أكذب عليك

اكذب عليك ان كاني قلت ناسيك ياخفوق
والا بعد حاولت ياروحي انساك
تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و أسلاك
ماتدري إني هايم وميت فيك
ماتدري ان غايه سروري رضاك
اغليك من قلبي ومن روحي اغليك
وافراح عمري تكتمل في ملقاك
كلك حلى سبحان منهو مسويك
يا مجملك في عين قلبي ومحلاك
وزود على حسنك طبوع (ن) تحليكـ
تفرقك عن هذا وهذا وذاك
يكفيك مني يا هوى البال يكفيك
اني محال انساك لو قلت بنساك

حروف جميله
وصح ذوقك بالانتقاء الراقي
وبشوق دائما لجديدك النثري

روعه سلمت يمناك على هذا الطرح وفي انتظار
جديدك في كل شوق ودمتي في حفظ الله
ورعايته تقبلي خالص ودي
وتقديري واحترامي

منتهى الابداع والجمال
سلمت يدينك