منتديات رهين الشوق - عرض مشاركة واحدة - رواية جنوبي وعشق مهرة من مهرة جنوبية للكاتبة نبضي آبها

2016-07-10, 10:43 PM

البارت التاسع

في الديرة/

صفية وهي واصله حدها من برود زوجها واصرار ولدها على خلود

ابراهيم انت صادق ذحين الشروط ذي كلها وانت وولدك موافقين مين باقي

يشرط في الزواج 5000الف توقيع 0000الف كسوة 0000الف دخلة

0000الف تجهيز 0000الف مرواح لها عندنا ومئة الف مهر وذهب

وشقة على كيف صالحة تختارها والقصر والمطربة والعشاء علينا ليه هي بنت

مين الله واكبر على صالحة هي وشروطها تعجيز مثل اللي يقول ترى مانبغاك

والملكة بتحطها في قاعة بحدود27الف والمطربة ب 30الف تعجيز لي علشان

تشوف وش بسوي في الزواج عناد فيني

صفية: تكلم ياابراهيم انت وولدك ليش ساكت

ابراهيم ببرود: وهي مشغول بجواله صفية انت ذحين ليش معصبة الفلوس

مو من جيبك كل شي من عندي وولدي الوحيد ماراح ازوج غيره فكينا من هذرتك

صفية : والله من اولها شروط تعجيز ونهايتها ولدي مصيره مثل مصير عمي

محمد رحمة شرطت عليه شروط تعجيز لين خلته يبيع ارضة وسيارته ونهايتها

عمي قده مجنون واحمد في الطريق حسبي الله على صالحة ..

منال: يمه خليها تحط الملكة في أي مكان اكيد بتكون ملكة سامجة وهي بدون موسيقى

لكن والله ياالزواج لجيب كل انواع الموسيقى حتى المزمار ورقاصه دام الحكاية تفاخر

وعناد

احمد: لاباالله ياشيخة احلفي بس هيا قسم باالله ان جاني خبر يامنال ان الزواج فيه موسيقى

ورقاصة والله يذبحك انه على يدي مو كفاية انت اكبر رقاصة

صفية: ليش على كيفك والله لتجيب اللي هي تبغى مالك دخل

احمد : طيب ووالله ان الشنب ذا على حرمة ان صار في زواجي موسيقى وخراط فاضي وقام

رغم اني فرحان إلا إن آمي منغصة علي الفرحة ودي اتكلم واقول بس اتكلم لمين آمي مستحيل

بتقول صالحة سحرتك وخواتي من سابع المستحيلات والله ودي افضفض مالي إلآ كتمة صح انها

مرجوجة بس يجي منها واحسها تحب خلود ..واتصل عليها

احمد: بسومه تعالي ابغاك ضروري

بسمة: خير إن شاء الله ماتدلعني إلآ لمصلحة اخلص وش تبغى

احمد: بسمة متضايق والله احتاجك تعالي ووعد بكرة اوديك السوق عندي اسبوع ايجازة

بسمة: وهي تفكر اول مره احمد يكون هادي كذا تبغى تعرف وش فيه

وبنفس الوقت تحتاج السوق شتري اغراض ضرورية علشان الملكة قالت طيب جاية ..

قفل من بسمة وهو قاعد يحاول يتذكر صورة خلود اللي شافها بس موقادر اخ بس المشكلة

جدتها رفضت النظرة الشرعية تقول مالها داعي شوفها في الملكة حسبي الله على ذا العجوز

حتى شروطها كلها تهون إلآ 5000الف ريال توقيع في أي عالم شخط قلم ب 5000الف حسبي

الله عليها عجوز قريح

بسمة: وهي تدخل بسم الله علي منكم كلكم اللي في البيت نفسية امك ترطن في الصالة وحدها

وانت تكلم روحك سلامات وش فيكم

احمد: بسمة خليك عاقلة بتكلم معك ترى واصل حدي بلا تريقة

بسمة: وهي تشوف احمد اول مرة يكون كذا متضايق طيب اسمعك

احمد: وش رأيك في خلود بصراحة بعيد عن انها بتصير زوجتي

بسمة: خلود مايحتاج جميلة جمال غير طبيعي كاملة والكامل الله

واخلاق وتواضع حتى استغربت انها وافقت عليك لكن نصيب

احمد: كتمة وجع يوجعك ليش وش بي الحمدلله رجال ولايعيبني شي

بسمة:انت قلت اقول بصراحة ليش تزعل

احمد:طيب خلاص وغيره

بسمة: وبس يعني انت الكسبان حتى لو ان الشروط شوي تكسر الظهر بس

في النهاية خلود تستاهل والله لتعيش معها في جنة انت ماشفتها وهي تتكلم

وتسولف ماودك تسكت مثقفه ماشاء الله وملتزمة وغير كذا انا ملاحظة ان فيها

رقة ونعومة بشكل غير طبيعي حتى لماتتكلم بشويش يعني انت ضروري تشوف

لك حل مع حنجرتك صوتك نشاز وضحكتك الله المستعان والله اني اشوف ضروس

العقل واللوز إذا ضحكت ..

احمد: وهو يمسك نفسه مايضحك على كلامها كتمة وبعدين وش جاب سيرتي ذحين

انا قلت وش رأيك بخلود مو فيني انا

بسمة: اني صادقة يااحمد والله ضروري تغير من تصرفاتك وهيئتك قبل تفجع البنت

باقي على الملكة اسبوعين معك وقت تتهندس وتضبط نفسك خذ علبة فازلين مع كركم وادهن

نفسك او سكر مع زيت زيتون ونظف رجولك ويدينك او روح بخار يصلخونك لين تلق انت بشرتك

حلوه لكن الشموس لعبت في حسبتك لين صرت حليب شوكلاته مرقع

احمد: وهو يحاول مايضحك على كلامها تكمة ترى مافي سواق

بسمة: لالالالا حرام عليك يااحمد انت وعدني

احمد: طيب بوديك بس دقي ذحين على خلود وحطيه اسبيكر وانا بسمع بس ووالله يابسمة

ان فستانك وكل اغراضك علي شوفي حلفت

بسمة: لايااحمد لاتحرجني والله صعبة

احمد : أي احرج هي خطيبتي خلاص عادي

بسمة: وهي محتارة بدق بس لااسمع لك صوت

احمد: وهو فرحان طيب دقي يله

بسمة : وهي تدق حسبي الله عليك وش اقول لها ذحين

احمد: عادي سولفي معها او جيبي أي عذر

بسمة: شفت ماترد يمكن نايمة او مشغوله

احمد: ارجعي اتصلي مره ثانية يمكن بعيدة عن الجوال

شوي إلآ يرجع يدق جوال بسمة احمد هي صح

بسمة: ايوه هيا انكتم لااسمع لك حس

بسمة : وهي تحطه على اسبيكر هلا وغلا فيك خلود عسى ماازعجتك

خلود: بنعومة وبصوتها المبحوح هلا فيك بسمة حيااك لاوالله عادي موشغوله ولا شي

كيفك وكيف الآهل فقدك مره

بسمة: وهي تناظر في احمد وترقص حواجبها الحمدلله كلنا بخير الله يسعدك ياخلود

قلت اتصل اسلم عليك وابارك لك باالخطوبة

خلود: فديتك ماتقصري وعقبالك ياارب

بسمة: وهي تقول من قلب آميييييييييييييييييييييين يارب

احمد مط عيونه فيها وقرصها وجع

بسمة : أي وجع يوجعك وش دخلك فيني

خلود: بسمة وش فيك

بسمة : ولاشي ناس عندي هنا فيهم لقافة طيب بشري خلصتي تجهيز للملكة

خلود: الحمدلله حجزنا قاعة والمطربة وامي كلمت وحده علشان تنسيق الحفل

والذهب اليوم شريناه الحمدلله

بسمة : جد مطربة يعني حمااس في الملكة انواع التنكس

خلود يب مطربة ..طيب بسمة تعالي يوم الثلاثاء الجاي الحنا عندنا خواتي بيجون وبنات

عمي حسن تعالي علشان نستانس

بسمة: والله ودي بس صعبه حنا اهل العريس لازم مانحضر إلآ يوم الملكة وبعدين

من يوصلني عندكم

خلود: ابوي عادي لوقلت له يجي ياخذك هو وزينة

بسمة: صعبة ياخلود والله مااقدر المعذرة

خلود: خسارة والله ماابي احرجك اشوفك في الملكة إن شاء الله

بسمة: إن شاء يلة سلمي على البنات

احمد: وهويقرصه ياغبية ليش قفلتي

بسمة: احمد وجع ترى يعور قرصك خلاص وش باقي اقول لها

احمد : خلاص انقلعي بنام

بسمة : والسوق لاتنسى انك حلفت باالله

احمد : خلاص انقلعي طيب ....

