـانـي . !
وانـي كتبـت الغـريـب الـراقـي الـنـادر
وانـه خلاصـة علـوم الفكـر الانسانـي . !
ومـرات احسّـه شـي لا يمـكـن آصـلـه
وان الصحافـه .. مجـرد مـدح مجانـي . !
واني ليا من قريـت ( لعافـت ) و ( مدغـم )
زهـدت فيمـا كتبـت وشابـت الحـانـي . !
لكّـن واللـي خلقنـي غيـر عـن غـيـري
إنـي أحبّـه واعـده ثـالـث اخـوانـي . !
لـذا يـا شعّـار جيـل ( الكـل متمـكـن )
والكـل مبـدع .. و متميـز .. و فنانـي . !
أخـذو حقيقـة مشـاعـر شـاعـر ٍ منـكـم
* وجهة نظر * والصراحه .. نبض قيفاني . !
المسـألـه كلـهـا .. فـكــره وقـافـيّـه
وأبيـات مسموعـه مـن فـلان و فلانـي . !
نفس العتب .. و الغزل .. واللي قبـل افضـل
ونفس الفخر .. و اطيّب العربان .. عرباني . !
نـقـول شــي ٍ يقـولـه غيـرنـا لـكـن
الفـرق بالحبكـه .. و توقيـت الازمانـي . !
يعنـي بـلاش انتظاهـر ( بالأنـا ) واجــد
ما فيه ( ابو الطيب ) ولابـه ( لويحانـي ) . !
مانـي بعمـم !! ولكـن اغـلـب الاغـلـب
مستشعر .. مهايطـي خلقـه .. وقومانـي . !
لـو انــه يعـاتـب الرعبـوبـه الحـلـوه
يقـول ياطيـب ابـوي وطيـب جـدانـي . !
ومـدام هـذي حقيـقـة وضعـنـا الـراهـن
يمكـن مـع الوقـت رب البيـت يبلانـي . !
فـإن كـان شفتـوا اهياطـي يـا جماهيـري
تجاهلـوا كـل اشرطتـي .. و ديـوانـي . !
خلونـي احــس فــي قيـمـة تواجـدكـم
واتعـب علـى ذوقكـم كـان الله احيانـي . !
لكـم علـيّ اقلـب الدنـيـا عـلـى شـانـه
والـي عليكـم تحبونـه عـلـى شـانـي . !
وعلـى العمـوم الغريـب احساسـي الليـلـه
ماهـوب باحساسـي ان فارقـت شيبانـي . !
عوايـدي لا تركـت ديـار ( اخـو مريـم )
أشعر بضيقـه واحـس الشـوق أضنانـي . !
لكـنـي الـيـوم كـنـي جـالـس فبيـتـي
مابين ربعي .. و خلانـي .. و صدقانـي . !
فيا أمـا * الكويـت * موجـوده هنـا معنـا
يا أما دار الخفوق ديـار * ابـن ثانـي * . !
أحبّهـا مـن قبـل لاجيهـا وامــوت بـهـا
واحسّهـا غيييـر فـي فكـري ووجدانـي . !
واللـي مــزوّد غـلاهـا شعبـهـا كـنـه
يعـطّـر الارض كمـبـودي وريحـانـي . !
من كثر ماهـو ودود .. و سمـح .. و يقـدّر
ماكنـي بضيـف كـن الشعـب ضيفانـي . !
والــدار تـبـارك الرحـمـن مـــا شالله
دره وفيهـا الجمـال اشـكـال والـوانـي . !
هنـا التطـور صحـيـح بكلـبـوا حـاجـه
رياضي .. و فكري .. و فني .. و عمراني . !
الله يبـيـض وجـيـه شـيـوخ ديـرتـكـم
يشهـد لهـم قاصـي العربـان والـدانـي . !
في ضـل قايـد مسيرتكـم * ابـو مشعـل *
و عياله .. و عزوتـه ذربيـن الايمانـي . !
امجادكـم مـا هــي بسهـلـه و حــي الله
لا والله الا بـحـد السـيـف شـامـانـي . !
ويكفيكـم مـن المآثـر .. موقـف الخفـجـي
يـوم الجمـوع اتداحـم فعلـكـم بـانـي . !
وعمـار يـا ديــرة التـاريـخ والطيـبـه
في ضل شيخك ( حمد ) وامجاد ابن ثانـي .

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
احزن الفرح


يا كبر ذنب السؤال .. ويا ثقل دم الاجابه !!
لا انتهى حبك وصدرك مختنق بحروف (( ليه )) ؟؟


وقتها كن خافقك ( جالي ) وحزنك ( شيخ لابه )
اتصـــدّد .. لكن الدنيا تحـدك.. تنتخيه ..!!


