معنى غيابه
ان كتمت الجرح ياجرحي .../ تنفست الكتابه /
فك ازارير الورق ...... واسكب على صدره عذوبه ..
والشعر .. غصنٍ تمايل ..... كل ماهبت كئابه /
ينثر اوراقه .... ويشرح للعنى ....... معنى هبوبه !
من يمد الشور للتايه ..... بعد ماقفى صوابه /
خلف هذيك الضنون ........ اللي من الضيق لعبوبه !
انتظاره ،وانكساره، واندثاره ..../ في عذابه /
واشتياقه ، واختناقه ، واحتراقه ......./ في شبوبه !
ياشبوبه ../ علمّي ... منهو رحل معنى غيابه /
علميه .. شلون يشرق حزنه ...... بـ حزة غروبه !
علميه ....../ ان الشجاع اللي تعشّم في ثيابه /
ضاقت ثيابه ..... عليه ... ولا ستر جرحه بـ ثوبه !
علميه ....../ ان الغياب اللي قتل زهرة شبابه /
طول ... وطالت ... بعد طال السهر .... طول العقوبه ..
علميه ......./ ان الطفل لامن بكى زاد ارتيابه /
من يخبي وجهه ... ويستر عن العالم ..... عيوبه ؟!
من بعد ماكان يغريه المساء .... آصبح يهابه /
من يلومه ؟ ....../ والظلام اعمى عيونه عن دروبه !
ايه مُدمنك انسكب .. وكفوف لقياك .. انجذابه /
مّل يبني للأمل ...../تمثال... طوبه ... فوق طوبه ..
حلمناغابه..../ وخايف يجبر الهجر احتطابه /
مايكفي من غيابك ... يشتكي وجهي ....... شحوبه ؟
|