اشتروا الذهب وحنا باقي ماعطيناهم ولا ريال يعني الشروط كذا تعجيز من العجوز

وصالحة حسبي الله عليهم علشان ارفض لكن طيب ياصالحة والله ياشروط ذي راح

اطلعها من عيونك وياخلود ماعاد تشوفيها إلآ بكيفي ..

في الجبيل/

ابو زايد وهو داخل جناح عمته رحمة عارف انها ماطلبته إلآ في شي

مهم مرتين تروح الجنوب وترجع علشان خطوبة بنت زينة خطبها ولده

زايد ورفضت واختارت ولد عمتها نفس اللي صار معه زينة فضلت محمد

عليه.. الفرق ان ولده خطبها علشان غرض معين

فايع: مساء الخير ياعمة كيفك والحمد لله على السلامة ومبروك خطوبة

خلود الله يوفقها

رحمة: حياك الله يافايع والله يسلمك ويبارك فيك وعقبال عيالك

فايع: آمين يارب / وش بغيتي ياعمة

رحمة: والله يا فايع ماادري وش اقول لك ومستحية وانت ماقصرت

معي لكن الحق ينقال وإن شاء الله ان كلامي مايزعلك

فايع : وهو حاس ان الحكاية فيها فلوس واملاك ..لاوالله ليش ازعل

انت غالية وفضلك علي ماانساه ودام السالفة فيها حق الحق مايزعل

رحمة: انت تعرف يافايع ان مالي في الدنيا ذي احد مقطوعة من شجره

ولامعي إلآ بنات زينة وعيال علي الله يرحمه وتعرف ان عندي حلال

واجد وانت لك نصيب فيه والعمر يمضي ولا ادري متى اموت بغيتك

تحصر كل املآكي وتخرج نصيبك منها والباقي تخرج منه وتبني لي ثلاث مساجد

في أي مكان على نيتي ونية عمك زايد والثالث على نية زينة الله يرحمها

وولدها علي وتكفل ايتام لكل واحد فيهم والباقي تكتبها بصك من المحكمة بأسم

خلود وصالحة وعيال علي سعود وفيصل واختهم الصغيرة وبيض الله وجهك

فايع / يحس كآن السماء طاحت فوق راسه تعب 25سنة وهو يشقى ويسافر كل

مكان وفي النهاية يجون ياخذون تعبه بارد مبرد يعني ماراح يطلع له ولعياله

إلآ الربع بما ان راس المال لرحمة سبحان الله ارزاق من الله قال ابشري

ياعمة ذا حقك وانت حرة فيه لكن حطي في بالك خرجة من الجبيل مافي

إلآ زيارة اسبوع وترجعين واللي يبغاك بيتك مفتوح

رحمة: لاوالله يافايع ماتحكمني انا كل مااشتاق لهم اروح انا اخف منهم صالحة

عندها عيال يدرسون وصغار وزوجها مشغول

وبكرة احجز لي على الجنوب ملكة خلود باقي عليها اسبوعين بروح اوقف مع

صالحة واساعدها مقطوعة ماعندها لا آم ولآ خالة

فايع/ طيب بحجز لك بس بعد الملكة زياد راح يجيك على طول

رحمة: إن شاء الله

في آبها/

وهي قاعدة تفكر الشهرين ذي اللي مرت عليها مثل الحلم تحس تفكيرها ملخبط

تحس كل شي صار بسرعة مثل الحلم اولها حادث السيل ظهور جدتي رحمة فجئة

نقلي خطبة ولد فايع واحمد بنفس الوقت واختيار احمد بمجرد ماصليت الآستخارة

حسيت براحة عجيبة امي مااعترضت ولا شي بعكس كل مرة انخطب وذحين

باقي كم يوم على الملكة راح ينربط أسمي مع اسم شخص ركبت كذا مره معه

بس ماعمري شفت ملامح وجهه وغير كذا آمه مو موافقة علي بس هو راضي

فيني رغم المهر اللي يكسر الظهر تعجيز من آمي وجدتي رحمة بس وافق هو وابوه

حتى نظرة شرعية مافي وعادي مااعترض ولا شي الله يستر بس احس براحة

عجيبة..قطع عليها حبل افكارها صوت زينة الساخر

زينة: ياهووووووووو وين وصلتي اكيد الديرة عند احمد عادي اصبري

كم يوم وتشوفيه

خلود: بملل زينة بلا خبال وش الكلام وخير وش عندك

زينة: شفتي العربة اللي بنحط الذهب فيها احس شكلها ماعجبني

خلود: زينة والله شكلها حلو هي عربة وبس خلاص ماله داعي الخساير

كفاية القاعة والمطربة والذهب احس مالها داعي وتبذير الله لايسخط علينا

زينة: الذهب مره حلو عجبني خاصة الهامه تجنن كلها فصوص روعة انت عجبتك

خلود: انا عادي اهم شي انها اختيار امي

زينة: ترى الفساتين كلها خلصت الهندية ايمان اتصلت على آمي تقول كلها خلصت

إلا الميل حقك باقي بكرة وامي تخيلي بتدفع فلوس فساتين خالاتي وبنات

عمي حسن والحنا على حسابها حركات امي

خلود: فديتها آمي والبنات يستاهلون والله..و زينة اتصلي على المطربة لاتحط

أي مؤثرات صوتية اللي سمعتها والله كآنها موسيقى حرام

زينة: بطفش من خلود انت وش دخلك ماراح تسمعينها صح فتك بكيفك

فيها وباقي السهرة لنا وش دخلك وبعدين هي تقول والله مو موسيقى مؤثرات

طبيعية مافيها موسيقى خلود باالله بلا نكد

خلود: طيب حتى الآغاني يازينة الله يرضى عليك اللي تقوم الزار لاتغنيها

لاتنسي منال تعبانة فكينا لو استنزلت منال قاموا الباقي

زينة: وهي تضحك والله لتكون ملكتك حمااااااااااااااااااااس اول السهرة معروف

خطوة عسيرية...

وإذا جت عمتي صفية وضيوفها اخليها تغني وكل( ال حريقي يعزون عز الورق في غصونه )

وهااااااااااااات ياتنكس ويرتفع ضغط عمتي صفية هي وبناتها وبعدها اخليها تغني

( واحمد ياولد الملوك واحمد عدها الوف واحمد وآمه راضيه) وانواع الجلطات عند عمتي

صفية ههههههههاي والله اجننها

خلود: وهي تضحك لاوالله امه ماهي راضية لكن الشكوى لله زينة فكينا من عمتي

صفية وبناتها ترى بعلم ابوي

زينة : وهي تضحك حتى إذا احمد بيدخل بخليها تغني نفس الشي واخليها تكرر وآمه راضيه

وتغني هلي لاتحرموني منه) لين يجي عمتي صفية انفصام في الشخصية لآنها قدام الناس

راح تستحي وتكون فرحانه وفي داخلها موراضية..وفي الزواج اكيد راح تحط اغنية ولي

عمة ياناس ولآانسى غباينها) ههههههههه صار الزواج حرب هههههههههههههه

وطبعآ اغنية خاصة تكون هادية للآمي ترقص عليها وانا طبعآ واغنية تكون كلها حماس حق تنكس

علشان زفة الذهب علشان جدتي رحمة تقول هي بترقص على الذهب حمااااااااااااااااااااااااااااااس

واغنية طني ورور وطياره بعد زفتك علشان تشوفي كيف الرقص على اصوله

خلود: زينة لا ذي والله يقوم الزار عليها تعرفي المطربة ذي كيف تقوم الزار شفتي

الزواج اللي حضرنا فيه وقام الزار على اغنية طني ذي وطيارة

زينة: بدون مبالاة خليه يقوم عاادي اهم شي اني ارقص وكمان البنات يبغون

خلينا نستانس مبطين من الزواجات يله بروح مع آمي القاعة نشوف وش صارعلى

الكوشة والتجهيزات وانت ارجعي فكري في آحمد هههههههههه

خلود: تاافهة قليلة آدب والله يازينة ...

في جناح صالحة وزوجها /

ابو خالد: شكلك تعبانة او زعلانة ياصالحة وجهك ماعجبني

صالحة: وهي تعبانة نفسيآ من زواج خلود من احمد مو مرتاحة

بس خلود موافقه وماتقدر تقول شي قالت مجرد ارهاق من السوق

لاتخاف انا بخير

ابوخالد: وهو يمسك يدها متآكده انه ارهاق مو شي ثاني

صالحة: تطمن انابخير انت وش سويت مع الذبايح كم قررت تحط ذبيحة

ابوخالد: والله اني محتار بس بحط حول 15راس وبحط جمل صغير لآني عازم

ناس كثيره وكمان ابراهيم قال انه عزم معظم اهل الديرة..

