رد: رواية اخاف احبه ويتركني واخاف ابعد واتعذب كامله
لقيتك شمس في كوني طفى منهـا سنـا الأجـرام
لقيتك بـدر فـي ليلـي يبـدد عتمـة الظلمـات
لقيتك نور في دربـي بعـد مـا هـو علـي دام
ظلام عشـت أترجـاه يتلاشـى ولـو لحظـات
لقيتك روح في جسمي بعد ماكنت لحـم وعظـام
لقيتـك دم فـي قلبـي يمـد عروقـي بضخـات
لقيتك كنك الصورة وانا اللي صرت لـك رسـام
كأنك صرت تمثالي وانا اللي صرت لك نحـات
طبيب الروح داويني ترى كثـرت بـي الأسقـام
ومن غيرك بعـد ربـي يعالـج هـذه العـلات
أبي لمسـات بايدينـك تعيـد الـروح للأجسـام
وأبي كفك بجود الحب يسقي عروقـي الأمـوات
أبي أكتب حبيبـي ليـن تتكسـر معـي الأقـلام
وأبي أملي بكتاباتي كثر ماكـان مـن صفحـات
أبيك تكون فـي دنيـاي تغنينـي عـن الأرحـام
تغنيني عن اخوانـي وتغنينـي عـن الأخـوات
>>>>>>>>>>>>>>>>>>>>>>>>>>>>>>>>>>>>>>>
ماصدقت متى خلصت الاوراق اللي بيدي دقيتها ع الطاوله عشان تترتب وطلعت بسرعه ع غرفة جاد مديت يدي بفتح الباب بس فيه احد فتح الباب بقوه وانا كنت ماسكه فيه ف انشدت يدي وتقدمت لحد ماضربت فيه هفففففففف طاحت الاوراق كنت اناظرها ورفعت بشوف الاعمى ذى رفعت عيوني بعيونه وبققت عيوني ع كبرها وهو يقول
جواد: انتيي؟؟
مو قادره استوعب ي الله للمره الثالثه اصادف هالانسان. حسيت قلبي بيطلع من مكانه وانا مفهيه فيه واناظر بعيونه ورموشه الكثيفه ونظراته الحاده
جواد ببرود: مضيعه شيء ف وجهي
استوعبت الموقف توي مالت عليه يحب يفشلني هوس اهدى انت ي قلبي شفيك تدق بسرعه نزلت اخذ الاوراق بهدوء وهو واقف ماتحرك واحس عيونه علي. اخذتها بسرعه ورفعت جسمي عدلت لثمتي: احححم ابي الاستاذ جاد
جواد: وش هاللي ف يدك
جوانه: اوراق طلبها مني
مد يده: طب هاتي أنا اشوفها
مسكتها اكثر: لا انت مالك شغل أنا بعطي مديري لو سمحت ابعد عن طريقي
جواد وهو يرفع حاجب: مديرك!!! انتي من متى هنا
جوانه: وانت وش دخلك
جواد: هههههه حلوه وش دخلني. حط يده ف جيبه ووجه نظراته لي: أنا مديرك هنا سامعه
اتفاجأت شلون مديري يعني انت منو جلست اناظره ابي اشوف ملامحمه صح. هل يشبه جاد او لا بس مايشبهه هالانسان الغرور مبين ف وجهه ملامحه تختلف عيونه حاده شعره ناعمم وشوي طويل ومرتبه ع ورا نزلت راسي يوم شفته رفع حاجبه باستغراب
جوانه: طيب أنا ماكنت اعرف استاذ ءءء
قاطعني: جواد. جواد خالد الهامي
مدري كيف نطقها بطريقه خلتني اخاف منه يعني هذا اخو جاد
قلت بارتباك: طيب. ومديت الاوراق له: تفضل
اخذها مني وانا لفيت و مشيت خطوتين بروح سمعته يكلمني بغرور
جواد: هيه انتي
التفت له: نعم
جواد: شلون تمشين قبل اسمح لك أنا
قهررررني باقي شوي واصيح اخذت نفس وقلت بهدوء
جوانه: خلاص عطيتك الملف ليش اوقف. وقلت اغيضه: والا حاب تتامل بوجهي
ناظرني بحاجبه المرفوع ويده ف جيب بنطلونه وضحك ضحكه قويه شككني بنفسي اني قلت نكته
هدا شوي من ضحكه وانا لسى اناظره باستغراب
جواد وهو يأشر بيده: تقدري تتفضلي الحين
مشيت وانا مقهوره منه هذا هو اللي افكر فيه مالت عليك ي جوانه هالشخص المغرور عديم الاحساس منو يفكر فيه دخلت غرفتي وضربت الباب بقوه. اكيد مثل اخوه كلهم ناس ماينوثق فيهم
ترررررن ترنننن
توجهت للمكتب واخذت التلفون ورديتت
: صباح الخير
ماعرفت مين : اهلين. منو
