منتديات رهين الشوق - اجمع حطام الحب وأهديـك ,,,كبريـت ,,,

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - اجمع حطام الحب وأهديـك ,,,كبريـت ,,, (http://www.alshoogg.com/vb/showthread.php?t=28125)

اجمع حطام الحب وأهديـك ,,,كبريـت ,,,

للشاعر سعود بن سعد

دورت انـا لــك يالـغـلا مالقيـتـك
نسيتـنـي ولا بثقـلـك تناسـيـت
مافيه فـرقٍ دام انـا اللـي شريتـك
وأرخصت بيعي يـوم عنـي تخليـت
يامـا نطرتـك بالوعـد واحتريتـك
ومرت علي ساعات وعدك ولا جيـت
ويامـا توسلـت بغـلاك ورجيـتـك
واوعدتني واخلفت موعدك واقفيـت
ويامـا سهرتـك بالخيـال وسريتـك
ويامـا حلمتـك بالوصـال وتمنيـت
على كثـر مااهديتـك الحـب ليتـك
صدفة غلطت تزيـل رقمـي ودقيـت
بنيـت مـن بيـن المعاليـق بيتـك
تحت الظلوع اللي تحرسك ورى البيت
يرعاك طيف الشـوق حتـى مبيتـك
وتجيبـك الاحـلام لامنـك أبطيـت
يكتبك دمـع العيـن لامـن قريتـك
واحاول اقطـع عبرتـي بالتناهيـت
مدري سبايب ذنبـي انـي هويتـك
والا تغـلا يالغـلا يـوم حبـيـت ؟!
ان كان تذكرني وأنـا اللـي نسيتـك
حقك علي لا جيـت يمـي وصديـت
وان كان هـذي عادتـك مارجيتـك
اجمع حطام الحب واهديـك كبريـت

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]