من يواسيني

من يواسيني


ياسيـدات الألـم والعـفـو يـاسـاده
يا ليل نبض المواجع من يواسيني

جيت احتفل بالفراق ويوم ميلاده
حفله على موت حبٍ كان يعنيني

وأقول ليلي بدا في وقت ميعاده
والجرح يبقى بذاكرتي ويبديني

والبرد روّح ونار القاف وقّاده
أحطب ضلوع الأنين وتلتهب فيني

واستفهم الجرح ليه يموت جلاده
ماماتت الذاكره وان ماتت بعيني

وصاح الجواب بحزن كم قلت ياغاده
والصدر من نبرة أحزاني يعزيني

ماكنّي اللي جعلت ايامه اعياده ؟
وماكنّها إلا الحزن في مقبل سنيني ؟

((يانادل الحزن جبلي قهوتي ساده
ماعادت أشيائي الحلوه تسليني))

بيتٍ حفظته وصار اليوم لي عاده
أردده بالألـم مـابـيـني وبـيـني

يانادل الحزن صب الحزن بزياده
الحزن حزني وأبيك اللي تقهويني

تعال فنجل قصيدي قبل قصّاده
ينبيك علمٍ كتمته في عناويني

عفت البلاد وتمنيت اسكن بلاده
وعفت الدروب ومسافاتٍ توديني

من كثر ماصار حبه معلن جهاده
أعمت عيوني عن اللي كان يبغيني

وتجبـّرت بالقسـا ياقسـوة عنـاده
وصفعتها بالغياب وجات ترجيني

وقلت المحبه براءة طفل بمهاده
مات ودفـنـته وكفـنـتـه شـراييني

وطعنتها بالفراق وعشت فـ بعاده
وكنت اعتقد طعنتي اللي راح تنهيني

ويـ نادل اسمع ابعطيك اكبر افاده
مضمونها لاتصدّق ((للمساكيني))

بعض المساكين طبعه للطمع زاده
تسرق وتطلب مشاعر ناس ثانيني



وان فاح حزني وجا شخصٍ من الساده
قـهـوه تراها سبيلٍ للمحبيني

وان شفت منهي تشابه بالألم غاده
اللي تمثل بضحكه مالها ديني

قول احتفالي على جرحه وميلاده
وفرقاه بلسم جروحي اللي تداويني


ل / سعود العجمي ،