: معك مدير الموظفين واسمي هادي
جوانه: اهلين استاذ هادي. تفضل
هادي: زاد فضلك. اممممم
انتظره يتكلم بس شكله متردد
هادي: اسمعي انسه جوانه أنا اعرف ليش انتي متوظفه هنا واعرف وش تبين من جاد الهامي
وقفت بلا شعور وانا اقول: شللللللللللون؟
في الجامعه دانه ومنار وريم جالسين مع بعض
منار: الخبله جوانه فاقده حسها بالجامعه
ريم: اي والله. ونزلت راسها: أنا السبب
دانه: انتي صديقتنا ولازم نساعدك لا تفكري ف انك السبب جوانه اجلت هالترم بس راح تدرس من الترم الثاني مو مشكله كبيره
منار: اي وهي صادقه انتي بس لاتشيلين هم
منار ناظرت امامها وهي تكلم ريم: شوفي من جاي. انتي من وين عرفتي هالاشكال
ريم ناظرت وشافتهم لسى بعيد بس جايين صوبها
دانه: اي والله اشكالهم تخرع
ريم: هاه لا بس اخذ المحاضرات معهم وزي كذا غير كذا ما اندمج معهم كثير
قربو منها قالت وحده منهم: ريم. تعالي نبيك
منار بلقافه: وش تبون فيها
ريم وقفت: الحين ارجع
البنت تكلم منار: لاتدخلين نفسك ف شيء مايخصك
وراحو مع ريم
البنت مدت لها يدها وهي تتلفت يمين وشمال: خذي
وحطتها ف يدها
ريم تناظر اللي ف يدها: ككككل هذا
البنت: اوس ايه هذي لـ هالاسبوع كله عشان احنا هالاسبوع ماعندنا دوام
ريم اللي خلاص صارت متعوده ع الموضوع: طيب خلاص
راحو البنات من عندها وهي خبت اللي معها واتجهت قاعتها
جواد جالس بمكتبه وفاتح ع الاوراق اللي عطته جوانه بس باله بعيييد عنها “هذي هي ي جواد اللي مو قادر تنساها ليش يوم شفتها تعمدت تهينها .. اففف ليش كذا
دخل عليه جاد بعد مادق الباب: سلام
جواد: وعليكم السلام. بدري ؟
جاد: راحت علي نومه وش اسوي
جواد: اوك شف هالملف جابته السكرتيره لك بس أنا خلصته لك
جاد: اوك مشكور
جواد وقف: أنا بروح المشروع وانت انتبه ع الشغل
جاد: اوك. الله معك
وقف جواد واخذ اغراضه وطلع وجاد اخذ الملف وتوجه لمكتب جوانه
سمعت طق ع الباب باقي بقول تفضل بس دخل ع طول هففف منه وش يبي وقفت
جوانه: اهلين استاذ جاد
يناظر بعيوني باقي شوي وياكلني
جوانه: امر بغيت شيء
جاد: لا بس حبيت اشوفك محتاجه شيء او شيء
جوانه: لا كل شيء متوفر
جاد: اوك زين
شفت الملف بيده سألته بتردد
جوانه: الاستاذ جواد يكون اخوك ؟
جاد: ايه شفتيه ؟
جوانه: هاه لا ماشفته بس سمعت عنه
جاد: هو اكبر مني وعنده خبره اكثر مني بس هو بيداوم هالاسبوع هنا ويرجع للشغل اللي ف لندن
فرحت بصراحه لاني احس مراح نقدر نتفاهم أنا وياه هو مغرور وانا عنيده
جاد: يلا اجل اخليك تكملي شغلك
طلع وانا جلست بس موضوع اتصال هادي شغل بالي ناظرت الساعه شفتها 11 واليوم الاحد الحين منار عندها بريك اخذت جوالي ودقيت عليها
منار: اهلللللللللين
ابتسمت: هلا فيكككك
منار بحزن: الجامعه خايسه بدونك
جوانه: ههههه ايه عشان تعرفو قيمتي
منار: امزح لا تصيرين بلون
جوانه: منوو بقلك شيء
منار: قولي ي قلبي
جوانه: في واحد اسمه هادي يقول عارف ليش أنا هنا وايش ابي بس حسيته مو عارف كل شيء
منار بخوف: ككككيف عرف
جوانه: سمع كلامي اول يوم جيت هنا بعد كلمتك قلت اني راح اخليك تندم. ما اذكر اني نطقت اسم جاد بس هو خمن من عنده
منار: وانتي وش سويتي
جوانه: طبعا قلت له مو صحيح وانا اتكلم عن شخص ثاني
منار: اي احسن شيء
جوانه: صرت خايفه منه احس مراح يستسلم لين يعرف.