وحجزت واحد يسوي لي مدقال العصر ( عبارة عن اكلات شعبية تقدم وقت

حظور اهل العريس وغالبآ تقدم العصر)

عصيد 6صحفات كبيرة مع السمن والعسل وعصيدة 4صحفات باالمرق وعريكة

4صحفات ويقول زوجته بتخبز لنا بر ابيض واسمر وحجزة المقهوي والتمور

وبخور وعطور دهن كذا نوع لي ولك عند الحريم وشوفي وش ناقص وقولي

لي ...

صالحة: جعلك تسلم يارب اهم شي الحلويات والمعجنات يجيبها بدري القاعة

وذحين خلنا نروح القاعة اشوف الكوشة وش صار عليها ..

الخميس يوم الملكة

قبل المغرب عند افخم قاعة اللي يشوف التجهيزات والسيارت والناس يقول زواج

مو ملكة ابو خالد وهو متكشخ على الآخر يحس بفرحة غير طبيعية والليلة ملكة خلود

خلود بنته اللي ماجابها لكنها روحه وكل شي ..لابس ثوب ابيض وغترة بيضاء ولابس

مسدس صغير من الجنب ورشاش بيده واقف مع عبدالله وناصر وخالد وسعود وفيصل

وعيال اخوه حسن واجيرانه واصدقائه واقفين ينتظرون اهل العريس شوي اللي يسمع صوت

رصاص عرف ان اهل العريس وصلوا قال بسرعة جهزوا البخور وخل العمال يوقفون هنا

وبمجرد ماشافهم نزلوا من السيارت رفع الرشاش ورمى به وعبدالله وناصر نفس الشي يرمون

وهويرحب فيهم ويهلي يامرحب يامرحب الف حيااكم الله عدد مامشيتوا من ارضكم لعندنا

ياهلا ويامرحب ..

وفي المجلس ابوخالد بكل هيبة يامرحب والله وقبل الملكة تفضلوا على مدقالكم واعذرونا

ان جاء منا قصور والملكة بعد المغرب

ابو احمد: الله يحييك ياابوخالد والقصور مايجي منك وخل الملكة ذحين احسن..

الشيخ : من ولي امر العروسة

ابوخالد: انا ابوها

الشيخ عندك انت او العروس شروط نكتبها

ابوخالد: لاوالله سبق وتفاهمنا على كل شي

الشيخ : كم المهر

ابو احمد : المهر 100000الف ريال( مئة الف ريال)..

ابوخالد: وعلى مايشهد الشيخ والوجيه الغانمة ان 20 الف جتكم مني

وانا شريك معه في القصر والعشاء وشقة بنتي اثاثها كامل علي وسلامتكم

الشيخ والرجال: بيض الله وجهك ياابوخالد وجعلك تسلم مو غريبة عليك

عبد الله وهو خارج معه الدفتر علشان خلود توقع معه سعود يحس بقهر من ابوه

اللي غصب حضر ووجوده مثل عدمه دخل من الباب الخلفي

ماغير صالحة وبناتها وجدتها واخواته باقي آم العريس ماراح تجي إلآ بعد

العشاء قال وهو يدخل : ياآم خالد ياولد يايمه وينكم

خرجت صالحة ومحاسن ورحمة

قال خذي اعطي خلود توقع وذي 5000الف توقيع وبسرعة الرجال ينتظرون

اخذت الدقتر وهي تحارب دمعتها لآتنزل يعني خلاص ماعاد بتشوف خلود كل يوم

دخلت وهي تشوف الكوفيرا تسوي شعر زينة قالت خلود تعالي يمة وقعي

خلود: اول ماشفت الدفتر مع امي بكيت وقلت والله مااوقع لين يجي ابوي

ليش هو ماجاء

صالحة: وهي تبكي معها وجدتها وقعي يمة ابوك مشغول مع الرجال..

خلود: وهي تبكي والله مااوقع لين يجي ابوي حرام عليكم ..

شوي إلآ تسمع صوت عبدالله ياولد بسرعة ...

خرجت آم خالد وهي تبكي عبدالله خل ابوخالد يجي خلود حالفه ماتوقع إلآ لمايجي هو

عبدالله : الرجل مشغول كيف يخلي الرجال ويجي وبنفخه خلود وقعي الرجل مشغول بيجيك

بعدين...

خلود خرجت واول مرة تنفخ على عبدالله وبصوت مرتفع والله مااوقع لين يجي ابوي روح قول

خلود تبغاك وهي تبكي

رحمة : روح ياسعود فديت ذا الوجه خل عمك يجي

شوي وابوخالد واقف عند خلود وهي لابس عبايتها وهي تبكي ولايدري وش يقول لها

قال خلود فديتك وقعي وانا ابوك يله الرجال ينتظرون عيب

لماسمعت كلمة وانا ابوك بكت بقوة وهي تقول ابويه والله العظيم اني احبك والله ومااحب

احد مثلك انت وآمي وفضلك علي ماانساه مالي غنى عنك والله

ابوخالد: يتمنى انه يحضنها ويبارك لها قال وهويبكي وانا احبك وبظل ابوك

حتى لو معك عيال تظلين خلود الغالية يله وقعي ...وقعت وخرج وهو يمسح

دموعه بالغترة ويسمع صوت غطاريف آمه ورحمة وعمته محاسن وصوت الرمي

من سعود وعبدالله ..

احمد : كآني في حلم مو مصدق والله اخيرآ خلود صارت زوجتي الحمد لله خالي

ماقصر والله معنا ومسكني وقال ترى خلود آمانة يااحمد في رقبتك ووالله ان جتني

تشتكي منك مايصير لك طيب

ومسكني عبدالله نفس الشي يوصي ويهدد اعوذ باالله من عبدالله ذا معصب على

طول مايعرف يضحك ...

بعد صــــــلآة العشاء

في جناح العروس

قاعدة وحدها وهي تحارب الدموع ماتنزل اكثر من مره الكوفير تعيد لها رسم عيونها

غصب عنها تبكي والله كل شي يخليها تبكي فرحة ابوها وامها فيها واخواتها ذكرياتها

الماضية كلها تخليها تبكي ماتدري وش تحمل لها الآيام الجاية مع آحمد هل راح تكون

سعيدة مثل لماكانت عند ابوها او لا ..قطع عليها دخول زينة واختها آماني الليلة الكل

كان لابس ميل هندي وهي ميل فخم خاص باالعرايس تكفلت الهندية اللي في المشغل

تجيبه من الهند ...

زينة: وهي تجلس على الآرض وااااااه يارجولي بموت قسم فاتك نص عمرك

جدتي فاطمة وهي ترقص ولابسه حزام ذهب وبناجر حركات جدتي وجدتي

رحمة نفس الشي والله ياهي ترقص رقص خطيره خاصة في الخطوة

خلود: عمتي صفية وش وضعها معصبة صح

زينة: مبرطمة تقولي كآنها في عزا اعوذ باالله بس الجمهور كله مع آمي تخيل كل

صديقاتي آمي اللي كانوا معها في مكتب التوجيه حضروا وكل دقه يرقصون معها

وتعالي وشوفي جدتي رحمة ماغير تنقط باالفلوس على رآس امي والله كلها اب00ريال

خلود: بضيق الله يصلحها جدتي قلت لها من البارح والله مايجوز الله لايسخط علينا

زينة: تجهزي ذحين العشاء وبعده زفة الذهب وبعدين جدتي راح تجيب الذهب

علشان تلبسينه ونزفك ابوي يقول الزفة بدري قبل 12 علشان ضيوف عمتي صفية

بيرجعون الديرة وباقي قدامهم عقبة وطريق ...

خلود: طيب اهم شي آمي تجي ذحين ...

في داخل قاعة الحريم

بسمة: منال والله عيب خلنا نقوم نرقص الدق حماس

منال: والله ماارقص ليه والمطربة كل وقتها ماغير تغني في اهل العروسة

وعاشت آم العروسة واخوات العروسة.. إذا دخل آحمد نرقص ..

بسمة: هههههههههههه والله المطربة الليلة ماعندها شغله إلا عاشت آم

العروسة وعاشوا الحلوين ههههههههههه يعني اللي شينة تموت عادي هههههه

منال: والله مافيهم زين سلامات مين باقي يلبس ميل وساري

بسمة : منال والله اشكالهم خرافية من جد حتى الساري من النوع الغالي الفخم

في قسم الرجال /

الليلة كانت مميزة بجد خالي تكلف بشكل غير طبيعي كل انواع العصائر والفواكه

والحلويات والمعجنات غير الذبايح والمفطحات والسلطات بجد اللي يشوف السفره

يقول عرس وحضر عند خالي ناس وش كثرهم ...

