رد: تعال أحكي لنآ حكآيتك مع منتدى رهين الشوق
السلام عليكم ورحمة اللهـ و بركاتهـ
1- كيف بدأت رحلتك ( حكآيتك) مع المنتدى
وكيف وصلت إلى هنآ؟
البدايهـ جاتني دعوهـ من اخوي Malaysia الي هو صديق رهين الشوق ...وقبلتها و بعدها بيوم تعرفت على رهين الشوق ...
-=-=-=-=-=-=-=-
2- منتدى رهين الشوق مآذا يمثل لك؟؟
باختصار هو موقعي لأنهـ هالاحساس زرعهـ اخوي رهين الشوق فيني من اول يوم لي بهالمنتدى .....
-=-=-=-=-=-=-=-
3- هل تفكر في المنتدى وأنت خآرجه وإلي أي درجه ؟
لدرجهـ ماحد يتوقعها دايم بالي مشغوول خاصهـ باوقات لما اخوي رهين الشوق يطلع من النت وقتها تلقاني كل شوي اسوي تحديث اشوف مواضيع اقرا ردود عشان لو لقيت شي مخالف اصير ابلغهـ لأنهـ الموقع امانهـ برقبتي و ان شااللهـ اكون قدها ....
-=-=-=-=-=-=-=-
4- ما أول شئ تفعله عند دخولك المنتدى..( بشرح لو سمحت )؟
ادخل على قسم النقاشات و الحوارات اشوف ايش الجديد فيهـ ... بعدها اطلع منهـ واشوف القسم العام و بعدها مافي شي محدد ....
-=-=-=-=-=-=-=-
5- من هم الثلاثة الذي يشغلون تفكيرك وأنت خآرج المنتدى؟
بصراحهـ الي يشغل تفكيري بهالوقت اختي عاشقة الدموع وانا ماااقولها مجاملهـ فيها بالعكس بس من كثر معزتي لها ولانها الفترهـ الي راحت مرت بظروف مرضيهـ والحمدللهـ اللهـ قومها سالمهـ ... رهين الشوق طبعا لأنهـ الي يلاحظ كلامي يحسب انهـ لي مدهـ اعرفهـ بس المعرفهـ الي بيننا تقريبا لها من 6 الى 9 شهور بس الشهادهـ للهـ وقفتهـ معاي يوم وفاة خطيبتي بينت لي انهـ رجل بمعنى الكلمهـ ....رهينة الشوق خصوصا وقت ماغابت عن المنتدى الفترهـ الي طافت وكنت اسال رهين الشوق دايما عنها والحمدللهـ انها رجعت سالمهـ لنا....
-=-=-=-=-=-=-=-
6- من الثلاثة الذي تبحث عنهم وأنت في المنتدى؟
بصراحهـ مافي احد وانا مااحب اجامل .....
-=-=-=-=-=-=-=-
7- من الذي يسعدك عند مروره على موآضيعك والرد عليهآ؟
الي يكون صريح بردهـ ...
-=-=-=-=-=-=-=-
8- موضوع تمنيت أن تكتبه لكنه موجود بأسم عضو آخر؟
ماجا للحين ياغالي ....
-=-=-=-=-=-=-=-
9- رسآلة خآصة إلي من سوف ترسلهآ وماذآ تقول فيهآ؟
الرسالهـ بتكون لكل من حب منتديات رهين الشوق ... المنتدى منتظر تميزكم و ان شااللهـ بيكون فيهـ اشياء ومفاجآت بالقريب العاجل ان شااللهـ ماتتخيلوها وكلها باقي تحت الدراسه بس بتعجبكم ووعد مني ....
-=-=-=-=-=-=-=-
10- ما هو الشئ الذي يقلقك في المنتدى؟
مافي شي وللهـ الحمد ....
-=-=-=-=-=-=-=-
11- لحظة مرت عليك في المنتدى ولم تنسآهآ إلى اليوم من شدة الفرح او الحزن؟
يوم وفاة خطيبتي ... رهين الشوق قعد معاي ويواسيني وماتركني طول الليل ولما تعبت كان يكلمني جوال ويومها خسرتهـ كثير عشان مكالمهـ دوليهـ هههه .... عاشقة الدموع برقتها و بحنانها حسيت وقتها انهـ لي الي يخاف عليا و تهمهـ سعادتي .... رهينة الشوق ربي يخليها لنا بطيبتها و بقلبها الكبير بعد ...
-=-=-=-=-=-=-=-
12- أي الأقسآم التي ترتآح فيهآ وتحب ان تكون دوماً مشآرك فيه؟
قسم النقاشات والحوارات ....
-=-=-=-=-=-=-=-
13- عضو معآك في المنتدى تريد أن تقول له شئ؟
لكم كلكم ... سامحوني على قصوري الاسبوعين هدهـ لأنهـ عندي اختبارات بالجامعهـ .... و اتمنى انهـ ماحد يكون متضايق مني بسبب هالموضوع ...
-=-=-=-=-=-=-=-
14- هل تريد أن تقول شئ قبل أن نودعك ؟
سعيد كثير باستضافتكم لي .... وكل الشرف لي بعد اني ارد على اسئلة انسان متألق و متميز مثلكـ اخوي الشوق ....و الشكر الثاني لاختي عاشقة الدموع لانها سمحت لي بهالفرصهـ الحلوهـ بعد ..... وسامحوني لأني اضطريت ارد على الاسئلهـ بسرعهـ لانهـ عندي اختبار وبقوم اداكر بس ماحبيت اتاخر اكثر من كدا عليكم ....
-=-=-=-=-=-=-=-
15- من هو العضو الذي ترشحه يكون ضيفنآ بعدك
كي نسعد به ويشرفنآ في الموضوع ويحكي حكايته لنآ .
مشرفتنا المميزهـ و الحبوبهـ والمتألقهـ جازي ...
-=-=-=-=-=-=-=-
واسف على الاطالهـ عليكم حبايب قلبي
تحياتي
|