حتى الزعل فيني يدور ع رضاك
 

كلي معك وان ماكفى كلني لك..
تعال خذني وخطوتي تسبق خطاك..

اجيك ضامي وارتوي قبل لا اوصلك..
واوصلك واضمي وارتوي وارجع اضماك ..

القاك فيني والتقي فيك داخلك..
واخاف لا اشوفك ولاعاد القاك ..

وازعل على نفسي ولا اقدر ازعلك..
حتى الزعل فيني يدور على رضاك..

شفني يثير الصمت فيني تاملك ؟؟
ويثور قلبي من سهم رمش عيناك..

هتان شعري ماقوى عن تجاهلك..
ماصد حرفي عن ملامح محياك..

يضيع وصفك مع بدايات اولك..
وابدا من الاخر واضيع بحلاياك..

اية انكسر وجة الدلع يوم قابلك.
وانتي الدلع ..والا الدلع هو تبناك..

والوردة اللي شلتها بين اناملك..
تفتحت لاصارت بكف يمناك..

تروي من عروقك وتعكس تعاملك ..
وتسرق من انفاسك وتاخذ مزاياك..

انت الغلا ومنك الغلا فيك يسالك..
الحب اصل الحب ماكان لولاك..

كلي معك ..عفوا انا كلي لك..
تعال خذني وخلني دوم وياك .

رد: حتى الزعل فيني يدور ع رضاك
 

سلمت يدينك غلاي