وبتصير الساعه 11 خلاص وانا انتظر الزفة وكل مااقول لخالي قال ياولد اركد باقي بدري

وذحين جاء عندي وقال شوي وبتدخل ومعك خالد وعبدالله وسعود وفيصل وابوي كمان

سلامات تشييع جثمان ماصارت زفة ..

عند خلود : بمجرد ماقالوا احمد بيدخل جاني مغص وبروده في كل جسمي

تصورت مع آمي والبنات وجدتي رحمة وذحين انتظر احمد ونتصور

وبعدها الزفة ابي آمي تكون معي بس صعبة واحمد بيدخل معي احس

بخوف اخاف اطيح قطع عليها افكارها صوت غطاريف وتشوف

إلآ سعود وفيصل وخالد يغطرفون وعبدالله معصب منهم قال سعود

ترى احمد جاي ومعه ابوه شوي ودخل واحد متوسط الطول ويبوس راسي

ويبارك لي عمي ابراهيم ارتحت بمجرد ماشفت وجهه رغم انه كبير في

سنه إلآ ان شكله شبابي صابغ ومحدد ال***وكه والثوب الطويل والماسك على جسمه

قال : مبروك ياخلود وماشاء الله وتبارك الله الله يرزق احمد فيك وتراك بنتي الرابعة

احمد: احس كآني في حلم مين الحورية ذي اللي واقفة مع آبوي مومصدق عيوني

ملاك هي وفستانها الميل لونه بني وبيج وفيه ورد احمر النقش اللي في يدها لوحة

فنية مع بناجر الذهب بياض بشرتها الناصع خشمها سلة سيف عيونها تذبح ناعسه

شفايفها مغريه الغمازات اللي في وجهها فتنه شعرها الطويل والكثيف وفوقه هامه من

الذهب حبات بشكل طولي لين اسفل ظهرها ..عنقها الطويل الآبيض فيه حبة خال

وحول رقبتها اكثر من عقد ذهب... خصرها عليه حزام ذهب ...

رجع من رحلة الآستكشاف على صوت ابوه.. احمد قرب علشان نتصور

ماحس في نفسه متى خرجوا العيال ومتى آمه دخلت تصور معها كذا صورة وكآنه رجل آلي

يسوي اللي تقوله المصورة موقادر يركز يحس كآنه بحلم هويعرف انها جميله بس ماتوقع انها

باالجمال ذا

خلود : يمه وش فيه ذا ماغير يبحلق فيني يمووت من نظراته جريئ مره ماسك يدي احسه

بيكسرها واقفه معي جدتي رحمة وفاطمة وعمتي محاسن وامه حتى سلام ماسلمت علي..

دخلنا القاعة من فوق وكل الآضاءة خافته وبخار يطلع من تحت واصوات غطاريف بشكل

قوي وبدآت الزفة وحنا ننزل مع درج لولبي يوصل للكوشة

خـويـة درب عـمــري مـاخـذانـي دونـهــا النـسـيـان
وأنـا يـا اهـل الملامـه مـا رغبـت العيـش وحـدانـي

ابـي لـي مهـره ماعسـفـت صغـيـره وبـنـت حـصـان
ابـوهــا الـلــي يـفــك المشـكـلـه ويـزبــن الـجـانــي

واخوهـا لا تـعـزوى باسمـهـا فــزوا لـهـا العـربـان
يـحـق لـهـا الفـخـر فـــي قـولــة آل فـــلان جـدانــي

أبـيـهـا فـــي بـحــر عـشـريــن لا زود ولا نـقـصــان
أبيهـا اقصـر طويلـة والوصـوف اشـكـال والـوانـي

أبي الجبهه كما الصبح وكما القوس اسود الحجان
وابـيـهـا نـاعـسـات ونرجـسـيـه ســــود الاعـيـانــي

ابـي رمــش كـمـا ريــش يغـطـي الثـلـج فـالاوجــان
وابــي جـفـن يشـيـل الـرمــش طـربــان وكـسـلانـي

ابــي خـــد كـمــا ورد تـنّـمـى فـــي طـــرف بـسـتـان
وابـي خـشـم صغـيـر ومـثـل حــد السـيـف شامـانـي

ابـي البسمـه كمـا البـرق وثناياهـا كـمـا المـرجـان
شـفـاهــا جـمـرتـيـن وفـمــهــا خــاتـــم سـلـيـمـانـي

ابــي شـعـر مـثـل ذيــل الـفـرس لا طـبّـت الـمـيـدان
او الـشــلال لامـــن بـــات لـيـلــه بــيــن الامـتـانــي

ابــي جـيـد ســـوات ابـريــق فـضــه نـاتــق مـلـيـان
وصــــدر كــنــه مــرايــه عـلـيـهـا طــلــع رمــانــي

ابـي ظهـر كمـا الـجـدول وقــدّ مـثـل غـصـن الـبـان
وخـصـر مـثـل مـجـدول الاعــلان وجـسـم رويـانــي

ابـيـهــا نـابـيــة ردف وبــطـــن ظــامـــر جــوعـــان
ابـيـهـا مـدمــج ســـاق وقـدمـهـا لــســان ثـعـبـانـي

ابيـهـا بـنــت عـــز مـــن رغـدهــا يـنـعـم الفـسـتـان
ابــي الـرقـه وابــي الـدقـه لـهـا باطـرافـهـا شـانــي

ابي المشيه كما اللـي طالـع مـن المعركـه كسبـان
وابيـهـا تــرش مـــع خطـواتـهـا مـســك وريـحـانـي

ابـي صــوت الــى مـنـي سمعـتـه كــن فـيـه الـحـان
يـدغـدغ مسمـعـي ويثـيـر كــل السـحـر فـاشـجـانـي

ابيهـا حـب واخـلاص وهواجيـس وفــرح واحــزان
ابيـهـا مـثـل مــا دكـتـور اهـالـي العـشـق وصـانــي

ابـيـهـا لــوحــة مــــا صـورتـهــا ريــشــة الـفـنــان
ابـيـهـا جـوهــره مـــا جـابـهــا قــاصــي ولا دانــــي

ابيـهـا تنتـصـر لــي مـــن زمـــان حـطـنـي نـيـشـان
وتبـشـر بـالـغـلا الـلــي مـالـفـى بـــه واحـــد ثـانــي

مـهـرهـا قـلــب وشـعــر يـهــز الـقـلـب والـوجــدان
وألبـسـهـا القـصـيـد وتـصـبـح اوزانــــي وقـيـفـانـي

ابي اللي فات واللي فـات صعب ومن لـقـى العنـوان
يــرد الـعـلـم ولا افـضــل ابـقــى اعـيــش وحـدانــي

احس اني بطيح خلاص وزينة تقول باقي زفة ثانية وانا ارجف ابي اجلس خلاص

شوي اشتغلت الزفة الثانية ومشينا

ياعقد ورد الياسمين يازهر فل وزهرتين

ياضي نور وضي عين باقلب يامكبر غلاك

طلي على العالم بهون طلي علينا ياالحنون

ياللي تساوين العيون يابدر هالكون وسناه

عروس هاالليلة قمر واجمل واحلى من القمر

فاقت على الشمس بسفر ضوى على الدنيا ضياء

هي شيخة الزين وبعد وفاقت على الزين بعدد

سموها في الدنيا خلود سلطانة الزين وضواه

خطي على ارض العرب خطي وخطوتك الذهب

ياقلب من ماس وذهب ياقلب عالي مستواه

ياروعة الدنيا خلود يابدر في كل بلد

يااحلى بدر ينولد في كل شهر في سماه

في عيون احمد يشيل حبآ يلون كل ليل

ويقول في نفسه بلين عليك ياقلبي ياغلاك

وده يسوق الحب نبض ويفرش ورد بكل آرض

والحب لك طولآ بعرض محدآ يوصل مستواك

ياشيخة الزين ياخلود يحفظك ربي وتفرحون

وصلنا اخيرآ الكوشه احسها بيعده مره وانا ضاغط على يدها لين سمعتها

تقول فك يدي تراك تعورني وقفنا علشان البسها الدبله وارفع عيوني كانت قريبة

مني مره لدرجة اختنقت من عطرها موعطر ولا بخور شي غريب خدرني

كنت آتآمل وجهها واشوف الزمام اللي في خشمها زادها جمال واسمع بسمة تقول

يااحمد بوسه على السريع وبدون مااحس قربت منها لين بوستها في خدها وحسيت

فيها تبعد واسمع صوت تصفير اكيد بسمة المجنونة مسكت يدها وقلت لها يله سرينا

قالت بهمس وين... قلت أي مكان وحدنا وهي تضحك بخجل ...

