منتديات رهين الشوق - عرض مشاركة واحدة

2012-04-12, 01:41 PM

[youtube]

السلامُ عليكم و رحمة الله و بركآته

هذي أبيات للشاعرمحمد بن فطيس تحاكي وآقع سوريا الآن

عسى ربي يعجّل بِ نصرهم و يهلك أعداء المسلمين :

نصبح على شوف انتهاكات وخراب ..
.. ونمسي على دمع وتنهات ونين

بصدورنا شيٍ تذوب اله الهضاب ..
.. وأفعالنا والواقع رياح .. وطحين

على العيون من الفتن مثل الضباب ..
.. معاد ندري من يسار ومن يمين

ما للضعيف الا الدعا لو ما يجاب ..
.. ما غيره الا الشوف مكتوف اليدين

يالله زلزل تحت الأعداء التراب ..
.. والطف بنا واحقن دماء المسلمين

ندعوك يا قادر على جعل السحاب ..
.. جيشٍ لنصرة قلةٍ مستضعفين

أغرقهم بنوع من أنواع العقاب ..
.. غرق الغلام اللي يحسب انه فطين

والا اخذهم يا مجري سود الحقاب ..
.. أخذ العجوز اللي بقت في الغابرين

ذوقهم اللهم أنواع العذاب ..
.. اللي عثوا في أرضك من المفسدين

وألطف بمن لبسوا من التقوى ثياب ..
.. عبادك المستهدفين المتقين

تكالبت عليهم أنياب الذئاب ..
.. ولا غير عونك يا معين الصابرين

من بينهم شيبه يعجزون الشباب ..
.. من وقفته من طولها في الركعتين

ومن بينهم عذراً تون بلا حجاب ..
.. أحجابها لفوا به الجرح المكين

تصيح ماهو من ألم ولا صواب
تبغي الحجاب اللي خذوه المِسعفين

وطفل عن عيون أمه الثنتين غاب ..
.. تبكيه عين وتلتفت لأخيه عين

من هول ما يجري لهم شاب الغراب ..
.. يا وسع حلمك وانت ما فوقك مدين

أدعيك وانت ادرى بحال أهل المصاب ..
.. وأمد كفي لك يا أكرم الأكرمين