الحظ جفت عقبها غُدرانه
والعين لأيام الهنا ولهانه
والروح تاهت من بعد ماقفت
والليل مايرحم غريب أوطانه
وأنا الغريب وغرُبتي بدياري
والقلب يكتم حيرته وأحزانه
هي غاية القلب الجريح وطبًه
اللي غلاها بالحشا مسكانه
قالت أبرحل والرجا بالذكرى
وقلبك عسى الله يلُهمه سِلوانه
قلت إعذريني الأمل بك باقي
والحلم للبَحار يلقى الدانه
ما أنساك لو حال الزمن بظروفه
بصبِر لعل الله يجيب إحسانه
وشلون أبسًلى وأهتني بأيامي
وأشوف وقتي زايدٍ حرمانه
قالت نصيبي والزمن مشقيني
والعين تشكي ليلها سهرانه
ولاأدري وش اللي بالعمر عنًاني
وأشوف حظي بالثرى بأكفانه
بودعك يافرحتي ومرادي
يا دم قلبي وإنت لي شريانه
قلت اذكريني يا غلاة إ سنيني
ولاتناسي عشًقنا وأزَمانه
وجعل السعادة دايمٍ بدروبك
وياجعل غيري يسَعدك يافلانه
وهذي حروفٍ سطرتها إ يميني
وأطلب من الله رحمته وإحسانه
والخاتمه تمت ونفسي طابت
وتلقين غيري يسعدك يالدانه