خلود اخيرآ وصلت الكوشه عمتي صفية تناظر فيني بنظرات موقادرة افسرها مره

واحمد كان مره جريئ رفعت عيوني علشان اشوف وجهه اسمر لونه حلو خشمه طويل

عيونه واسعه ماشاء الله طويل اطول مني جسمه مليان احسه اجمل من خواته بكثير

شوي تشتغل اغنية (احمد ياولد الشيوخ واحمد عدها الوف واحمد وآمه راضيه) وين

آم العريس ترقص وين اهل العريس ...

واشوف عمتي ترقص غصب معها عمة احمد وجدته حسبي الله عليك

يازينة ههههههههههههه خلتها ترقص غصب ..

احمد آمي ترقص غصب كآنها تضارب مغصوبة الله يصلحها حتى سلام ماسلمت

على خلود والله حز بخاطري لاهي ولا البنات وجتني جدتها رحمة قالت خلاص اخرج

الحريم بيجون يباركون لخلود وانا اسوي نفسي مااسمع وماسك يد خلود طنشتها عجوز قريح

حاقد عليها هي وشروطها وجتني جدتي فاطمة ونفس الشي طنشتهم شوي جتني وحده لابسة عبايتها

خالتي صالحة قالت برسمية احمد مبروك الله يوفقك لوسمحت اطلع الحريم بيباركون لخلود

قلت طيب وقبل ماانزل رجعت وهي واقفه واني ابوس خلود جنب شفايفها ولاشفت إلآ غبار خالتي

صالحة وخلود وجهها رايح فيها من الخجل ......

البارت العاشــر

خذيت الحب وخذيت الحنان وما بقى لي شي

دخيلك رد لي بعض الحنان أجامل أصحابي

ترى ما عاد باقي في رصيد القلب غير شوي

بغيت آعيش به لكن عجزت وماتت أعصابي

أنا ما أريده لغيرك أنا والله أريده لي

أخاف أفقد حناني لا عطيتك وأفقد أقرابي

أعوّد لا معي هذي ولا حتى معاية ذي

مثل من تاب في الدنيا وهو ما أظن قد تابِ

أقلّك خلّها تخلط تزوّد طينها بالميّ

مدامك من سكن عرش الخفوق وأوّل أحبابي

يا أجمل من بكت لجله عيوني يا شبيه الضيّ

ترى نورك كسر وجه الصباح ومات بأهدابي

نهارك تبتسم لجله ورود وفي هجيرك فيّ

وليلك يسهر عيون الملا يقرون بكتابي

الشاعــــــــــــــــر :

فهد الشهراني

احمد/

من ليلة الملكة وانا حالي مايسر صديق ولاعدو تفكيري وعقلي

عند خلود حتى النوم جافاني وان نمت مااحس بحالي ..حتى احلامي

كلها في خلود صورتها ليلة الملكة مو راضية تروح من عقلي اتخيلها

قدامي اتصلت عليها ثالث يوم من الملكة كلمتني شوي وقالت ذحين

مشغوله لما اخلص راح اتصل عليك وتسحب علي اسبوع كامل ..

والمشكلة انا في الديرة عندي ايجازة اسبوعين ومشااااااااااق لها

وادق مشوار لين آبها واكلم الحارس قال كله بيت مافي روح سفر

واتصل عليها جوالها مقفل واتصل على خالي قال حنا في مكة ..

خلود سافهتني وراحت بدون ماتقول لي وتستآذن مني يصر خير

ياخلود والله لعلمها كيف تعمل لي حساب من اولها تطنيش ..

آمي/

آحسها مو متقبله خلود مره وزعلآنة باقي لين جتها جارتنا ام سعد

تبارك لها ملكتي وكنت في البيت وسمعتها تمدح في خلود لآنها حضرت

الملكة قالت آمي والله انا ماابغها لولدي لكن هو وابوه ...

قالت آم سعد ياصفية تعوذي من الشيطان دام ولدك يبغها خلاص لاتسوي

مثلي سعد الله يرحمه مات وهو يبغى اخت صديقه وحلفت ماياخذها وخرج

وهو زعلان ولاعاد رجع علي إلآ في كفنه مات وهو قلبه معلق باالزواج والله

اني اموت في اليوم الف مرة اتمنى يرجع واعطيه اللي هو يبغى لكن فات الفوت

ابكي ليل نهار على سعد الحسايف في صدري كل يوم تشب جديدة على ولدي

وانت ياصفية لاتغلطي غلطتي مامعك إلآ ولد واحد خليه يشوف حياته ..

ومن بعد كلام ام سعد وانا احسها متغيره وماعاد تجيب سيرة خلود مره ..لآنها

من زمان تخاف من فكرة آني اموت لآني ولدها الوحيد جيت عندها وهي واخواتي

جالسين وقلت يمه رضاك عندي باالدنيا كلها وانا احس انك باقي زعلانة مني علشاني

اخذت خلود واخاف اموت وانت غضبانه علي وعلشان كذا بطلق خلود اهم شي رضاك

عني والزوجة بدالها زوجة إلآ انت ياالغالية ماراح اتعوضك واخطبي لي أي وحده تعجبك

اهم شي رضاك ..وانا موصادق لآني مستحيل اطلق خلود لو على قطع رقبتي ..

قالت بخوف لآوالله ماتطلقها الله يرزقها بها واشوف عيالك اهم شي عندي سعادتك

هههههههه آمي يبغى لها شوي سياسة وتلين عندها حب تملك وغيره تبغى كل شي

لها وتخاف ان خلود تحرمها مني ..

قلت لها آجل بكرة تجهزي انت والبنات ونروح مكة نعتمر وبعدها ننزل جدة علشان

البنات يشترون لهم اغراض ونروح نتمشى ..قالت آمي بفرحة الله يوفقك ويحفظك

واخواتي مصدومين يناظرون في بعض مو مصدقين لآني كنت اكرشهم كرش

ماعندي تفاهم ..

رحنا مكة والله يغفر لي والله مارحت إلآ علشان خلود على آمل آني بشوفها ونعتمر

ومن الربشة اللي فيني واصك بين الصفا والمروة 14شوط آمي واخواتي راحوا فيها

استغفرالله كل تفكيري عند خلود ولآحسيت إلآ آمي لما قالت احمد معقوله ماخلصنا

سبع اشواط لنا حدود ساعتين الناس جت بعدنا وخلصت وحنا باقي واستآجر جنب الحرم

وانام لين اليوم الثاني من التعب واتصل على جوالها مقفل واتصل على خالي قال والله حنا

في الجبيل خلود بتسلم جدتها رحمة وتعطيها كسوتها ونتمشى ومعنا عبدالله وناصر واهلهم

لماسمعت خالي حسيت الدنيا تدور فيني قلت طيب ليش جوال خلود مقفل قال مشاري رمها

في المسبح إذا تبغى تكلمها بعطيها جوالي .قلت بضيق لا ماله داعي واقفل وضغطي مرتفع

من خلود تروح ولاتقول لي والمشكلة انها رايحه عند زايد اللي سبق وخطبها والطامة الكبرى

ناصر الغثيث اكثر شخص اكرهه اتمنى له الموت حتى يوم الملكة الكل بارك لي إلآ هو ..

تعوذت من الشيطان اللي يوسوس لي ان زايد راح يشوفها او ناصر استغفر الله مستحيل

هي حريصة رحنا جدة واخلاقي قافلة من خلود واتحلف فيها وبنفس الوقت زاد شوقي لها
اشتريت لها سلسال وجوال احس كآني مسحور لها لكن ماراح اخلي تطنيشها لي يمر

كذا هانت بيرجعون يوم الآحد واتفاهم معها ..

آم فضل / قاعدة تبكي كعادتها بس المرة ذي تبكي من الفرحة آخيرآ الدنيا راح

تضحك لها ولعيالها الحمدلله ربي ماضيع صبرها نادية نزل اسمها ترسيم شملها

الآمر الملكي بترسيم كل موظف على بند الآجور وصارت تدرس صباحي الحمدلله

وكرم ربي ماله حد وخطبها صديق ابوخالد زوجته متوفيه ولاعنده إلآ ولد واحد

ودام انه من طرف ابو خالد وافقنا على طول..

فضل / وهو يشوف دموع آمه طبعها كذا تبكي سواء فرح او حزن يتمنى انه

يموت ولآيشوف العيون ذي تبكي لكن هي قالت له انها ترتاح لما تبكي ..

قال يمه ابوخالد اتصل يقول ابو مازن بيغى الملكة الآسبوع ذا او الجاي

ام فضل : خلاص الآسبوع ذا إن شاء الله خذ فلوس من نادية واعط ابوخالد

يشتري الذبائح واغراض الملكة

فضل: ابوخالد قال لي ان الملكة هو متكفل فيها وقال علي الحرام ماتدفعون

ولا ريال والرجال بحطهم في بيتي ..

