منتديات رهين الشوق - قال وش حالك عساك بخير قلت الخير طـق

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - قال وش حالك عساك بخير قلت الخير طـق (http://www.alshoogg.com/vb/showthread.php?t=25796)

قال وش حالك عساك بخير قلت الخير طـق

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

دق جوالـي وأحـس القلب يومه دق .. دق
صفر خمسه أربعه وآخـره خمسة سبعتيـن
قلت في بالي وش الطاري عسى المحبـوب رق
من ثمان شهور مايسأل عسى الطـاري حنين

المهـم أنـي ذكـرت الله وقلـت الله حــق
واضغط الزر المحدد سم عفوا أنت مين؟
قلتها وأنـاأعرفـه ميـر الثقـل حـل وسبْق
قال أنا اللي متصـل وأرجـوك زيّنهـا تزيـن

قلت يعني قال يعني شوفني ميت زهْـق
ودي أسولف معك من غير جيم وغير سين
قلت تامر قـال تسلـم وابتـدا كشـف الـورْق
واسمعه دق السبيكر قلت عونـك يامعين

قال وش حالك عساك بخير قلت الخير طـق
من عقب فرقاك يا قاسي غـدا حالي حزين
قال قلبك وش علومه قلـت قلبي أحترُق
ما قـوا هجـرك ولا بعـدك ولا قهـر السنيـن

قال شعرك قلت شعري لا ابد طـب وتنْـق
كل خفّاقي قصايد مـن يسـار ومـن يمين
قال كبه قلت أكبه قـال والمركـب غـرْق
قلت مركب ايش هذا قـال طحت بهالكمين

ماني بصاحبك بس أرجـوك مـن يسبـق لبْـق
انت اسلوبك عسـل وانفـاس حكيـك ياسميـن
بالغلط دقيـت وأحمـد ربـي الـرازق رزْق
والله أعلم انـك مشبـه علـى شخص ثمين

قلت لحظة ماهي الدعوة صحـن خبـز ومـرْق
اصبر اصبر خلني أعرف مكـان اللبـس وين؟
قمت أراجـع رقمـك الموجـود واشوفـه فـرْق
أنت خمسه سبعتين وذاك سبعه خمستين

ممآإ رآإق لي ..