يا رفيق الهم .. علمني اذا عيني ربابه .!
منهو يسمع نزفها لامن نظرها ويحكيه ؟؟


بسئلك بالله قلي : عن شقا الدرب وسرابه
كيف علقني بكذبة .. (( باكر اوصل وارتويه !! ))


لو فقلب الليل رحمه ما فتح للجفن بابه :
وعشمه في حب نجمه .. يدري انها ما تبيه !!


ولو يضيق الكون بالطعنات تلقى بي رحابه
لا تعكر بال خنجر .. تركض ظلوعي تجيه !!


لا يشيل الهم ( همه ) دام تجمعه القرابه
في صدر شاااعر يعده : واحدٍ منـه و فيه ..!!


له علي .. دامه يبيني ما اخونه في غيابه
كان ما جالي اجي له .. يحتويني واحتويه ..!!


ولي عليه .. انه ما ينساني ويصفطلي عذابه
ولا يعرضني لضحكٍ صدق ما عاد اشتهيه ..!!


اقسى من حزني وهمي الفرح حضرة جنابه !!
لا طرى ما يطري الا.. منهو عرفني عليه ..!!


ذاك من يحكي على عيني وتقنع باغترابه
لجل تعتق صورةٍ فيني سجنت كل الوجيه ؟!


غايتي ( فرح الحزن ) لا ينكسر بالقلب نابه
وخوفي لا ( حزن الفرح ) يخنق لي انفاسي بيديه !!


من ورى قلبي رسمتك غيم يحكي بوح غابه
كل غصنٍ منحني فيها يمدله راحتيه .؟


هاك صدري شوف بعيونك متاهات الغلابه
في شوارع هالحنايا كم متشرد نزيه ؟؟


لا قبل عطف السنين .. ولا رضى بسلم الذيابه
ما سئل كود الاماني .. يا الاماني جاوبيه ..!!


ويش اقول وويش اخلي .. والبلاوي ما تشابه
غير لا قالت في قلبي لا حشى مالي شبيه !!


ليت في وجه الزمن (( ذرة حيا )) واحسب احسابه
احشمه لجل يحشمني .. دون شي ٍ أحتريه ..!!


وليت شعري ما يخيّب هقوة اللي قد هقابه
لا تولّج هاليمين وصحت فيهااا اكتبيه .!!.


وليت دربي لا نثنت رجلي يقدرني ترابه
كان وربي ما احاتي قولت : ( ازرى ينتهيه ) ..!!


بعدها بذيّل اسمي بآخر دموع الكتابه
دام كل بيت بقصيدي شال دمعة ما يليه !!


هذا انا يا صاحبي حلمي الاقي لي اجابه
لا انفجر صدري وضاقت دنيتي بحروف (( ليه )) !!

::::::::::::::::::::::

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
تنهيد ناي


[فقط الأعضاء المسجلين والمفعلين يمكنهم رؤية الوصلات]جمّـع اللـي ودك تقولـه وبعثرنـي عتـب
الملامه شـي عـادي دامهـا منـك وجـاي
أنت تامر وأنا ألبي مـا تبـي بليّـا سبـب
بس كان لجيّتي خاطـر تلبـي لـي رجـاي
رجوتي لا تلحق اعيونـك مشاريـه الهـدب
لا تضايقـه بدموعـك والتفاتتـك وخطـاي
كل شي الا دموعك واعرف انك من شطـب
صفحة الطيش بحياتي وابتدا صفحة شقـاي
سق فديتك كل ما تملك من جنون وغضـب
وابشر بصدرٍ يضمك حيـل دام انـك هـواي
ولا رويت عتاب ناظرني وقل طاح الحطـب
واسأل شرايك وابنسج لك من الأعمـاق راي
باتناثر لك رضا واحساس صادق مـا كـذب
وأنت رتّبني على كيفك وشكلنـي برضـاي
وان تلعثم حضورك ثم نطّقنـي لـك تعـب
حاول انك تسمع أشواقي وسط تنهيـد نـاي
اسمع دموعه وقرّب لـي وقـرّب وأقتـرب
واسألأ عيوني عن طيوفك وقصتهـا معـاي
كيف كانت في غيابك فجأه تطري واغتـرب
اركض لمنفى خيالي وارمـي الواقـع وراي
اوجدك ما بيني وبيني واسولف لك واشـب
ليلة حضورك قصايد تشتكي لك مـن عنـاي
آآآه لا منه بزغ فجـر الحقيقـه وانسحـب
طيفك اللي ساكن عيوني وضاقت بي سماي
وقتها ليتك تحس شعور من حظـه ضـرب
آخر آماله بعـرض الهـم والوحـده مـداي
اكتشف وشلون يموت الصوت برماح الطرب
لحظةٍ جيـت أتغنـا بـك وعاندنـي غنـاي
واكتشف كيف السهل فجأه يتحول لي صعب
لا نويت ابكيك ثـم أزريـت القابـي بكـاي
أقسم بربي وربك فينـي احسـاسٍ غصـب
كل كلي في غيابـك ينجـذب لـك ياهنـاي
ما نسيتك لو نسى التاريـخ أمجـاد العـرب
وما تركتك الا بين ضلوع صدري وبحشـاي
لأنك أكبر من غلا الشاعر لآخـر مـا كتـب
ولأنك أقرب لي من سكوتي اذا عانق شفـاي
ولأنك أول من تمكن بـي وعلمنـي أحـب
ولأنك الشخص الوحيد اللي يجي في مستواي
صاحبي جمع كلامـك ثـم بعثرنـي عتـب
والله أن كل شي عادي لا غدى منك وجـاي
[فقط الأعضاء المسجلين والمفعلين يمكنهم رؤية الوصلات]