ام فضل: لا يافضل والله خسارة عليه وهو ماقصر معنا حاول فيه

فضل : والله عجزت معه يقول خلاص هو متكفل بكل شي ..

ام فضل : الله يوفقه و يحفظه والله ماادري كيف ارد جمايله ابوخالد ..

في آبها/

احمد اتصلت على خالي علشان اروح لخلود قال والله انا في النماص

من جيت من الجبيل عند عامل مات وبخلص اوراقه ...

ويوم الآثنين قلت اكيد صايم ماراح يروح مكان واتصل عليه العصر

قال والله انا في المستشفى هو كل يوما اثنين وخميس يزور كل المرضى

اللي في المستشفى قلت له والحل ابغى خلود ضروري ياخال قال تعال بعد

العشاء لآنها صايمة وانواع التصريف .وذحين لي ربع ساعة في المجلس

انتظرها تجي واتحلف فيها...

في غرفة خلود/

خلود وفاطمة معهم مجلة وقاعدين سوالف لين دخلت زينة :

بنت انت باقي متبطحه على المجلة ذي واحمد تحت ينتظرك ..

خلود:بدون اهتمام زينة تعالي شوفي الموديلات ذي روعة .

زينة: وهي تسحب المجلة ياحمارة والله احمد تحت رسلت

تولين تقول لك ..

خلود: وهي تفز يمه وش جابه ذا وش يبي ..

زينة: حلوه ليش جاي جاء علشان يسولف مع آمي ياحمارة قومي

تجهزي ابوي اتصل معصب ويقول وين وخلود وانا بروح اجهز قهوة

خلود: وهي تحس بنضات قلبها سريعة بمجرد ماسمعت آسمه طيب

وش البس

زينة: أي شي على السريع والله عيب تآخرتي عليه

فاطمة : روحي اغسلي وجهك وانا بطلع لك على ذوقي ..

في المجلس/

ابوخالد : المعذرة يااحمد والله نسيت المغرب اقول لخلود انك جاي

ذحين تجي وذا جواز السفر حق خلود إذا تبغى تروح شهر عسل

والشقة حصلت لك شقة حلوه وكبيرة واي وقت تكون فاضي تعال

المكتب علشان توقع العقد ..وذحين انا بروح خلود بتجي ولاتروح علشان

تتعشى معنا ..

احمد: وهو واصل حده تسلم العشاء مااقدر والله مشغول مره ثانية ..

ماشاء الله يعطيني جواز السفر سلامات يحسبني بوديها دبي او تركيا ليه قاعد على

كنز انا اصلآ مستحيل اوديها علشان تكشف وجهها لي هناك والله مامعها إلآ مكه جدة

وإذا عندي باقي فلوس نروح الطائف وبعدين باقي حاقد عليها بسبب تطنيشها ضروري

اكون حازم معها ليش الدلع وهو في ثرثرته الصامته يتوعد في خلود وقاعد يشوف جواز

السفر شوي يشم ريحة عطر مو غريبة رفع عيونة للي واقفة عند الباب وبيدها صينية بمجرد

ماشافها نسي كل شي الوعيد والكلام اللي له اسبوع وهويحفظه علشان يقوله لها ضرب

به عرض الحائط بمجرد ماشاف الآرونج اللي هي لابسته ضاعت علومه مايدري متى

وصلت لعنده وحطت الصينية على الطاولة وكيف هو وقف لها هو تمد يدها علشان تسلم عليه

هو سحب يدها وحضنها وهي تحاول تفك نفسها منه ..

خلود: يممه وش فيه كذا معصب وعاقد حواجبه شكله بيقوم يمحطني باالعقال

علشاني تآخرت لكن بمجرد ماحس فيني تعلقت عيونه فيني وتحولت نظراته

لشي ثاني رجف كل جسمي من نظراته وزاد لما حضني بقوة حسيت ريحة

عطره تخنقني ..

قلت له احمد فكني لو سمحت خالد بيجي ذحين ..

احمد : ماحسيت بنفسي إلا لماتكلمت حاولت اتدارك الوضع بس خلاص

خربتها حاولت اكون طبيعي قلت وليش خالد يجي دوبه سلم علي ..

خلود: وهي خجلانه علشان يجلس معنا ..

احمد: وهو ساكت اخرج جواله واتصل هلا خالد وينك اهاااا طيب لااشوف وجهك

تجي المجلس ..كيف ليش بجلس مع زوجتي انت وش دخلك بيننا اقول لا اشوفك يله سلام.

احمد هو يفترسها بنظرتها بكل جراءة بداية بوجهها الخالي من المكياج ماغير كحل ومرطب

شفايف الزمام اللي في خشمها خدودها المورده من الخجل شعرها المرفوع لفوق وواصل لين

وسط ظهرها مو لابسه لآحلق ولا سلسال ولاشي ماغير الدبلة كانت فتنة اجمل من ليلة الملكة

الجمال والفتنة ذي وهي مو كاشخه ماعندها خبر اني بجي اجل كيف لو كانت كاشخه تبارك

الرحمن نسيت ابو الزعل كله علي الحرام ياخلود مااضيق صدرها بكلمه ذي مثلها حرام تزعل.

يناظر فيها وهي تصب قهوة الآرتباك والتوتر والخوف باين من رجفة يديها وهي

تمسك الفنجال اعطتني الفنجال وامسكه واليد الثانية مسكت يدها لين جلستها جنبي

قلت اجلسي جنبي ترى مااعض والله قربها ذا يذبح قاعد اسيطر على مشاعر اجتاحتني

وهي قربي قلت كيفك ياخلود وسلامة الآسفار وكيف الجبيل حلوه ..

خلود: احس برجفة موقادرة حتى انطق حرفين قلت بخير الحمدلله والجبيل حلوه

بس آبها احلى ..

احمد: وهو يناظر لحركة شفايفها وهي تتكلم بهمس كانت مغريه قال آبها

حلوه اكيد دام خلود فيها..طيب بتاريخ كم تبغي الزواج يكون ..

خلود: وهي ترجف من قربه الزواج احسن يكون بشهر 8 ..

احمد: وهو يفترسها بنظراته لاوالله مو بدري الزواج راح يكون في شهر 7

اختاري تاريخ 25او 26او 28علشان اضبط ايجازتي واحجز القاعة والمطربة ..

خلود: وهي تحسب حنا ذحين نهاية 5 مستحيل باقي شهر ..لا التاريخ مو مناسب

مره علشان الآختبارات ..

احمد: ليه انت عندك دوام وش دخلنا حنا لآانا ولاانت عندنا اختبار ..

خلود: وهي تبي أي عذر بس الزواج مايكون بشهر 7 بس اخواني يختبرون

احمد: وش دخلني انا فيهم خلود بصراحة انا رجال ماعاد عندي صبر ابغى

الزواج في اقرب وقت كلمت خالي وقال ماعندي مانع كلم خلود ليش التآخير

خلود: وهي تحس كآنها في فرن من الحرارة طيب انا مايمدي اتجهز شهر مايكفي

احمد: بكل جراءة موضروري تتجهزي راضي فيك كذا بدون انا بجهزك على

ذوقي وهو يغمز لها بعيونه ...

خلود:من الآحراج مو قادرة تقول شي ..احمـــــــــد وبعدين..

احمد: وهو مستمتع في خجلها ياعيوووووووووووووووون احمد اطلبي

أي شي إلآ تآخير الزواج ماعندي ..

قطع عليهم صوت جواله ويشوف إلآ آمه والله مو وقتك وهو يرد هلا والله..

صفية : هلا احمد رحت تشوف حجز القاعة والآغراض اللي وصيتك فيها

احمد: وهو يقرب خلود ويحضنها مع الجنب ويرد على آمه لآوالله مارحت

اليوم انا مشغول والله انا ذحين عند واحد مشتاق له وكان مسافر وهو يقرب

خلود منه ويحضنها وهي فكت يده وهو يمسكها قالت بروح المطبخ وانت

خذ راحتك وبرجع ..

احمد خلاص يمه ابشري اروح واتصل فيك واعلمك وش صار مع السلامة

خلود : وهي تغسل وجهها تحس بحرارة وزينة واقفه عندها اشبك تبكي

لايكون الديناصور ذا طردك ..

خلود: بضيق لآوالله بس عنده اتصال وخرجت علشان ياخذ راحته ..

زينة : اهااااا اهم شي بشري عساه رومنسي بس وهي تضحك ..

خلود: بضيق زينة انقلعي عني بلا سخافة ..

