الميت أرجى من الحي
آخر زمان وكل مـن عـاش خبـر
وبغيت اقول الميت ارجى من الحـي
ورد حبالـه فـي زمانـه وصـدر
ان كان اهو ضميـان ولا روى ري
ما عاش في هـذا الزمـان المغيـر
واحوالـه اللـي ماعرفنـا لهـا زي
دنيـا عجـوز وغيهـا مـا تغـيـر
تضحك مع الجاهل وتعجب هل الغـي
جار الزمـان وسـل نابـه وكشـر
واسعار طارت والمخاليق فـي لـي
وقـام الامـام وسـل سيفـة وكبـر
واهتز من صنعاء ليـا بـاب منبـي
والشمس دارت وجهها واقتوى الحـر
ما عاد يمنع من لضـا حرهـا الفـي
والطير الاصفر عاشر الطير الاخضر
بطيور ما نعرف لهـا وجـه وقفـي
والنار شبت والحطـب سـاع جمـر
واللي يدوس النار يصبر على الكـي
والنيل فاض وظنتـي يخـرب البـر
واهل البيوت الطارفـة مالهـا تـي
بعنوانها باخبرك عن كـل ماضمـر
شبت وشابت وابدلت عـود بصبـي
وراع النصيحة ضاع نصحه وعـذر
قال اسمعوا لكـن مـا يسمـع الحـي
وريح العوالي قابلت ريح صرصـر
وكل مافيهـا جـرى شـوف عينـي
والنمل جالـه ريـش نسـر وعمـر
وان استمر الحبـل لابـد مـن لـي
والنمـر حنـب والحصينـي تنمـر
حاسب حساب الغاب من جملة الفـي
وان كان الافعى نابهـا مـا تكسـر
عضت وسار السم لاصق مع الـدي
وان كان عظـم الداعيـة مـا تحيـر
اذا اظلمت ماعاد يبقـى لهـا ضـي
واللي حكم في سابق العصـر عبـر
تعبير يعقوب ابن اسحـاق يـا بنـي
الظلـم ظلمـة وان دخـل دار دمـر
ودنياك ما دامت لحاتـم ولـد طـي
منها السلامـة راس مـال ومتجـر
والقول كنـي لازم الشمـس بايـدي
واختـم كلامـي بالنبـي المـنـور
صلـى عليـه الله مـا سيـر الحـي
بقلم / بديوي الوقداني
|