منار: الله يستر
جوانه: بس تعرفي وش قال. قال انو هو بعد مايحب جاد ويبي اكون معه عشان نخلي جاد يندم ويصير ولا شيء
منار: لا تصدقي يمكن يبي يستدرجك وتخبريه ويروح يخبر جاد ويعطيه فلوس
جوانه: اي والله مراح اصدقه
منار: انتي بس انكري اللي قاله وراح يبعد وينسى الموضوع
جوانه: اوك حبيبتي يلا مابطول عليك
منار : مع السلامه ي روحي
في جهه ثانيه كان توه راجع من المشروع اتجه ع طول ع غرفته يبي يشوف العقد اللي كان ماخذه لها يبي يتأمله وهو متأكد انه مو سراب وانه يقدر يعطيها. دور ع الكمودينه و في الادراج وفي كل الغرفه وما لقاه
جواد وهو يجلس ع السرير: ويننننن راح ذا وين أنا حطيته
رجعت البيت تعبانه شفت ماما تجهز السفره وجدتي جالسه جنبها تسولف معها
عبير: اهلين وينها اختك
وي توهقت نسيت الجامعه
جوانه: هاه ءءء باقي شوي
امي تناظرني باستغراب: شلون يعني باقي شوي
: يعنى بالحديقه وشوي وادخل شفيك ي ماما
ناظرتها وابتسمت ع طول تنقذني من المواقف المحرجه اللي مع امي
مشيت لحد جدتي وانا اقرص خدوها الحلوه: ايييي ازززيك ي عسل
جدتي: بس ي بنت اعقلي. وش بيقول عنك زوجك
جوانه: هههههههه اي زوج بسم الله علي مابي اتزوج
جدتي: اي هين نشوفك يوم يطق الباب هالمعرس الرزه الحلو وش بتقولين
جوانه: هههههه حتى لو حلو أنا مابي اتزوج بكمل دراستي وبعدين
جدتي: انزين نشوفك عقب
ضحكت عليها واتجهت لغرفتي عشان اتحمم وانزل اتغدا
في مكان ثاني وهي تصارخ ع عيالها اللي كسرو لها المزهريه
حصه عمة جواد: يلا ع غرفكمممم لا اشوف احد قدامي لا اذبححححه
دخل عبدالله ولدها الكبير اللي توه راجع من الجامعه
عبدالله: شفيككم اصواتكم واصله لين الشارع
حصه: اخونك رفعو ضغطي
عبدالله وهو يجلس مع امه: اهدي يمه ماعليه توهم صغار
دخلت منيره اللي راجعه بعد من الجامعه والسماعات بأذونها وتتمايل براسها مع النغمات بنت مسترجله كل ملابسها تيشرتات وجينزات رجاليه وقاصه بوي
دخلت ماسلمت ع امها واخوها اللي بالصاله ع طول طلعت غرفتها
حصه تأشر على بنتها:شف هذي بعد. انا الاقيها من وين والا من وين
عبدالله يغير الموضوع: شكلك ماطبختي غدا ترا عصافير بطني يصارخو ماعاد يزقزقو
ابتسمت حصه: لا الغدا جاهز كنت انتظرك انت واختك بس
وراحت تجهز السفره
كانت ع السفره وتاكل بسرعه عشان مازن دق عليها وتبي تكلمه
فهد يناظرها وفاتح فمه: هييييييه حبه حبه بلعتي الاكل مره وحده
منار مو قادره تتكلم فمها مليان بلعت شوي وهي تقول: اثكككت انت
فهد يتريق: خلاث ثكتنا
كملت غداها بسرعه وراحت غرفتها عشان ترد ع حبيبها ردت بسرعه
منار: الو
مازن: كح كح هلا حبي
منار بخوف: بسم الله عليك شففففففيكك
مازن يبتسم: مادري صدري يعورني
منار: يلا يلا قدامي ع الدكتور
مازن: لا م احب الدكاتره
منار: الله يخلللليكك عشاني
مازن: كله شوية الم ويروح
منار: يارررربي
ضحك مازن بقوه: هههههه ياقلبي انتي كنت امزح
منار بعصبيه: هذا مززززح؟ خوفتني عليكك