زينة: عمومآ انا هنا حولك إذا صار شي كذا او كذا صفري لي واجيك

وهبي شانش بروحش مثل ماتقول جدتي فاطمه هههه

احمد: وهو يشوفها تدخل خجلانه يحبها بجنون في اقل من ثلاث اسابيع ملكة قلبه

ماتوقع انه يحبها كذا هي صح جميله وفاتنة ومغريه بس فيها شي ثاني يجذب

طريقتها في الكلام حركاتها كان ناوي ما يروح شهر عسل خارج المملكة بس

من شاف الآرونجي وهو رايح يها لآباالله تستاهل تروح أي مكان هي تختاره

يتمنى ياخذها من ذحين لماكان وحدهم ...تنهد وهو يشوفها تجلس بيعد عنه

احمد: خلود وين تبغين نروح شهر العسل تركيا ماليزيا دبي

خلود: مو ضروري خارج المملكة مكة والمدينة تكفي ..

احمد: ليش ذا شهر عسل هذا انت كل سنه تروحي خارج المملكة ..

خلود: بهدوء احمد الوضع يختلف انت عليك اكثر من قرض ليش

الخسارة ومكة والمدنية افضل

احمد: لآإن شاء الله نروح اختاري انت بس ومن عيوني نروح ..

خلود : بخجل من كلامه تسلم عيونك ...

احمد : وهو ياخذ كيس ويقوم يجلس معها على نفس الكنب معي هدية

ذا جوال ومسجل فيه كل ارقامي اتمنى اتصل تردي مو احصله مقفل

او تعطي مشاري يكسره

خلود: وهي تشوف الجوال مشكور والله ابوي جاب لي اليوم جوال ماكان تعبت نفسك ..

احمد : قربي وارفعي شعرك علشان آلبسك السلسال ..

خلود: وهي خايفة من قربه وهو مره جريء والبلوزة فيها فتحة كبيره يعني

ظهرها كله باين وهي خلت شعرها مفتوح علشان يغطي الظهرها قالت تسلم

خله في العلبة بعدين انا راح البسة ..

احمد: خلود ترى والله انا مااعض قرب لين جلس وراها قال يله ارفعي شعرك

خلود: بيدين ترجف وهي ترفع شعرها لفوق ...

تحس في يده على رقبتها مثل النار كل جسمها يرجف وهي مغمضة عيونها لين حست

في السلسال يستقر على رقبتها وهويقول بصوت هامس احلى من العقد لباسه..

وهي خلاص تبي تقوم ماعاد تتحمل قربه وهو مسكها وثبتها وانفاسة تحرق رقبتها..

خلود: وهي تحاول تفك نفسها احمد وبعدين فك خلاص ..

احمد : يقوم يجلس مكانه وحاس انه مره خربها بس هو في قربها ينسى نفسة ..

غصب عنه ..

خلود: وهي تحس برجفه بكل جسمها قالت احمد اتمنى اللي صار قبل

شوي مايتكرر ..

احمد: وهو مستمتع والله مااضمن نفسي لكن بحاول بصراحة انت انسانة

مغريه وعلشان كذا خلينا نعجل باالزواج افضل لي ولك ..

وهو يشوف وجهها كله احمر من الخجل حس انه خربها مره معها

قال انا ذحين بروح وذي فلوس وإذا احتجتي شي اتصلي في أي وقت

خلود: احمد طيب اجلس شوي ماشربت فهوتك ولآاكلت حلى ..

احمد : وقلبه يرجف كل مانطقت اسمه تسلمين والله والحلى خلاص

الحلا ذا يجيب سكر لكن في حلا ثاني إذا ماعندك مانع وهو يغمز لها

خلود: احمـــــــــــد وبعدين معك والله اروح واخليك

احمد: وهو يمسك يدها ياعيون احمد ماسآلتي وين انا ساكن ذحين

خلود: خالد قال لي انك في شقة كان جلست ابوي يقول عادي

كان جلس في الملحق ...

احمد: والله خرجت قبل يطردني

خلود: وهي تضحك مستحيل ابوي يطردك فديته ..

احمد : وذايب من ضحكتها ومن عيونها قال خلود لك سلام حااار

من بسمة وقرب منها وطبع بوسه على عيونها وهو يقول بسمة قالت سلم

لي على خلود في عيونها وذي إمانة وخرج وهو يضحك ...

خلود: وهي تحط يدها على وجهها يمه مره قليل آدب مايستحي ..

زينة: وهي واقفة وراها مين هو اللي قليل آدب ها ..

خلود: بخوف يمه وجع يوجعك خرشتي قلبي وبعدين وش دخلك انت

زبنة: وهي تضحك مايحتاج شفت كل شي هههههههههههه

خلود: بخوف زينة وش شفتي ..

زينة : والله العظيم شفت كل شي

خلود: بعصبية وش شفتي ..

زينة وهي تضحك شفت الجوال الجديد اللي في المجلس ياوسخه ليش

وش صار ها ؟؟

خلود: ولا صار شي

زينة: وهي تشوف السلسال ياهوو حركات ولد عمتي هدايا وهي تقرب وتشوف

قديم السلسال ابو كلب قديم مره مين باقي يحط حرفين قديم مره ...

خلود: وش دخلك محد طلب رآيك ..

زينة : وهي تقرب وتضحك والله ولد عمتي ماهو هين ذيب

وش اللي على رقبتك ههههههههههههههههههههههه

خلود: وهي بتموت من الخجل زينة وجع يوجعك والله انك وسخة

زينة: وهي تضحك انا وسخة الله يسامحك المهم تعالي ابوي فوق

يبغاك وغطي على رقبتك آمي لآتشوفك بعدبن هههههههههههه..

وهي تقابل فاطمة في الدرج فاطمة سلامات ايش فيك معصبة كذا

خلود: زينة السخيفة ...

في الصالة فوق / خلود والبنات وامها وابوها

ابوخالد: ترى اليوم بعت العمارة اللي في الجبيل اللي عطتك

جدتك رحمة وسعرها حلو وحصلت لك عمارة هنا في آبها جديدة

دورين و ملحق في حي جديد فيه خدمات وبضبط لك الدور الآول

كامل سكن واستقبال والباقي تآجرينها وتستفيدي من المبلغ وش

رآيك ....

خلود : بضيق لآنها راح تخرج من البيت اللي عاشت اجمل ايامها فيه

مدري اللي تشوفه انت وآمي

ابوخالد: امك موافقه والحي قريب منا شارعين بس وعندي

عامل مغربي شغله حلو وجبت لك صور ديكورات والمعتق

اختاري اللي يعجبك والآلوان وهو ينفذها وكمان الآثاث راح نسافر

الآسبوع الجاي جدة انا وانت وآمك وتختاري اللي يعجبك..

زينة: بآعتراض ياسلام آمي وخلود بس وانا ؟؟

ابوخالد: انت عند اخوانك صعبه نروح كلنا فاطمة عندها دوام

زينة: فاطمة عندها دوام مشكلتها انا وش دخلني رجلي على رجلك ..

ابوخالد: وهو يشوف زوجته ساكته عارفه ان صدرها ضايق

علشان زواج خلود قرب وبتروح كل ليلة يحس فيها وهي تبكي

قال آم خالد ليش ساكته عسى ماشر ,,

ام خالد: بضيق ولا شي ..

زينة : لالالا ايش كذا يمه تعاملي ابوي حرام عليك ترى بخلي

عمتي صفية تخطب له ..

ابوخالد: وهو يضحك وبتحضري زواجي يازينة

زينة: اكيد بحضر موكفاية زواجك الآول على آمي ماحضرت محد عزمني

ههههههههههههههههههههههههههههه

ام خالد: وهي تضحك غصب عنها زينة بلا خبال

زينة : ذحين ضحكتي لما السالفة فيها زوجة ثانيه ومن قبل ابوي متشفق

على نظرة منك عيونه احولت مسكين صدق المثل اللي يقول لاتضرب

الحرمة باالعصى اضربها بحرمه مثلها تتعدل ... زينة لماشافت امها جايه

لهاراحت وراى ابوها بس فرده من حذيان امها سبقتها على ظهرها زينة ابوي

انا في وجهك امنعني من مرتك اح والله تعور يمه ماشاء الله وش التصويب

الدقيق ذا تنفعي في الرماية مايفوتك شي ..

ابوخالد: وهو ميت ضحك تستاهلي وصالحة مستحيل اتزوج عليها مهما كان الله يخليها

زينة: والله استاهل انا اللي ابي مصلحتك وترى امي تتغلى عليك بس قدامك وإذا تآخرت كل وقتها

رايحه جاية زينة خلود فاطمة زينب اتصلوا على ابوكم اشتقت له ..اااااقصد تقول تآخر

آم خالد: وهي تطير عيونها في زينة ياكذابه طيب فيك يازينة

زينة: هيا احلفي ماتقوليها يله

ام خالد: اقول اتصلوا بس مااقول اشتقت له ..

