غبار الـ فقد خانقني !

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]

بلبلة :

طلّ الـ شتا من شُرفة الـ وقت وأمسيت ,
أجمع حطب : ذكرى , حنين , ومواجع !

حتّى ليا هبّت جروحي : تدفّيييييت ,
وأشعلت حزني دون أيّة تراجع !

بيتك وأنا والـ ضيق :


مَـ بين أحلامي ورغبة أبيك وأمنيات الـ طيش،
وصلت ب لهفتي عندك ولا دقيت لك بابك !

أخاف إن لامست يدّي خشبة يصيح لي ب شويش:
رحل ماعاد يفتحني ترى كله .. من أسبابك !

وأجمّع مابقى مني «ضياعي ، دمعتي مع ليش»؟!
وأقول اللي أخذ وصلك مصيره يتلف أعصابك ،

تعال : الحق قبل طيرك ينتّف مابقى من ريش ،
تعال : انشر دفا صوتك سكينة واعتق غيابك !

تعال: ابذرني بِ يدينك وصال , وضحكة , وتطنيش ،
كِسَت ْوجهي تجاعيد الـ حزن وأسرفت بـ عتابك ..

يحاصرني بَرِدْ بُعْدك وأحسّ بـ داخلي تشويش ..
ضياع , وفلسفة ضيقة , وصمْتٍ ملّ يغتابك !

تصدّق صاح لي بيتك: أردد إيش والا إيش؟!
غبار الـ فقْد يخنقني مُصيبة هَجْر أحبابك ،

نقره على هذا الشريط لعرض الصورة بالمقاس الحقيقي

رحلت وماشكرتك :

انتظرتك بين دقّات الـ ثواني ,
لين مرّ الوقت كلّه واحتضرتك !

كنت اداري لهفتي فيك ب أغاني ,
حتّى ملّت مني وبلحظة : عبرتك !

في عيونك شفت طيف إنسان ثاني ..
في جبينك كان يَكتبه .. ونثرتك !

بحرك اللي فوق شِطّآنك رماني ,
موجه الغدّار خَذْني ثم خسرتك !

شوف كم مرة شريتك يا أناني !
شوف كم مرة تخلّيت وعذرتك !

للضياع أرخيت حبلي والأماني ..
ماحسبت حساب كم لحظه سهرتك ؟!

كم أحبّك ماتت ب طارف لساني !
كم أبيك تلبّست عيني وصبرتك !

كلّ حاجة مرّت ف بالي : تعاني ,
صوتك الـ محبوس فيني به ذكرتك !

ماجمعتك لـ أجل أجبر بك كياني ..
كنت أجمّع مابقى مِنْك : وقبرتك !

يـ الأمان اللي نكرني في زماني ..
العذر منّك رحلت وماشكرتك !

[/ALIGN][/CELL][/TABLETEXT][/ALIGN]

-





شكرٌ مُرتل ل طرحكك ..
وآمتنآن مُعطر ..
.}