مازن: احبك. بشوف وش كثر تخافي علي
منار: وانا بعد حححححيل احبك لا تسوي كذا مره ثانيه
مازن: ماشي ي الخبله
منار: ولا تنادي خخخبلللله ي الخبل
مازن: الا خبله
منار: والله انت اللي خبلللل
ضحك عليها وهو مبسوط ويتمنى اليوم اللي يجمعهم
كنت جالسه بالصاله مع امي ودانه وبابا عشان جدتي بتسافر
قلت وانا دموعي ع خدي
جوانه: اجلسي كم يوم بعد
جدتي: انتي عارفه عشان مراجعتي
ضميتها اودع حنانها: راح اشتاقلك
دانه تبكي بعد: راح نجي عندك بالاجازه
جدتي: ان شاءالله
مسحت دمعتها وراحت مع ابوي عشان يوصلها المطار وانا ودانه رحنا ع غرفتي
دانه وهي تفتش ف دولابي: ابي معك شيء حلو بكره البسه
أنا لسى زعلانه ع جدتي: خذي اللي تبين
دانه ابتعدت عن الدولاب وجت جلست جنبي
دانه: بنت وش صار ع العقد
جوانه: ولا شيء
دانه: ما سأل عنه
جوانه: لا ما سأل
دانه: اوه الحمدلله اجل اكيد مو شيء مهم
انسدحت وانا اتثاأب
دانه: فيك نوم ؟
رديت بكسل: ايهه مررره صحيت بدري
دانه: اوك ي الدبا انخمدي
ابتسمت: اجل يلا ع غرفتك وقفلي النور وشغلي المكيف وقفلي الباب معك
دانه حاطه يدها ع خصرها: لا ي شيخخخه
ابتسمت: بلللللليززز
دانه وهي تشغل المكيف ورايحه بتقفل النور
دانه: مشكلتي ماتهونين علي
قفلت الباب وطلعت وانا ماعاد حسيت ع نفسي ع طوول نمت من التعب
>>>>>>>>>>>>>>>>>>>>>>>>>>>>>>>>>
وياتي الليل ليصحو حنيني اليك ،، تتبعثر كلماتي تصرخ بك
تناجي حبك ،، تتوق اليك ،، عندما يعم الظلام وتسكن الاحلام
ولا يتبقى غير صوت قلبي الذي نزف منذ زمن ،، لم يتبقى
سوى حنين يبعث في صدري االالم ،، منذ ان ياتي الليل
تتوقف افكاري ويناجي قلبي ،،اشتتتقت اليييييك،،
>>>>>>>>>>>>>>>>>>>>>>>>>>>>>>>>
ف صباح اليوم الثاني في بيت الهامي وبالضبط في جناح جواد توه طلع من الحمام بمنشفه ع خصره والثانيه ينشف فيها شعره دخل الغرفه الخاصه بالملابس حقته فتح دولابه ناظر فيه شوي وبعدها اخذ بدلته الكحلي الغامق مع قميص داخلي ابيض لبس وطلع ع غرفته مشط شعره للخلف بترتيب اخذ عطره اللي يحبه من ايف سان لوران ولبس ساعته اخذ كم ورقه للشركه وحطها ف شنطته ونزل
ماري: بابا يبي فطور
جواد: لا مابي. الوالده صحت ؟
ماري: نو
جواد اوك سوي لي تركش كافي بس بسرعه
وتوجه للصاله جلس ع الكنب الجلد اللي فيها
جواد” وين راح هالعقد ي ترا الظاهر مانزلته معي ﻻﻻ كان ف غرفتي مين معقول ياخذه الخدم من زمان هنا ماعمر احد فيهم مد يده ع شيء. خوله. خوله دخلت جناحي. ليكون هي اخذته. تسويها بنت الفقر. استغفر الله مابي اظلم احد بسألها بهدوء بس ما اطيقها شلون اسألها بهدوء
قطع تفكيره الخدامه وهي تحط القهوه
اخذها برواقه ورشف منها شوي. وهو يقول بخاطره. لازم احصله وين ماكان
خلص قهوتها وطلع بهيبه وكان منصور ينتظره فتح له باب سيارته وطلع بسرعه وهو متجه ع الشركه
اما جاد ف كالعاده صحى متأخر وراح ع سيارته الفيراري وطلع طيران
صحيت ع صوت دانه
دانه: ققققققققومممممممي تأخرتي