زينه : اهاااا شفت انها ماتحبك تزوج عليها احسن لك خذك مهرة صغيره تهتم فيك

ابوخالد: وهو يضحك زينة وبعدين معك خلاص ..

آم خالد: طيب يازينة طيب

زينة : ليش انت زعلانه ذحين عادي ذا زوجك اعترفي له بمشاعرك الكتمان يقتل الحب

خلود : وهي ميته ضحك هي فاطمة تتمنى تكون جريئه مثل زينة قالت ابوي

انا بروح انام باقي محتاج شي...

ابوخالد: لاالله يحفظك ...

يوم الآربعاء في الديرة /

احمد: وهو خارج من المسجد العصر ويشوف خاله ابوخالد ومعه سيارة

ناصر غريبة وهوعنده اكثر من سيارة غير سيارة خالد

احمد: السلام عليكم ياابوخالد كيفك متى نزلت الديرة

ابوخالد: حياك الله يااحمد والله من الصباح نزلت علشان اساعد فضل

ملكة اخته الليلة عزمك فضل ..

احمد : عزمني الظهر ماقصر بس الآهل مين ينزلهم

ابوخالد: بكل بساطة ناصر الصباح اخذت سيارته واعطيته الجمس علشان

خالد امه تخاف عليه يسوق مع العقبة

احمد: ليش ياخال ناصر يجيبهم وانا البارح عند خلود وماقلت لي

ابوخالد: عادي ماصار شي انت وناصر واحد

احمد: بنفخه لاوالله مو واحد رجاء ياخال خلود ماعاد تركب مع ناصر ولا حتى ابوي

إذا انت مشغول موضروري تجي الديرة او انا اخذها

ابوخالد: وهو يشوف احمد معصب ياولد اشبك معها خالد وامها واخواتها مو وحدها وناصر

مو غريب ..

احمد: زوجتك وبناتك ياخال بكيفك بس زوجتي رجاء ماعاد تركب مع ناصر ذا

وناصر غريب لانعرفه ولاشي ..

بعد صلاة العشاء في بيت الجدة فاطمة /

خلود: فطوم وش اسوي احمد يقول ذحين بيجي اطلعي لي صعبه مره

جدتي فاطمة هنا واخاف عمي حسن او عياله يجون معهم نسخه من المفاتح

فاطمة:قولي له ان آمي في الملكة وماتقدري تطلعي له

خلود: قلت له قال ابيك شوي بس ..

فاطمة : عادي اطلعي له جدتي موجوده عادي راح تتصرف إذا جاء احد

وبعدين محد راح يجي كلهم في ملكة نادية ...

احمد في الصالة جده وبعدين نادي خلود ابغاها شوي بس

الجده : ياولد توكل على الله وش تبغاها ذا الحزه ريحنا ..

احمد: بطفش وليش مارحتي الملكة ترى عيب عليش جيرانش ياجده

وناديه كانت تدرسش ولاتروحي لها والله عيب ..

الجده: ولا بروح عندي بنات ولدي وحدهم اخليهم امهم في الملكة ..

احمد: جده تنادي خلود وإلآ والله ادخل انا لها شوفي حلفت ..

الجده: انا آم حسن انا تحلف علي ياولد صفية توكل يله اسر عني ..

احمد وهو يطنش جدته ويخرج جواله ويتصل هلا خلود تعالي انا

في الصالة عند جدتي بسرعة مستعجل ...

شوي إلآ هي داخله عنده ..جدتها يمه خلود خليك منه تراه خبل

خلود: وهي تحاول تكون طبيعيه هلا احمد كيفك وهي تمد يدها وكاالعادة

يسحبها ويحضنها ويبوس خدها

الجده فاطمة: آنا ام حسن احمد سود الله ذا الوجه فكها ..

خلود: ميته خجل وهي تفك نفسها منه احمد ليش كذا

احمد: بسلم عليك عادي وانت ياجده عادي زوجتي بسلم عليها

الجده: الله لايسلم عدوك استح على وجهك خبل والله انك خبل ..

احمد: وهو يضحك بنت ولدك حلوه اخذت عقلي اااه ياجده عذبتني وهو يضحك

الجده : وهي مستحيه خرجت من الصاله وهي تقول خبل ياالله في صلاح الحال خبل..

خلود: احمد ليش كذا شوف جدتي خرجت ..

احمد : وهو يقرب منها معطي الباب ظهره ومقابل لها قال خليها تروح

انامتعمد اسوي كذا علشان تخرج وبعدين ليش عباية كتف لآبسه لايكون لبستيها اليوم

خلود: بحرج لاوالله عباية فطوم اختي لبستها ذحين علشان ..وماقدرت تكمل

احمد : يلاحظ ارتباكها والخوف علشان ايش ..

خلود: ولاشي يااحمد بسرعة وش تبي قبل احد يجي ...

احمد : محد بيجي لاتخافي كلهم في الملكة قولي ليش لآبسه عبايه في البيت

خلود: احمد وبعدين خلاص لبستها وبس تحقيق هو ..

احمد: وهو يقرب منها ويفتح العبايه وخلود بشهقه احمد ايش تسوي فك

احمد بقوته فكها وهو يفترسها بنظراته بكل وجرئه ويناظر في خلود وهو يضحك

ويقول عادي ترى احب البجامه يعني كان عادي تطلعي بدون عبايه ..

خلود: احمد بلا سخافه خلاص فكني وهي تحاول تركب ازرار العباية بيدين

ترجف ..

احمد: مسك يدها وهو يشوفها خلاص بتبكي قال اسف والله ورفع يدها وهو يبوسها

خلاص خلود اسف والله ..

خلود: احمد خلاص الله يخليك روح فطوم لوحدها تنتظرني لاتحرجني ..

احمد: والله ماكنت ناوي اجي بس لماعرفت ان ناصر هو اللي جابكم ارتفع

ضغطي خلود لاعاد اسمع انك ركبتي مع احد غير خالي حتى لو كان ابوي

خلود: وهي تناظر فيه احمد عادي الوضع بعدين اهلي معي

احمد : حتى ولو ناصر وغيره لآتركبين معه ياخلود رجاء خالي مو

فاضي اتصلي علي او مو ضروري تطلعين من البيت ..

خلود: احمد انت مو واثق فيني

احمد: وهو يناظر في وجهها المصدوم لاوالله اني واثق فيك بس

خلود: بس ايش يااحمد قول ..

احمد: خلاص ياخلود انا بروح اهم شي ماتركبي مع احد

خلود: وهي تمسك يده احمد لحظه لاتروح قول ليش ..

احمد: وهو يتمنى ياخذها بعيد عن كل البشر قرب منها لين حط

جبهته على جبهتها وهو يقول بصوت هامس خلود انــا اغاااااااااااااااااااااار

تعرفين ايش معنى اغاااااااااااااااااااااار حتى من اهلك انا احبك تعرفي وش

معنى احبك هذا انا اعترف لك صح انه بدري اعترافي لك بس ماعاد اقدر

اكتم احبك انا واغاااااااااااار من كل شي حولك حتى لماشفت صورة العرض

في الواتس حاطه صورة عبدالله اخوك ضااق صدري .. راعي شعوري انا اغار

خلود: وهي موقادرة حتى تتحرك علشان تبعده عنها تحس بخدر بكل جسمها

اعترافه الصريح بحبه لها وما اكتفى كمان يغار مو أي غيره حتى من اهلها يغار

موقادرة تقول له شي فضلت تكون ساكته احسن موقادرة تصف شعورها هو اول

رجل يقول لها احبك بنبره ثانيه ومختلفه هو مختلف بكل شي حتى بحضنه مختلف

بس هي تحاول تسيطر على نفسها معه باقي بدري على انها تصرح له وهي بطبعها

تفضل السكوت ..

احمد : وهو حاس صدرها المضطرب انفاسها الغير منتظمه مستسلمه له ماحب

يضيع على نفسه فرصه مثل كذا اغرق وجهها بقبلات ومارجع من نشوته على صوت

جدته من خارج الصالة تقول احمد خلاص ياولد روح الله يستر عليك خل البنت تجلس

مع اختها

قال وهو يبعد عن خلود اعوذ باالله من جدتي تصلح تشتغل في الهيئة ..

خلود وهي موقادره ترد خجلانه مسك يدها وهو معطي الباب ظهره

قال انا بروح تبغي شي ..

وقبل ماترد سمعت صوت الباب ينفتح وظهر لها شخص كانت تتمنى

ماتشوفه العمر كله او مايشوفها وهي واقفه مع احمد تجمد فيها كل شي

وهو يتفحصها بنظراته وهو يقول اووه خلود الحلوه هنا مع حبيب القلب