[صمت المشاعر لشاعر]

[فقط الأعضاء المسجلين والمفعلين يمكنهم رؤية الوصلات]
الضيق



ياللي تحد قلبي علـى أقصـاه
ماعاد بي حيله على الضيـق
وقت الردى كل شـي سـوّاه
رخومـه تــذم المطالـيـق
ماعاد اطيـق الهـم وأقـواه
شلت بشبابي فوق مـا اطيـق
ذي آخـر أحوالـي وطـرّاه
يومك تقول إن كنـي طويـق
إيـه والله إن فينـي مزايـاه
وإن بينـي وبينـه مواثـيـق
بس صاحبـك ماجـاه كفّـاه
مليت من قولة (( توافيق )) !!
حتى الشعر شكلـي أبظمـاه
ماعـاد تغـري بلّـة الريـق
كانـت معاليـقـي تمـنّـاه
واليوم !! هو جرح المعاليـق
يطري علـي واقـول عـزاه
يانشـوة الفرحـه ابتصفيـق
واطري عليه ان تاهت اخطاه
يلمحنـي بـروس الشواهيـق
حتيـش لـو إنّـا حشمـنـاه
ماتـردع الحشمـه مطافيـق
في ذا الزمـن ماتـت بقايـاه
روح امسح دموع الطواريـق
غنّى لك اللي متعـب اغنـاه
لاجـر صوتـه همّـه يفيـق
لايكتب الضحـك ولا يقـراه
كنه لحـزن القـاف عشّيـق
بتصدق شعوري !! أو إنسـاه
بصرك ترى ما احتاج تصديق
قد قلت لك واوصيتك وصـاه
لاتنبش جروح المخاليـق !!
هالقلب لاتحده علـى أقصـاه
مالك ومال الهم والضيـق !؟

[صمت المشاعر لشاعر]

والختام اتمنى لكم قرائه ممتعه مع الشاعر الممتع محمد جار الله السهلي
واقدم هذا الديوان كهديه رمزيه
الى
الاداره
والمراقبين
والمشرفين
والاعضاء
واخيرا الزوار
دمتم
اخوك صمت المشاعر لشاعر

[خمائل التوليب]

ابدعت يالغالي






/*/محمدجارالله السهلي/*/




انه من اروع مارات عيني وسمعت اذناي







الله يسلم دياتك على هالنقل الرائع








بس لوتسمحلي







حبيت اضيف شي احبه له










وهي من روائع السهلي







ليت الي حيله






ليت الي حيله واجي واحتال بك



وليت ماقلت بحياتي ليتني

يابري حالي ليامن مال بك



بالتغنج والدلع لاجيتني



دوم احس انه نعاسك غالبك


معني رموشك واناعنيتني


بس ذي المره ماطاب الفال بك


جيت والدرب الجفاحديتني


لكن اسمع هالشعروش قال بك

دام صبت اللي تبي واخطيتني



يالغلاحقك ولاني سالبك


ابسط حقوقك ولومليتني

شوف عيني يوم دمعي سال بك

ضمتك حتى ولوابكيتني

وانت رغم اني شغلت البال بك

سلت مع دمعك ولاضميتني

كان به شي علياقالبك

باطلبك حاجه اذاخليتني


لانويت تحب غيري طالبك

لاتحبه كثرماحبيتني........




/*/لاتحبه كثرماحبيتني/*/







كلي رجاءان تتقبل مروري الدائم





لكل ماتخطه يدااااااك





الله يقويك وتتحفنااكثر



الله يعطيك العافيه اكيدتعبت وانت تكتب





صح لسانك ولسان




/*/محمدجارالله السهلي/*/









لك مودتي واعجابي







/*/خمائل التوليب/*/

[صمت المشاعر لشاعر]

مشكوره يالغلا على مرورك
ومشاركتي الديوان
اكيد لي الشرف بمرورك
دمتي بهذا العطاء