وقامت هجوس الليل ..ليلي تضيمه
مابين دمعٍ فوق خد القمر سال
ومابين حزن وبين ( فرحه يتيمه)
امسي على هم ٍ وضيق ٍ وغربال
واصبح على نور... القهر والظليمه
لابوك دنيا للردى عزت انذال
وصارت لهم في كل الاقطار.. شيمه
ولابوك دنيا للعنى, هزت ارجال
تآطى على قفر الكرم دوون قيمه
احداً يشوف الضيم من سود الاهوال
واحداً تفاصيل الفرح ..سود ضيمه
واحداً همومه للشقى مضرب امثال
واحداً لقى همه حدر ..ظل غيمه
دنيا غريبه ؟؟ والغريبٍ هو الحال
ناس ٍ تعيش ؟؟..وللفتن والنميمه!
وناس ٍتدّور للردى طيّب الفال
قلوب نجسه في عقول ٍ ..... عديمه
يالله تستر حالنا بعرض من قال
ويالله تجعل ...هالعواقب. سليمه!!