آه لوتدري

ملل و فراق مـع ( .. غربـة .. )
كتابات و ورق أصفر
و نـاس همهـا تجامل بلا مبـدأ
و مشـاعر فيني مكتأبـة تبي مـرسى
غريبـة حيل هالدنيـا
نسايرهـا غصب عنـا
و فينـا حزننا مخيـّر
علينـا احنا .. أو .. علينا احنا


مشتاق صـدقني لعطفـك و راجيـك
أرجـوك .. لا تكسـر عيوني بفرقـاك
رغبـة طفـل كلي يحبـك و يغليـك
كنـك حنـان الأم و الجنـة رضاك
يـا شيـخ ما هو هيـن أنسـى و أخليـك
يلعـن أبو العشـرة إذا القلب ينسـاك



فـديت وقـتن حط في دربـي حبيب
واحـدن يضحـك معي و أضحـك معـه
واحـدن لا صـار وسط القلـب ضيـق
بـالسوالف و المـزايح وسعـه
و ان حكـى بـأسلوبه العذب الـرقيق
يسـرق من الجوف قلبـن يسمعـه



جيتـك ومـا أدري مـن الأول وصـل !!
هـو أنـا و لا أنت و إلا إحنـا جميـع
ميـن جاوب يـا حبيبي ميـن سـأل
ميـن مسك ومـض السعـادة لا يضيـع



هـويتـك
كـن حب الكـون كـاس منتثـر فيني
هويتـك
كـن هالخلـق أورثت قلبـي مشـاعرها
هويتـك
و السـؤال احتـار ما بيني و بينـي
ابسـأل لا .. ابسكـت عند أحـلامي و أبعثرهـا



أبـي أرسل رسالة حـب
لقلب أغلى و أعز إنسان
أبـي كل المشاعـر داخلـي عنـده أوديهـا
أبـي شخص ملك قلبي ملك بي صادق الـوجدان
ملك روحـي
ملك عقلـي
ملكني بكل معانيهـا
يعرف إنـه سكن قلبي ولـه في داخله أوطـان
ولـه عيني
ولـه عقلي
ولـه دنيـاي ومافيهـا



آهـ لـو تدري بـ قلبي وش يقـول !!
يـوم تقطع خطوتك حبـل الوصـال
تشهـق أنفاسي و يملكني الذهـول
وتنرسم فـي نظرتي كلمة تعـال



تخيل يـوم عانقني خيـالك خـاطري وش قـال!!
تخيـل قبل اسـولف سألني عنـك وجـداني ..
سألني ليه خلاني .. مدينه هـزهـا زلزال !!
تخيل ماهدا حتى لقـاك .. بوسط شرايني



.. ( تعـــال ) ..
اصغت لك الروح .. مفتونة .. وتهمس لك " تعــال "
عـلّ الأمانـي بتغريـدك تجـي علّـهـا !
تشـوف
هالروح جـات ... ولا تحـط احتمـال
مـادام فيـك احتمـالات الهـوى كلّهـا ..!!



البـلى ما هــو بطعنات الذي صـدر طعونه
اهـون لقلبي يصـدرها و لا يطعن خفــا
البـلى في طعنـة اللي تحلف بصدقه عيـونه
يفتح يدينـه بيحضني ... و يطعنها قفــا



سمـا عمـري
مطـر أسـود و صـوت الحـزن فيـه رعـود
ظـلام الهـم مـا يرحم دروبي و طـول رحـلاتي
خسـرت أغلى سنيـن العمـر أدور بعضـي المفقـود
بقـى لـي حلمـي المسكيـن و بعض أجمـل عباراتـي



اعشـقيني [ طفل ] من صغره يعاني
شافك و غنى من الفرحه نشيده
واحضنيني حيل .. واهمس لك " عشاني "
كوني من قمة انفاسك قصيــدة



أشبهـك بصبـاحي / مغـربي يا صعـب تحديـدك
مـا دامك شمـس تطـلع في سمـاي
مـالهـا مغرب
أحبـك مـن [ شتـاي ] الـي ترمد في مواقيـدك
و عمـر ولعت كـف الليـالي نـار به و اشتـب



أبيك تذكرنـي لـي صرت تعبـان ..
ترمـي لـي الحمل الثقيل و اضمه ..
ابـي اكـون النوم لاصرت نعسـان ..
و حضن الحنان لقلب مشتاق لأمـه ..
أنا قلبي لك حيــــل ولهان ..
شوق " اليتيم " الي فقد من يلمه . .



حبيبـي يـا نظر عينـي ..
غصـب عنك ترى تنحـب
عيـونك ، بسمتـك .. تجـذب
و تبعـد كـل علاتـي
فـداك الروح يـا روحي
وعيني و العمـر و القلب
طلبتـك و أطلبك لو يوم
لا تهجـر محطاتي



عطنـي وعد انك معـي طول الأيـام
و اعطيـك عهد انـك حياتي و ذاتي
اخـاف تتعبنـي معك و ارسـم احلام
و القـاك بكرة صـرت من ذكرياتي !!



قـالت : وش الي تغيـر في حيـاتك حبيبي .!
قـال : يكفي حسيت اني انسـان عايش من أجـل انسانة
قـالت : و أنا حياتـي قبلك صفر
و الحيـن احسهـا مليانة



توارت كـل رايات الوفـا الي كنت أفاخر به
سخافات الزمن رزت بيارقهـا على انقاضي
لقيت النفـس تدفعني أودع مسـرح الغربـة
و أفتش في همـوم اليوم و أطوي صفحـة الماضي



هـلا بأشهـى ربيع من غصونك لا عنـاقيدك
تقـول ان الغصـون من الخجل عنقودهـا معشب
لعمـري ماني بوحدي بنيرانك بتسهيـدك
و لكنـي قدرت أغسل عيونك كلهـا بالحب


هي مسـألة وقت بس و تفهـم احساسي
انـي على شـان حبك اطلب فراقـك
لا تفكـر ان العواذل لعبـوا براسي
مازلت احبـك لقى و فراق و اشتـاق لك
ما ودي تشوف عينك طبعـي القاسي
أو ضعفي الـي يدور لحظة اشفاقك



عشـق تمـلاه الظنون / و حـب صدقه مستعـار
عاشق جفت شفاهه و الحنـايا ممطـرة
يستحي يخجـل يظن و يحسـب ان الحب عـار !
و دفترهـ خزنة سنينه من عبيـر المحبرة



انـت و أنـا
تجمعنـا المدينة و الهـوى
تضمنـي لصدرك و أجيبك
عطشانة لامطـار الولـه
مشتاقـه لعيون البحـر
و ايدي بيـدك كلي أمـان
ايدي بيـديك نصعـد سلالم لـ القمـر
و نوصـل أطراف السمـاء
ايدي بيدك ، تضمنـي لصدرك و اتـوهـ
انـت و أنـا
نجلس على كرسي سحـاب
ما يضمنـا الا ( أنت و أنـا)

لغتك هي التي كانت تحملنا
الى مواطن الجمال حيث هي روحك


كوني بخير

شكرا لحضورك