فتحت عيوني: كم الساعه
دانه: 7 ونص
شهقت وانا افز من ع سريري واتجه بسرعه ع الحمام دانه اسمعها تصارخ: لا تتأخري انتظركك تحت
تحممت بسرعه وطلعت نشفت شعري وصليت ولبست كلها ف ربع ساعه كحلت عيوني بسرعه وطلعت وانا البس عباتي نزلت ودانه وقفت عشان نطلع
عبير: جوانه تعالي كلي لك لقمه
قلت وانا اطلع: ﻻﻻ مابي تأخرت
ركبت السياره ودانه تقول :تأخرتي صح؟
جوانه: ايه مره الحين الساعه 8 و على مانوصلك الجامعه واروح بتكون 9
دانه: أنا ماعندي شيء اول ساعه. نوصلك وارجع الجامعه
ابتسمت: ماشي
مع الزحمه وصلت بعد نص ساعه نزلت بسرعه وامشي بعجل طيرت الاناقه الكعب يدق والناس تناظر وانا مستعجله باقي شوي واطيح ماصدقت اوصل غرفتي فتحت الباب بعجل ودخلت وقفلته وراي وفتحت لثمتي عشان اتنفس لان نفسي انقطع اه التفت واتفاجأت لاﻻ انصدمت. يعني كلها يعني احس عجزت عن التعبير وانا فاتحه فمي. واشوفه جالس ع الكرسي اللي قدام مكتبي وحاط رجل ع رجل ورافع حاجبه كالعاده مع نص ابتسامه. رجعت الطرحه ع وجهي بعد ما استوعبت اني كاشفه
وتقدمت شوي : احححم ءءء خير استاذ جواد
ناظرني بسخريه: الحين هذا منظر وحده من موظفات الهامي
ناظرت شكلي كان عادي: عفوا وش تقصد
جواد: اول شيء بشركتنا ممنوع التأخير ممنوع الاستأذان لاسباب تافهه ممنوع الخروج قبل نهاية الدوام ثاني شيء انتي في شركة الهامي يعني منظرك يعكس شركتنا ورجاءً اهتمي بمنظرك اكثر بعد كذا انتي مو جايه لحديقه تلبسي اي شيء وتمشي انتي جايه لشركه كبيره المفروض تتانقي ثالثا واخيرا لا اشوفك مره ثانيه متأخره
وقف ومر جنبي وطلع وقفل الباب وانا باقي واقفه مكاني ماتحركت ابي استوعب هالمغرور وش قال ناظرت نفسي والله شكلي مرتب ليش يقول كذا
تجمعت دموع ف عيوني بس مسحتها وانا اروح ع مكتبي واجلس اه اصبري ي جوانه كلها اسبوع ويروح. ان شاءالله روحه بلا رجعه حقدت عليه ليش يعاملني كذا يبي الناس كلها تمشي تحت اوامره دق تلفون المكتب
رديت: الو
هادي: اهلين انسه جوانه
جوانه: هلا. بغيت شيء
هادي: نفس الموضوع. صدقيني أنا بساعدك واساعد نفسي
جوانه: لا مشكور أنا مابي مساعدتك. وبعدين مين قال اني حاقده ع جاد
هادي: طيب مو حابه تحكي لي خلاص اللي يريحك
جوانه: يلا عن اذنك عندي شغل
هادي: اذنك معك
قفلت منه ورجع دق تلفوني
رديت: الو
جاد: تعالي لي المكتب
جوانه: حاضر
قفلت. هففف وش يبي هذا بعد ي الله متى بطلع من هالشركه وارتاح لازم اتحرك اكثر اليوم بفتش ف مكتب جاد اكيد راح الاقي شيء مهم وقفت واتجهت ع غرفته دقيت الباب وبعد سمعت رده دخلت
قربت من مكتبه: تفضل استاذ جاد
ناظرني واشر بيده: اجلسي
جلست وهو رتب اوراق كانت ف يده ومدها لي وانا اخذتها
جاد: ابيك تدققيها وبعدها اكتبي الحسبات اللي باللون الاسود بس ف ورقه ثانيه واطبعيهم وجيبيها لي
وقفت: حاضر. تامر شيء بعد
جاد: ايه ابي منك طلب صغيرون
جوانه : امر
جاد: ابيك تفطري معي
فتحت عيوني: هاه ؟!!!
