المساعد الشخصي الرقمي

مشاهدة النسخة كاملة : قصيدة عشرة شروط لشاعر مرزوق الثبيتي


الحب المستحيل
2010-02-28, 08:39 PM
السلام عليكم

وش الحال عساكم بخير ونعمه

********""

حبيت انقل لكم هذي القصيده الرائعه للشاعر مرزوق الثبيتي

وهي تجي على القناه الرائعه الصحراء بلحن واداء من الرائع سعود الدلبحي
((( مشاء الله عليه وعلى صوته )))

كان ودي انقلها لكم بالصوت لكن ما طاعني للاسف
لكن بعطيكم القصيده مكتوبه وانشاء الله انها تعجبكم

********************

(عشرة شروط)


خابرك تبيني وأنـا مثلـك أبيـك
من بعد ما دار الزمـان ولقيتـك
يا صاحبي ما عاد لي رغبة فيـك
أبيك تنساني مثـل مـا نسيتـك
وان كان ودك في مواصل محاكيك
اجـل بـلاش اللفلفـة لا بكيتـك
عشرة شروط إن كان تبغاني أجيك
حتى يعـود قلـب مغليـك بيتـك
أبيك ترضينـي وتتـرك تغليـك
وأبيك تعطيني مثل مـا عطيتـك
وأبيك تفرح بي ليا جيت ناصيـك
يعني تفز وتنتهـض لا نصيتـك
وأبيك تنسى كل من كان شاريـك
مادام أنا بدموع عينـي شريتـك
وأبيك تعرف قدرك بقلب مغليـك
وأبيك قد الهقـوه اللـي هقيتـك
وأبيك تتنـازل وتتـرك تحديـك
وأبيك خطـن لا كتبتـك قريتـك
وأبيك تنسينـي دروب التهاليـك
يا دربي اللي تهت فيك ومشيتـك
هذي شروطي كان تبغاني اجيـك
هذا بعد يا صاحبـي كـان جيتـك


تحيااتي :msn-wink:
********************

رهين الشوق
2010-02-28, 08:58 PM
قصيده رائــعه

من شاعر مبدع ..

وناقل مميز وله ذائقه شعريه ..

ربي يحفظك .

الحب المستحيل
2010-02-28, 09:43 PM
رد رائع بروعتك
الله لايحرمني من هالتواجد الرائع

صمت المشاعر لشاعر
2010-03-02, 10:13 PM
الحب المستحيل
تسلم لي يمينك ع الطرح الراقي
والذوق الاروع
دمت ودام عطائك
تقبل مروري
صمت

الحب المستحيل
2010-03-04, 02:16 AM
الله يسلمك يالغلا الاروع تواجدك

نبضات مشتاقه
2010-03-05, 08:12 PM
يسلمو على الطرح المتميز والرائع يعطيك الف الف عافيه يارب

الحب المستحيل
2010-03-23, 02:07 AM
الاروع تواجدك غلاي
الله لايحرمني هالطله الحلوه