سألني عن غلاك الشوق وجاوبه الوله أهواه

سألني عن غلاك الشوق وجاوبه الوله أهواه

وأكد خافقي ياشوق أنا بالحيل مجنونه..

كثر مامرني طيفه وصاح الشوق بي أواه

كثر ماتسهر عيوني تناجي الليل لعيونه..

أحبه تشهد حروفي وشعرٍ واضحٍ معناه

أحبه كيف ما ادري وروحي فيه مفتونه..

ألاياشوق لو تدري بحبٍ خافقي أخفاه

عن عيون العرب خايف يوصل سمع مضنونه..

تصدق لو أبحكيلك عن احساس الهوى ومعناه

تهزك دمعة عيوني وجرح القلب وطعونه..

أنا ياشوق يذبحني حنيني والوله وياه

ولو غاب الغلا ياشوق أشوف الموت من دونه..

أحس النار تحرقني ألامن جاب احد طرياه

بصمت أتنهد بسري عن العذال يوحونه..

أخاف إليا درى عاذل عن اللي بالحشى أرعاه

يبّعد بيني وبينه واموت بنار مغبونه..

أضم السر في قلبي ولامن جا يبوح أنهاه

وخوفي لا يثورالشوق ويفضي القلب مكنونه..

صح لسسسانك ..

تسلم يديك يالغلا

يسلمو يعطيك الف عافية

يسلموووو الله يعطيك العافيه

فطوؤومه ..
سلمت آنآإملك .~