جاد: عادي مافيها شيء ها اطلب ؟
بصراحه ماكنت اعرف اوافق او لا كنت بقول لا بس
جاد: والسككوت علامة الرضا. اشر لي اجلس وهو اخذ تلفون وطلب فطور
وقف من مكتبه وجا جلس ع الكرسي اللي مقابلني جلس يقول اني موظفه نشيطه ويمدح فيني يعني يحاول يطيح الميانه شوي وجا الفطور
جاد: افتحي وكلي مراح اناظرك بس ما احب اكل بروحي
ناظرته كان منزل راسه جد. اللي مايعرفه يقول هالانسان قمه ف الذوق والاحترام لكن اللي سواه ف ريم يخليني اعرف اخلاقه الحقيقيه
جاد: يلا سمي وكلي مراح اناظرك والله
فتحت لثمتي وبديت اكل معه وهو يسولف وعينه ع الطاوله مارفعها. اي شكله كذا يخدع البنات انه محترم وهو من داخل حقير
طق طق طق
جاد: ادخخخخخخل
دخل وتفاجأ مني وانا نزلت راسي استحيت اشوفه م اعرف ليش
وقفت بسرعه: عن اذنك استاذ جاد
جواد هو يفتح الباب بيطلع: لا خليك كملي فطورك. ويكلم اخوه وانت بعدين الحقني ابيك
جاد: طيب
طلع وانا مسحت فمي بالمنديل ورجعت ضبطت لثمتي جاد يناظرني: وين
اخذت الاوراق: خلاص شبعت
جاد: اوك مابخليك غصب بس عارف انك ماشبعتي
استأذنت وطلعت ع مكتبي هففف الحين وش يقول عني اكيد يفكرني من هالبنات اللي مع اخوه وانا وش علي منه خلي يفكر مثل مايبي اخذت الاوراق اللي اخذتها من جاد وجلست اسويها التهي ف شغلي احسن
بعد فطر اتجه ع مكتب اخوه دق الباب ودخل وهو يجلس
جاد:امر ي خوي
جواد يناظر بالاوراق اللي ف يده: عرفت ان المشروع متوقف
جاد: لا ليش
جواد: م اعرف بس يمكن عشان العامل اللي تعرض للحادث فيه
جاد: طيب والحل لحد متى بيتوقف ؟
جواد: م اعرف بس لازم نشوف له حل وانا ماخبرت ابوي اخاف يعصب والمشروع لك ف حاول تروح تشوفهم اليوم او بكره عشان تحل هالمشكله
جاد: اوكي تمام
وقف جاد: تامر على شيء
جواد يناظر الاوراق ويوقعها: لا بس ثاني مره انزل الكفتيريا اللي تحت افطر فطور مع الموظفات ممنوع
جاد: ههههه ماشي
وطلع من عنده. رمى القلم بملل ع الطاوله ورجع راسه ع الكرسي وهو يغمض عيونه ليش للللليش انتي اللي قلت انك غير طلعتي مثلهم ليش. وهذا الغبي جاد مو قال انه يحب وحده من الشركه ليش يروح مع هذي. نسيت اسأل وش اسمها. دق ع اخوه بدون تفكير
رد جاد: هلا
جواد: البنت اللي كانت عندك وش اسمها
جاد: جوانه. بس ليش ؟
جواد: لا ولا شيء يلا اخليك
جاد: اوكي باي
قفل منه ونطق الاسم: جوانه
اخذ القلم وفتح كتابه اللي يقرا فيه وقت فراغه فتح اول صفحه وكتب بقلمه بخط عريض ،، جـــــــوانـــــــــه ،،
|