بــانـت نــجــوم الـصـبــح والـلـي فــي عـيـونــي مـن عـصــر
مـاهــوب دمـع لا تـضـايـقــت آتـنـهــــد .. وأسـكـبـــــه
لآ واللــه .. إلا حـلــــم رجــــــل عــن طـمــوحـه مـا قـصـــر
لــو قـصـرت ســود اللــيـالــي مــن يـمـيـنـه .. وشـنـبـــه
وأنــا لــو إنـي مـا تـعـلـمـت الـهــزيـمـــه .. والـنــصـــر
مــا كــان ذقــت مــن الـهــوى الـقــتـال آمـرَه .. وآعـذبــه
شـاعــر .. وعـصــري فــاتـنــي وآعـيــش فـي آغــرب عـصــر
لا الـوقــت وقـتــي .. والـزمـن مـا بـيـنـي وبـيـنــه شـبــــه
لكـن هـنــوف مـثـلــت دور الـعــزيــزه فــي مـصــــــر
قـدَت قـمـيـصــي وآسـرفــت فـي وصـلـهـا قـبـل أنـتـبــه
يـوم أنـتـبـهـت أسـتـشــهـدت ضــدَي بـحـرآس .. وقـصــــر
قــلـت آرحـمـي عــزيـز قـــوم ذل .. وآرخــى مـنـكـبـــــه
مـانــي نـبــي اللــه أقــاوم حـســن خـصــرك لا أنـخـصــــر
أنـا بـشـــر .. عـبــد(ن) ضـعـيــف .. وكـل بــرقٍ يـجـذبــه
قـالــت وهــي تــوَي تـثـنــى كــن مـا فـيـهــا خــصـــــــر
الـشــعــر يـا ضـيــدان ورث جــــدود .. وإلآ مــوهبـــــــه
قـلــت الـشــعـر سـحــر يـســخـر لــي قـلــوب .. ويـخـتـصـــر
عـمــر الـمـسـافــات الـطـويـلــه .. والـسـنـيــــن الـمجــدبــه
(( والـحـب )) شـيٍ لـو حـصــرتـه فـي ضـلـوعــي مــا أنــحـصـر
يـطـغـــى عـلــى حــدب الـمـحـانــي لـيـن آبـيــحـــه .. وآكـتـبـــــه
وإن عـلـمـتـنــي الـفــاتـنــه وشــلـون آعـيــش بــلآ بـصــــــر
عـلـمـتـهــا الـفـنـجــال وشـلــون آتــحـدى .. وآشــــــربـــه
وعـلـمـتـهــا إنــي كــذا طــال الــزمــن .. وإلا قـصــــــر
إن آعـذب الـحــب ((أصـدقــه)) وإن آعـذب الـشـعـر ((آكـذبـه))